البارت الرابع ✨...
العياال بالنادي '
عبدالاله : العيال متحمسين اليوم الا انا، عبدالرحمن : يولد انت طول عمرك منت متحمس ،سلطان وهو يرفع الاثقال وتمارين مكثفه : قم انت وياه بكرا كل واحد اشوف كرشه قدامه ،فيصل وهو الثاني يكثف تمارين على نفسه يتكلم وهو يضحك : بكيفهم بس ،عبدالاله : لا بس مب اذبح نفسي كذا ،سلطان فجاه اطلق ااه ، العيال التفتو له وكان جالس بالارض ونزل الاثقال من يده .
بالمستشفى ١٠:٣٠ ،الدكتور:لا تتعب نفسك بالتمارين وحاول تريح هالفترة عندك شد عضلي ،عبدالاله بضحك : ههههه ها كروشنا تنفعنا ،عبدالرحمن :عشان لا تقعد تتفلسف مرا ثانيه يالبطل ،سلطان يطالعهم بنظرات نرفزه،فيصل : اليوم مارح نكشت عشان سلطان ،سلطان : والله لو ايش بنروح بنروح ،عبدالاله : لا انت تعبان نأجلها،سلطان:خل التعب بنروح يعني بنروح ،العيال باستسلام لعناد سلطان :خلاص نروح نروح ،عبدالرحمن: خلاص اليوم المغرب نمشي ،سلطان:لا مااقدر المغرب ،عبدالاله:ليه؟ ،سلطان :امي وابوي بيسافرون دُبـي اليوم الساعه ٨ طيارتهم انتم تروحون المغرب وانا اودعهم والحقكم،فيصل:خلاص اجل عبدالاله ودحمي يروحون وانا بروح معك لبيتكم نلحقهم مع بعض ،سلطان :لا رح معهم وانا الحقكم ،فيصل:لا تحاول رجلي على رجلك بعدين انت ماتقدر تسوق لازم تريح نفسك،سلطان : الله وش هالدلع الي بيجني هههه،عبدالاله : اي ندلعك بس الطبخ فيك فيك ،سلطان: مايمديني افرح ياخي ، وضحكو مع بعض .
بيت ابو سعد ١٢:٠٠ الظهر،سعد وهو يشيل شنطته للسفر : تبي شي يبه ،ابو سعد:على وين؟،سعد:طيارتي الساعه ١ وبروح المطار بسافر للكويت عندي شغل هناك ،ابو سعد:ماشاء الله من متى هالشغل ،سعد تجاهل سؤال ابوه وتوجه لامه باس راسها: يالله يمه توصين شي،ام سعد:الله يحفظك ياوليدي،طبعاً ولا سلم على فـي ولا عطاها اهتمام ومشى،ابو سعد : فـي ياقلبي سعد راح وحنا بنروح شرايك تروحين معنا ،فـيّ:لا بقعد بالبيت وانتم تونسو وعندي سلطان والخدم ،ام سعد:ياقلبي لحالك مايصلح بعدين سلطان مايجلس بالبيت ،فـيّ : لا يمه خلود اليوم بتجي تسهر عندي ،ام سعد:اي اشوا طمنتي قلبي ،ابو سعد:يومين ونرجع ان شاء الله ها توصين شي نجيب لك معنا ،فـيّ وهي تذكر الفستان الي شافته لما راحو المرا الي قبل بس كان سعد رافض انها تشتريه:اي يبا تذكر الفستان ذاك الي شفناه كان لونه عنابي ؟،ابو سعد : ايه ابشري ، فـيّ : حبيبي يبه ..
مرّ باقي اليوم عادي نجي الساعه ٧:٣٠ ببيت ابو سعد '
سلطان : يالله انا اوصلكم ،فـيّ تضم ابوها وتبوس راسها ،ابو سعد: الله يحفظك ،فـي تروح عند امها وتبوس راسها ،ام سعد : ماشاء الله كأنه تحبين ابوك اكثر ،ابو سعد : بنتي لاحد يقول لها شي انا اكثر وحده احبها هي وهي تحبني اكثر شي لاحد يتدخل بين البنت وابوها ،سلطان : الله يرزقنا ،ام سعد: ههههه ،
عنـد بيت ابو فيصل '
خلود تكلم فـيّ : اي اسمعي خلي سواقكم يجي ياخذني ،فـي : ليش وين سواقكم ،خلود : مدري وين طاس الزبده خل يجي ،فـيّ : بتجيني وتتشحذ سواقنا بعد ههههه خلاص طيب الحين يجيك ،خلود : بعد احمدي ربك اجيك ،فـيّ : خلاص لا تقعدين تمننين ،وقفلو ..
فيصل : الو .. هلا .. وينك .. ايه... خلاص نروح الاستراحه وبعد شوي نلحق العيال ... خلاص وصلهم وتعال انا بالاستراحه ... طيب ...سلام ..
كومار سواق بيت ابو سعد : يوه هدا في تأخر ، الا دخل عمران سواق بيت ابو فيصل : انتا ايش سوي هنا ،كومار: انا سوي انتظار حق مدام ،عمران : انتا سواق تاني ؟،كومار : لا بس مدام قال روح جيب بنت هنا ،...الخ وبدأو يتكلمون ويتعرفون على بعض لان خلود تاخرت ، عمران : خلاص انتا يجي اليوم بيت هنا اسهر مع بعض ،كومار : لا خلاص انتا يجي بيت هنا مافي احد الا مدام ،عمران خلاص مافي مشكل انا باليل يجي يسهر عندك ،الا نزلت خلود وراحو ،
مر الوقت خلود وفـيّ من سالفه لسالفه وسلطان وفيصل بالاستراحه اما سعد وصل للكويت سديم مسافره مع اهلها لتركيا اما ريفال طول الوقت نايمه ريناد الي ماتخلص تعارف على العيال اما ابو سعد وام سعد بالطياره يسولفون أما عبدالاله وعبد الرحمن ظبطو الخيمه والمكان وشبو النار مابقى الا شوي اغراض كان بيجيبهم سلطان ،
عند خلود وفـيّ ١٠:٣٠، فـي انتبهت انو كل شوي اهلها يدقون وماكانت تبي تسبب لها احراج: خلودوه ورا ماتطسين لبيتكم ،خلود: وش ذا الطرده ،فـيّ :ابي انام يختي من اليوم المح لك ماتفهمين ،خلود : هههههه وقحه ،فـي:ادري من يومي بس طسي ،خلود : حقيره والله ماجيك مرا ثانيه ،فـيّ ماتبي تحسسها انه عشان تروح تضغط عليها: نمزح والله .. شسمه السواق تحت ينتظرك ، خلود قامت تلبس عبايتها :يالله انتبهي لنفسك وبكرا اجيك ان شاء الله نامي واذ صحيتي افطري ،فـي:الله احس انك امي وش هالحنان ،خلود اردفت بضحكه: شفتي شلون .. يالله يقلبي مع السلامه،فـي:مع السلامه.
