8ET:Complicated UNEDITED VERSION (COMPLETED)

Chapter 2 - Where are you?

Chapter 2 -Where are  you?

~

“BELLE, sabay na tayong mag lunch break. May baon akong dinuguan.” Tawag pansin sa kanya ng kaibigan niyang si Letizia or Zia for short.

Nasa office ngayon si Reabelle, dito siya nagtatrabaho sa isa sa mga pinaka malaking Hotel sa syudad ang Heluxus Hotels. Isa siyang office staff sa hotel na ito as well as her best friend Zia.

Ilang taon na din siyang nagtatrabaho dito, kaibigan kasi ng long time boyfriend at ngayon ay fiance na niya ang general manager ng hotel kaya mabilis lang siyang nakapasok dito. At isa pa, she deserve this job naman. Matalino naman siya at edukada, hindi na lugi ang hotel sa kanya.

Ngumiti si Belle sa kaibigan niya bago niligpit ang gamit niya. Pinatay niya muna ang computer sa harap niya. Ganito siya kasinop kapag naglu-lunch break siya. Gusto niyang maayos ang mga gamit niya sa cubicle niya bago niya ito iwan para kumain.

“Ano ba 'yan napakasinop mo talaga, Mrs. Buado.” Tudyo sa kanya ng kaibigan.

Lagin namang ganyan si Zia sa kanya. Tinutukso siya nito sa fiance niya, hindi lang talaga siya nasanay. Bukod sa masyadong direct to the point magsalita si Zia, wala pang tigil ang kadaldalan nito.

Hinampas niya ng mahina si Zia sa braso. “Tara na sa canteen. Masarap ba yang baon mo? Baka mamaya tulad lang iyan noong nakaraan! Naku Zia, spear me, ayoko nang magpabalik balik sa banyo.” Sabi niya.

Totoo naman kasi, noong nakaraang nagbaon ang kaibigan niya ng luto nitong sinigang ay nagka-LBM siya dahil sa sama ng lasa noon. Goodness! Ewan ko ba kasi dito kay Zia, pinipilit matutong magluto e, obvious namang wala itong future sa pagluluto.

“Grabe ka sakin Belle, halika na nga, kanina pa nandoon si Mommy Aileen.” ani Zia.

Ang tinutukoy nito ay ang isa pa nilang kaibigan na si Aileen na secretary ng boss nilang si Mr. Cavin Heluxus. Ka-edad lang din nila ang dalaga. 'Mommy' lang ang tawag nila dito dahil may anak na ito at single mom. She doesn't know what happen to her child's father. Hindi naman kasi ma-kwento si Aileen, at isa pa, hindi na sila nagtatanong para na din sa kapakanan ng privacy nito. Malay mo, sadyang ayaw ipaalam ng kaibigan niya ang tungkol sa ama ng anak nito.

Belle is happy. In her twenty six years of existing, hindi siya nakaramdam ng pagkukulang. She has an amazing family, kahit na nasa America na ang mga magulang niya dahil noong isang taon pa ito nag migrate, they never lost in touch. Maka-ilang ulit na nga siyang inalok ng mga magulang niya na samahan na siya sa America but Belle can't, hindi niya kayang iwan ang Pilipinas, lalo na ang lalaking nagpapatibok sa puso niya.

Antonio Buado is her love of her life. He is the man of her dreams, matalino, gwapo, gentleman, mabait at may kaya sa buhay. Well, wala naman kahit isa doon ang nagustuhan niya, mahal niya si Anton dahil ito ang tinitibok ng puso niya. Walang kahit anong dahilan. Basta mahal niya.

Nakarating sila ni Zia sa canteen. Medyo madami na ding tao dahil oras na ng tanghalian. Supposedly ang mga tulad nilang office staff ay dapat sa resto na ng hotel kumakain. Ayaw lang talaga nila dahil mas komportable sila sa canteen na para sa mga hotel staff, crew lamang.

Agad naman nilang natanaw si Aileen na naka-upo na isang table sa bandang gilid. Ayaw na ayaw talaga nito ng atensyon. Kabaliktaran ito ni Zia. And she's really happy having these two people beside her.

“Mommy Ai!!” Magkapanabay na sabi nila ni Zia.

Belle sit beside her. Si Zia naman ay sa harap nila na agad na inilapag ang lunch box na hawak nito.

Natawa ng malakas si Belle kung paano namutla si Aileen nang makita niya ang lunch box na hawak ng kaibigan. She feel her, paano'y parehas silang tumambay ni Aileen sa banyo noong huli silang kumain ng luto ng kaibigan.