في مزرعـه كبيره فيها من كل شيء جميل وطاوله عليها نقوش عثمانيه ومظله فوق الطاوله بشكل ولون يتطابق مع الكراسي والطاوله كل شي فخم ،سلطان ف نفسه هذا الشايب شكله ابد مايوحي انه عنده هالخير ماشاء الله ،الشايب ابو سلمان : حياك الله اعتبر المكان مكانك ، سلطان: ماتقصر والله وكثر الله خيرك اجل بكره الفطور علي ،ابو سلمان: خليه يوم ثاني ان شاء الله ، جت عين سلطان على "مقدوس" اسم اكله : ماشاء الله وش هالفطور الزين ! هذا شسمه ،ابو سلمان ابتسم على عفوية سلطان :هذا مقدوس وهذا شغل البيت بعد ، سلطان: ماشاء الله ،جت بنت صغيره تمشي تقريباً عمرها ٩ سنوات جت متجهه لابو سلمان الا ماجلست بحضنه ،سلطان يتامل عيونها الزرقا بشرتها البيضا شعرها العسلي مع تجعيدات خفيفه استغرب في نفسه ان هذي من هنا ، ابو سلمان: هلا بالاموره الحلوه ،سلطان يطالعها ويبتسم لها ،هي استحت ونزلت راسها ، ابو سلمان : لا تتحرش ببنتي ههههههه، سلطان : احد يشوف ذا الزين ومايتحرش هههههه، ابو سلمان يرمي عليه ملعقه ،وتعالت ضحكاتهم .
عند بيت ابو فيصل '
خلود : يمه يلا بسرعه تاخرنا ، ام فيصل : دقيقه مدري ليش مستعجله السوق مارح يسكر الحين ،خلود : تعرفين انا احم احم ،ام فيصل : اي اعرفك مايعجبك العجب ، خلود : ههههههههههه ، ام فيصل : تراه زواج بنت اخوي وكل خالاتك بينقدونك اذ شريتي قصير مافيه قصير مفهوم؟ ،خلود بتافف : كل شي خالاتي خالاتي لبسي ولا لبسهم، ام فيصل : عاد علمتك اذ بتشترين قصير من الحين مارح اروح،خلود باستسلام : خلاص خلاص يلا امشي ،ام فيصل : احلا شي السوق الصبح مافيه زحمه.
بيوم جديد بعد ليله متعبه '
ريفال ماسكه الكوفي حقها ونازله تحت كان موجود ابو راكان وامها ،ريفال: صباح الخير ،ابو راكان : ياهلا صباح النور ،ام ريفال باستغراب من ترحيب ابو راكان فيها عادةاً يتجاهلها : صباح النور ، ابو راكان : افطرتي ؟، ريفال : ما اشتهي بس كوفي ، ابو راكان : لازم تاكلين اي شس ، ريفال : ابشر بس اخلص الكوفي باكل ، ام ريفال: شعندنا ، ابو واكان وريفال مع بعض : مافي شي ، ابو راكان :جهزو نفسكم اليوم بنطلع ،ريفال: وين وين ؟، ابو راكان : مفاجاه، يطلع جواله ويتصل على ركان : سلام عليكم ... اي تجهز انت واخوك... طيب طيب . ،ريفال لوت شفايفها : بيروحون معنا؟، ام ريفال تاشر لها بغضب، ابو راكان : ايه ودي نطلع كل العايله ،ريفال اول مرة تحس نفسها من العائله صدق ،ريفال : اوك خلصص .
مدام مدام ،في بكسل : هاااه شتبين خليني انام ، ميري : مدام لازم يقوم سعد تحت على طاوله فطور يدور انتا وبابا وماما كلم قالو انو وصلو سعوديه بالطريق جاي بيت ،فّي : ياربي خلاص خلاص بقوم ، قامت واخذت شور سريع ورفعت شعرها ذيل حصان حطت شوي مسكره ونزلت وتنهدت بعمق قبل تنزل عشان لا تتوتر وتصير تبكي وتنهار عندهم ، فّي: صباح الخير ، سعد: صباح النور ، فّي: شلونك شلون سفرتك ؟ ،سعد: تمام ،فّي تحاول تدخل معه بالسوالف تبي تتقرب منه : افا تروح وما تاخذ اختك؟ ،سعد : سفره شغل، فّي بعد رده البارد سكتت ،شوي دخلو ابو سعد وام سعد ،فّي : االلححممدد لللهه ععللى اللسسللاامه ااششتتققتت للككمم ،ام سعد : ياروح امك وانا اكثر ،قربت من امها وضمتها وبعدين لابوها وضمته كانها تعاتبه تقول له ليش تروح وتخليني ؟ طولت بحضنه ،ابو سعد حس انها متضايقه: ها عسى محد ضايقك بغيابي ؟،فّي بابتسامه مصطنعه: لا ،ام سعد : وين سلطان ؟ ،فّي : مدري والله .
يتمشون بشوارع اسطنبول والمطر يتساقط ، سديم: خلونا نرجع الفندق تجمدت ،رهف : لا يبه خل نتمشى بالاجواء الرومنسيه ،فارس يضرب رهف من راسها ضربه خفيفه ،رهف: آآي ،سديم : ههههههههه ،ام فارس : اي والله برد خلينا نرجع ،ابو فارس : فارس خذ امك واختك على الفندق انا وسديم بنتمشى شوي ، فارس : ياحظ فارس بس ،سديم: يلا اسمع الكلام بسرعه ،فارس يضربها مثل ضربه رهف :آآي ،رهف : هههههههههههههه تستاهلين .
ام فيصل طبيعه جسمها ناعم بطول بنتها ولا واضح انها كبيره :افف تعبنا خلاص يلا نرجع ،خلود : خلصنا بس ابي عطر وخلاص ،ام فيصل : يلا هذا محل ،دخلو : السلام عليكم ،كان الي يبيع سوري : اهلين كيف بئدر اخدمكون؟ ،خلود : شوف ابي عطر بس العطر يكون فرنسي بارد وفيه شوي عود ، البايع : شمي هازا ،خلود : ابي ثاني ، ودخلو ولدين المحل وصارو يطالعون بخلود ولا يدرون اني الي جنبها امها ، خلود : طيب ابي واحد ثاني ،البايع : ليكي هادا نازل جديد ،خلود تمسكه بيدها ، واحد من العيال: ياليتني عطر ، ام فيصل انتبهت وصارت تطالع وخلود بعد كلهم لفو ،الشاب الثاني : يالبيه ياعيون الريم ،ام فيصل تنزل حذاها عشان ترميهم فيه ،اول ماشافو الحذا وهم يطلعون بسرعه ،ام فيصل ضربته وطلع حذاها برا المحل وراحت تجيبه ،خلود للحين فاتحه فمها ،ام فيصل : اخلص علي ، خلود ترجع العطر على الطاوله وتقول شكراً مسكت يد امها وطلعو: يمه شسويتي البرستيج راح ، ام فيصل : اجل اخليهم قليلين الحيا :خلود وتطالع وراها تطالع السوري الا لقته يضحك : يمه مو كذا عاد خلاص امشي ع البيت ههههههه .
