My ONE

Chapter 19

"ياريت يا جماعه تقرو الكلام الى فى الأخر عشان مهم اخر فيصل xD "

Avril's POV

نايل جمبى و مش عارفه ارد ... روحت مكنسله على زين و بصيت لنايل بقلق..

نايل"ايه ؟؟ مردتيش ليه؟

-دا مش رقم مهم ..
لقيت زين بيتصل تانى!!

نايل"لا لا ردى دا اكيد حد عايزك فى حاجه مهمه"

اخدت وقت عقبال ما دوست على زرار الرد..

#المكالمه
زين"اااڤ مش بتردى لييه!! "

-لا مفيش حاجه انا بس كنت مشغوله شويه ..

زين"طب اوك .. بصى انا هعدى عليكى بعد شويه فى البيت عشان كنت عايزك فى موضوع كدا"

-امم .. اوك اوك هشوف

زين"هعدى عليكى بعد نص ساعه اوك؟؟ "

-لأ لأ !!
قولت بصوت عالى و بسرعه

-احم.. انا اسفه .. خليها بعد ساعتين معلش عشان الحق اجهز ..

زين"ا-اوك .. بس ياريت متنسيش ها!"

-اوك .. باى

زين"باى .."
...
نايل بصلى و كنت عارفه انه عايز يسأل كنت بكلم مين .. بس انا متكلمتش لأنى بجد مش عايزه اتخانق ..

بعد فتره من الصمت المريب لقيته بصلى فجأه و قالى

نايل"زين.. صح؟"
صعقت لما سمعت الكلمه دى .. !

-اه ..
قولتها بتردد و حسيت ان شر الدنيا كله فى عنيه .. مع انه هادى ..و حسيت ان هو دا الى بيقولو عليه هدوء ما قبل العاصفه

نايل"كان بيقولك ايه؟"

-مفيش دا كان بيسألنى بس على .. على ...
حاولت افكر فى اى كدبه اقولها و مش لاقيه

-اه .. كان بيسألنى على حالى و الجامعه اخبارها ايه و كدا ..
بصلى بصه مفهمتهاش .. بس الى عرفته ان هو حاسس انى خايفه ..

Niall's POV

لما سمعتها بتتكلم فى التيليفون كنت بحاول اخد بالى من الصوت او اميزه .. و هى كمان كان باين عليها انها متوتره
و لما قعدت وقت افكر .. فكرت انه ممكن يكون زين .. فسألتها .. كنت متدايق مش عارف ليه.. يمكن خايف عليها ؟
طب ممكن اكون غيران ؟
و لو خايف عليها .. انا خايف عليها من مين؟ هه انا خايف عليها من نفسى !!
لما قالتلى انه كان بيسأل عليها انا كنت عارف انها بتكدب .. و متأكد .. بس مكنتش عايز اتخانق .. عشانها مش عشانى ..

روحتها و طول الطريق متكلمناش .. لحد ما وصلتها البيت و مشيت .. مشيت فى الشوارع زى المجنون عمال افكر .. ممكن يكون فى حاجه بينها و بين زين؟ .. طب ممكن زين يقولها على الى كان بيننا؟

بعد وقت من التفكير العميق .. تعبت و روحت .. على امل ان بكرا يكون احسن و انى احاول اربطها بيا اكتر .. و اقطع حاجز الخوف الى ممكن يكون مسيطر عليها فى احيان كتير ..
.
.

Avril's POV

لما نايل و صلنى دخلت و كنت تعبانه اوى بجد .. حاسه انى مضغوطه .. و مش هقدر اكمل بالشكل دا .. انا خلاص .. تأكدت ان الأتنين بيكرهو بعض بس نفسى اعرف ليه .. ممكن يكونو يعرفو بعض من زمان؟ .. او بيكرهو بعض عشانى؟

تعبت من التفكير و مسكت تيليفونى و كلمت زين ..

زين"اڤ ازيك؟"

-تمام .. انت عامل ايه؟

زين"تمام.. انا هعدى عليكى بعد شويه .. اجهزى "

-اوك .. انا مستنياك

لبست و استنيته ييجى .. و فى ظرف خمس دقايق كان قدام البيت!

زين" مش كان زماننا خارجين بقالنا ساعتين يا هانم! "
ضحكت على تصرفه الطفولى .. و اخد ايدى و خرجنا و بدأنا نمشى ...
.
.
.
-زين.. احنا بقالنا كتير بنمشى .. احنا هنروح فين؟

زين"هنروح نتعشا برا .. اوك؟ .. بس المطعم بعيد شويه "

-بس انا بجد تعبانه .. انا مش قادرة امشى

زين"اوك"

وقفت مره واحده و بصتله !! انت بارد للدرجه دى؟!
بصلى .. و بدون اي مقدمات .. لقيتنى بترفع من على الأرض !!

لقيت الناس الى فى الشارع الى بيسقف و الى بيصفر و كان وشى منهم فى الأرض .. كنت بجد مش عارفه اعمل ايه
و بدأت اترجاه انه ينزلنى .. خصوصا انه بدأ يجرى بيا .. و اتحولت من واحده محرجه لواحده هبله بتضحك بهستيريا !

وصلنا المطعم .. و كان وقت لطيف بجد .. و تقريبا مكانش في احداث .. بنتكلم عن الجامعه و اصحابى .. و جابلى ورد و رجعنى البيت ... و نمت زى القتيله ..

----------------------------

ويلكم ✋
عارفه ان انا جزمه والله و مش بنزل شابتر بقالى كتير .. بس انا والله طالبه 20 كومنت بس!! فى الشابتر الى فات و مفيش اى حاجه .. ناقص خمس كومنتات xD

المهم انا عليا امتحانات الاسبوع الى جاى دا .. ادعولى .. و ان شاء الله هحاول اكتبلكم شابتر بكرا ..
و كان عندى سؤال مهم ليكو ..
القصه انا ممكن اخليها عربى عام و لغه عربيه فى نفس الوقت .. الفكره الصراحه شوفتها فى كتاب (هيبتا) هتبقى مثلا كدا .

وقفت لتنظر له بدهشة و هى تقول
"بجد!! انت ازاى بارد كداا"

فهمتو؟ المهم عايزة رأيكم لأنه يهمنى اوى اوى طبعا و رأيكم فى الشابتر .. و متنسوش الڤوت و الكومنتس بقاا

سلام
#Rony_Malik