البارت التاسع ..
في صباح الجمعه '
عند بيت ابو فيصل ..
كانت الساعه ١٠:٠٠ صباحاً على طاولة الاكل كانو كلهم يفطرون نزل فيصل سلم على ابوه وامه : صباح الخير ،ابو فيصل : صباح النور ، ام فيصل : صباح النور متى رجعت ،فيصل : جيت بالييل متاخر شفتكم نايمين قلت مااصحيكم ، أمير : صباح النور اخيراً جيت عشان اتناقر معك وانا اخوك كلهم امداني امزح الا يزعلون ،فيصل : ههههههه افا عليك بس ، نزلت خلود وكانت لابسه عبايتها سلمت على ابوها وامها وكانت بتطلع لفّـي .. قاطعها ابوها لوين ؟ ،خلود بتوتر ماتبي تقول انها بتروح لفّـي : عندي موعد اسنان ،ابو فيصل: وبتطلعين بدون استاذان؟ ،فيصل قاطعهم : ايه يبـه استأذنت مني ، ابو فيصل: مين ابوها الحين؟، فيصل: يبه هي قبل شوي ماشافتك صاحي وكلمتني بعدين هي رايحه عشان موعد مو لاحد !!، ابو فيصل باستسلام لحجج فيصل: طيب يالله روحي بس لا تتاخرين !!، فيصل قام من كرسيه وقال : انا اوصلك ،خلود تورطت لانه قالت بتروح للموعد توترت شوي بعدين لاحظت نضرات ابوها وقالت محاولة اخفاء توترها : السواق موجود ، فيصل : لا عادي يالله ،توجه لسيارته ماعطاها خيار الا انها تروح معه،{امير شخصيه جديده بالرواية عمره١٩ سنه عيونه رماديه لانه جدة أمه كان اصلها لبنانية الدنيا عنده طقطقه مو مهتم لشي ابد مايحب الظلم والفلوس ابد ماتهمه}..
عند بيت أبو راكان ..
: صباح الخير عمي وتُقبل راسه ،تروح عند امها الي تبخر البيت وتصبح عليها ، ابو راكان : صباح النور ،ام ريفال : ياهلا صباح النور ، جلست على طاولة الطعام ومااكلت شي بس اكتفت بالكوفي حقها ، جت ام ريفال جلست : تدرين انه امس وحده مكلمتني تبيك لولدها ، ريفال وهي زهقانه من هالمواضيع لانه جمال ريفال الي يفتن مايسمح لاحد يفوتها : يوه يمه ماابي اتزوج الحين كم مرة اقول لك !،ابو راكان : ليش لا !لايكون تحبين؟، ريفال الي تعودت على كلامه الي يجرح وهي تدري انه يرمي الكلام عليها عشان تتزوج : لا شدعوا احب ؟،أبو راكان : وش السبب كل مايجيك احد ترفضين ؟،ريفال: اكمل دراستي ، ام ريفال : على راحتك يابنتي ،ريفال خلصت الكوب حقها بسرعه وطلعت غرفتها جلست على السرير ، افتـقد أبـوي أفـتقده انت وعدتني يابوي أنك ماتروح ليش اخلفت بوعدك ليش رحت وخليتني على يد الناس ،بدات دموعها تنزل ،يبه والله مشتاقه لك مشششتتتاقه ،
عنـد سلطان صحته ساندي من النوم على اساس ماطلب منها قبل ينام صحى واخذ شور على السريع ونزل للفطور سال ميري : وين مدام ! ،ميري : مافي قوم ،سلطان : طيب خلاص روحي ، طلع لغرفتها شافها بفراشها بس صاحيه :صباح الخير ياخبلتي ،فّي :ابتسمت ،سلطان استغرب من وجهها الشاحب المصفر والهالات السودا : يالله قومي افطري ،فّـي:ماابي ،سلطان ويدري انو فيها شي قرب عندها وسحبها من يدها الا ماتعدلت قال لها بتهديد:بتقومين ولا لا ،فّـي : ماابي ابعد عني ،سلطان حملها ونزلها تحت ،فّـي: سلطان خير بزر انا ؟، سلطان جلسها على الكرسي وكان شاك انو سعد مد يده عليها او شي ؟وسالها بعفويه: فيه احد مسوي لك شي ،فّـي صُعقت من السوال تحسب انو عرف او فيصل قال له!: هاا ليش في احد قال لك شي ؟،سلطان : لا مجرد سؤالل ليه فيه شي ،فّـي بتوتر :لـ لا ما ا فيه شي ،سلطان كمل كلامه :طيب سعد موجود ؟،هنا ارتاحت لانو يحسب انو سعد: لا مو موجود سافر هو ،سلطان :وين ؟،فــي: مدري ،
بسيارة فيصل '
:وين موعدك بأي مستشفى ؟،خلود : ااف مقدر اكذب ،فيصل: اصلاً كنت ادري انك تكذبين عشان كذا ماخليت السواق يوديك ماتدرين ان ابوي قايل للسواق تعلمني وين تروح وين تجي؟ ،خلود انصدمت من كلامه : ججد؟ وصلت معه الى هنا وانس يقول لي اترك فــي وكل صديقاتي نعم ؟،فيصل : تدرين انو العلاقات متوترة بالشركات ،خلود الزبده ابي اروح عند فّـي لي يومين ادق عليها واهلها مو موجودين ولا ترد علي ،فيصل : وين راحو اهلها ؟،خلود: امها واوبوها رايحين دبي وسعد مدري وين بس مسافر وسلطان كان معكم ،فيصل وهو يدري ليش ما ترد تنهد وقال :الله يعينها خلاص بس لا تطولين عندها عشان ابوي طيب ؟،خلود : طيب طيب شكرا شكرا شكرا فيصل ،فيصل اكتفى بابتسامه .
