My ONE

Chapter 16

Niall's POV

كنت مبسوط لأنها مبسوطه و لما شافت شكل السحاب كانت معجبه بشكله جدا بس لما قالتلى انها بتخاف من المرتفعات ..

انا طمنتها بس بعدها بثوانى فقدت وعيها ..

اڤ" ن-نايل "

-اڤريل !

كانت هتقع منى بس لحقتها .. للحظه حسيت بالخوف لأننا فى مكان عالى ممكن يوصل ل 20 متر ..

قررت انى انط بيها... و مديتش نفسى مدة للتفكير ..

نطيت و انا كنت عارف انى انا هنجى لا محاله لكن انا كنت خايف عليها ..

كانت كويسه و شيلتها و وصلت البيت فى اقل من دقيقتين بسبب سرعتى الزايده .. وصلت و انا شايلها على ذراعى .. و طبعا كلهم بدأو فى الأسئله الى مش بتخلص و شكهم فى قدرتى فى التحكم فى عطشى للدماء

مارثا"نايل ايه الى حصل فى ايه؟؟!!"

جريس " نا-نايل انت عملت فيها ايه"

اماندا"هى الى عملت فى نفسها كدة " قالتها بنوع من السخريه ..

تجاهلتهم و طلعت بيها على الاوضه بتاعتى .. و كريس طلع معايا .. هو الوحيد الى مش ممكن يشك فيا .. انا مش عارف بس حاسس انه الوحيد الى هيساعدنى .. حتى لو كنت عملت فيها حاجة

اقصد انه رجل حكيم و بيفهم فى الطب و احيانا بينقضنى بس هو دايما فى صفى ..

كريس"ايه الى حصل" قالها بهدوء شديد

-مفيش احنا كنا على الأشجار و هى بتخاف من المرتفعات
و هى ف-فقدت الوعى ..

كريس" طب امسك الأزازة دى و فوقها بالميه .. " و ابتسملى سابنى و مشى و قفل الباب وراه ..

نسيت اقولكم انه مش بيحب يتدخل فى كل حاجة .. و مش متطفل خالص .. و دى حاجة كويسه بالنسبالى ..

مسكت الأزازة و حطيت فى ايدى شويه من الميه .. مش كتير يعنى .. و مسحت بيهم على وشها .. و فاقت.. بصتلى و بدأت فى الأول كأنها مش فاهمه ايه الى حصل ..

Avril's POV

-نايل انت بتعمل ايه هنا ..
قولتها و انا حاسه بصداع فظيع ف راسى..
بدا يبتسم و يقولى
نايل" ههه معلش ركزى شويه انتى فين قبل ما تسألينى .. "

بصتله بإستغراب و بصيت حوليا لقيتنى فى اوضته !!

-احم .. ايه الى حصل؟

نايل"مفيش.. احنا كنا على الشجرة و اغمى عليكى و جبتك هنا و فوقتك"

-ااه.. افتكرت .. انا بخاف من المناطق العاليه اوى بس نسيت اقولك ..

قولتها و انا بمسك دماغى من كتر الصداع .. حاسه ان حد بيضربنى فيها ..

نايل" انتى كويسه؟"

-اه بس شويه صداع .. هو الساعه كام ..

نايل" الساعه ٨ .. "

-ايه!!!! .. (قولتها بصدمه) انا بقالى هنا ساعتين !! انا لازم امشى ..
قولتها و انا بقوم و لقيته قام و مسكنى و نزلنا ..

نزلت و كانو بيتكلموا و لما شافونى سكتوا كلهم و بصولى ..

يلا ننزل همس فى ودنى نايل عشان ننزل و اخدت بالى انى واقفه فى نص السلم و نزلت بسرعه رهيبه و وقفنى صوت السيدة مارثا ..

بصيتلها و لقيتهم كلهم واقفين و باصينلى ..

مارثا " اتمنى اشوفك تانى :) "
ابتسمت لأنى حسيت من كلامها انهم بيقولولى انهم مش بيكرهونى ..
روحت حضنتها و كانت حركة لا اراديه منى ..

-و انا كمان.."

ابتسمت و نايل مشى معايا للعربيه و بدأ يسوق لحد البيت..

فى نص الطريق نايل كسر الصمت و بدأ يتكلم .. بس بدأ بسؤال ..

نايل" بتشوفى زين؟؟"

اتصدمت من السؤال بس استجمعت قوتى و اتكلمت

-اه ..

اكتفيت بالرد دا لأنى فعلا مش عايزة مشاكل و مش عايزاهم يتخانقو .. ولا حتى يتقابلو .. كفايه اخر مرة و نظراتهم لبعض

نايل" ابقى خلى بالك منه .."

-حا-حاضر ..

اخلى باله منى ازاى دا هو اصلا الى بياخد باله منى .. بس هو يقصد ايه بالكلمه دى .. ممكن يكون قصده ان زين ممكن يإذينى..

لا لا اكيد لأ بس ممكن يكون يعرفه و بينهم مشاكل .. او ممكن يكون يعرفه و مش عايز يقولى ؟ ..

طب ليه مش بيحبو بعض؟ ..
اسئله كتير فى دماغى بس انا مش قادرة افكر لأن دا بيضاعف وجع رأسى ..

قطع تفكيرى وصولنا البيت و ودعت نايل و دخلت لقيت
زين جوة و كان بيتكلم مع تشارلى .. !!
____________________________

انا اسفه يا جماعه على التأخير بس اوعدكم الشابتر الى جاى انهاردة ..
و التفاصيل الى جايه من تأليفى و فى بعض المواقف هتبقى من الفيلم بش مش كتير ..

بالنسبه للناس الى عايزة الروايه باللغه العربيه و كان فى بنت قالتلى عشان القراء يكترو و القراءه تبقى اسهل (sar_gd) .. انا عايزة اشكرها على النصيحه و اشكرها على اهتمامها بالروايه و عايزة رأيكم لتانى مرة فى حكايه تغيير اللغه .. و ارجو الرد منكم ..

الأسئله:
- تفتكرو ليه اماندا بتكرو اڤ و تفتكرو ممكن تتغير من ناحييتها ؟

- زين و تشارلى كانو بيتكلمو فى ايه؟ و ممكن يكون عن اڤريل ولا لأ؟

Thanks for reading .. Luv u soooo Much

و قبل ما امشى بس .. انا زرار الڤوت مش شغال عندى... جربوه كدا و قولولى شغال عندكم ولا لأ xp xDDD

و اعملو كومنتس على الفقرات ياريت...
Nighty ..
Luv u All *Kisses*