البـارت السـادس '
فيصل بعصبيه : سسوويييت لللهاا شششيي ؟،عمران : الله خليك لا تسوي شي انا، فيصل: تككلللم بببسسررعه ،عمران: لا مافي سوي شي هي اضرب انا، فيصل ويقول بقلبه ذي الي كفو: طيب ياعمران والله عقابك بيكون اليم ، وصل عند مقرن ونزل بسرعه مقرن كان برا ،ومسك عمران ونزله بقوة ،فيصل: مقرن ذا الحقير تمحيه من وجه الارض والله ان شفته لا اذبحه ،مقرن بدون لا يسال ليش : ابششر ماطلبت شي بكرا وهو برا السعوديه ،فيصل مشى وراح عند العيال عشان مايوضح شي ،..
بالمخيم '
عبدالرحمن: ياولد فيصل تاخر ،سلطان : كلمته يقول جاي ، عبدالاله : انا جوعان خلينا ناكل بس ،سلطان : قبل شوي ماتبي تسوي رياضه كثير والحين جوعان ،عبدالاله : مالك دخل ، سلطان : هههههههههههه والله انك سمنان ،عبدالاله : ياخي خلني اكل انت شتبي ،عبدالرحمن : الله يعين زوجتك بس ههههههه ،وصارو العيال يطقطقون على عبدالاله ..
نـروح عنـد ريـفال ...
#ريفال هي البنت الوحيده عند امها وابوها سابقاً بس ابوها توفى لما كانت صغيرة أمها تزوجت واحد غني ،ابوها ماكان ذاك الزود ومن لما تزوجت امها ماجابت اطفال } (أبو راكان مايحب الا نفسه والفلوس قبل كان متزوج وماانجب الا ولدين راكان وفهد أمهم توفت بمـرض سرطـان ) ....
راكان عند الباب :أحم احم ،قال كذا عشان لو ريفال موجوده تروح لانو مو محرم لها ،أم ريفال: ادخل ادخل ماعندك أحد ،دخل ،راكان باس راسها : شلونك ياخالة ،ام ريفال : الحمد لله بخير انت شلونك ،راكان : ياجعله دوم انا الحمد لله طيب ،ام ريفال : اخبار فهد وينه له اسبوع ماشفته اشتقت له عسى ماشر ،راكان ابتسم كلماتها الحنونه الي تذكره بأمه: لا ابد مافيه شي الا العافيه بس تعرفين ثانوي والحين اختبارات ، ام ريفال : الله يوفقه وان شاء الله النسبه الزينه 'قامت ام ريفال، راكان : وين ياخاله ؟،ام ريفال : اسوي لك فهوة اعرفك ماتحب قهوة الشغاله ماتحب الا قهوتي ، راكان ابتسم لانها تفهم وتهتم بالاشياء الي يحبها ،
بالدور العلوي عند ريفال ..ريفال الي ذابحها النوم ٢٤ ساعه نايمه قامت والساعه ٤:٠٠ العصر شافت الساعه : يوه بدري وش مصحيني قامت غسلت وجهها عطت نفسها نظرة بالمرايا شافت شعرها الطويل محيوس مرا وبكسل قالت:اصلاً مجعد موضه مالي قدرة ازينه اتجهت لثلاجتها الصغيره "عندها ثلاجه صغيره بغرفتها من كثر ادمانها للشوكلاته" النوع المفضل عندها كندر اخذت ثلاث حبات وراحت للسرير اكلت وحده وجا على اطراف شفايفها وهي مانتبهت وفتحت الثانيه وتوصخت شفايفها اكثر اخذت الثالثه ماسكتها وراحت بتنزل عند امها وهي على الدرج كانت مشغوله بفتح الشوكلاته ومانتبهت لراكان الي كان يطالعها لما وصلت الصاله انتبهت له وهو يطالعها قالت بانفعال : قليل حياء تشوفني ولا تنزل عيونك عني صدق مب رجال ،راكان : من زينك عشان اطالعك مافرق بينك وبين السواق ،ريفال بعصبيه : ماادري ليش اتناقش مع واحد مايفهم ببزززززررر ،راكان وهو يطالع الشوكلاة الي بيدها ويرفع عيونه لفمها وطريقة اكلها وبضحكه سُخرية : هه واضح من البزر يالله ياماما روحي قبل ارفع صوتي وتبكين علي الحين ،ريفال وهي متجهه للدرج بتطلع : حيوان حقير بزر الله ياخذك .
