حور: إصحى يا حمزه بقولك إصحى بسرعه
حمزة: عاوزة إيه ؟؟؟ خير يابت فـ ايه
حور: انت مش سامع الفجر مثلا ولا بتستعبط
حمزة: انتي بني ادمه مستفزه اصلا مصحياني علشان تقوليلي اصلي
انا افتكرت ف حاجه مهمه
حور: ايه اللي انت بتقولو دا عاوز تفهمني ان الفجر مش مهم
حمزه: لا عاوز افهمك انك رخمه واني عاوز انام...من امتى الايمان والتقوى اللي انتي بقيتي فيه دا ؟؟!!!
حور: تصدق انا الحق عليا اني عاوزاك تدخل الجنه معايا
حمزه : ع اساس ايه بقي انك هتدخلي الجنه وكدا ... بقولك ايه ربنا اللي هيحاسبني مش انتي
يلا غوري برا واقفلي الباب
__
تخرج حور وهي زعلانه وتصلي الفجر مع باباها ومامتها وهي بتدعي ربنا
ان حمزه ربنا يهديه
وتشكي لوالدها من حمزه وعمايلو
ابو حمزه: والله انا فعلا تعبت من حمزه ربنا يهديه يارب
***
ويطلع الصبح بقا ويصحى الاستاذ حمزه من النوم
حمزه: فين الفطار ياماما انا جعان اوي
أم حمزه: حاضر ياحبيبي الفطار هيجهز اهو
حور: ياسلام صاحي ع الاكل على طول
ومكنش هاين عليك تصلي الفجر
اتفضل صلي الصبح والظهر والعصر اللي فاتوك الأول
حمزه: فكك مني وخليكي ف نفسك... ينفع؟
يلا غوري من وشي
حور: على فكره هتفضل حمزه اللي مش خايف على مصلحتو كدا كتير
روح ياشيخ
ربنا يهديك
_
يفطر حمزه وينزل علشان يقابل خالد كالعاده
حمزه : عملت ايه فالشغل ياصاحبي
خالد: للاسف متقبلتش...
بس الحمدلله ربنا مش بيعمل لحد حاجه وحشه ابدا
حمزة : طب ليه يا خالد بس
خالد: علشان انا ملتحي وممنوع الملتحين ف الشركه
حمزه: هههههههههه ياعم احلقها وخلص يعني انت سبت كل الفروض ومسكت ف اللحيه اللي هي سنه
خالد: يا حمزه اللحيه فرض الرسول قال (أعفو اللحى)
وبعدين اللحيه هي حياتي
وهي اللي بتربيني
حمزه: ههههههههه ماشي يا خالد ربنا يزيدك يا بني
وفجأه جه ولد شكلو غريب اووووي
الولد الغريب: هاي عليكو
خالد: قصدك السلام عليكم
الولد: انت حمزه؟؟
حمزه: لا انا حمزه
الولد: انا حسين ياحمزه
حمزه: حبيبي ياسحس
خالد صحبي ودا حسين صحبي باردو
خالد: من امتى ياحمزه وعرفتو ازاي انت مكملتش 6 شهور ف مصر
وتقريبا انا الوحيد اللي تعرفني
حمزه: لا ماهو دا صحبي من الفيس
خالد: طيب اهلا بيك ياسحس يلا علشان نقوم نصلي العشا
حمزه: لا روح انت انا قاعد مع حسين شويه
خالد: مااحنا هناخد حسين معانا
حسين: هههههههههه انت بتهزر يابني ولا ايه
اصلي هههههههههه
صلي على النبي
خالد: في ايه ياحمزه هو مال صحبك دا؟؟
بتكلم كدا ليه؟؟
حمزه: لا روح انت وملكش دعوة بقا ياخالد الله انت بقيت رخم اوي كدا ليه
خالد: انا رخم ياحمزه...!!؟؟ ماشي متشكر اوي
سلام عليكم
يمشي خالد وهو زعلان ومش عارف يعمل ايه؟
طب ايه الحل ؟
انا المفروض اسيب حمزه كدا؟؟؟؟!!
دا حسين دا شكلو مش كويس وهيودي حمزه ف داهيه؟؟
ويفكر خالد ف فكرة
ايه هي
هتعرفهوها الحلقه الجاية
ومش تنسوني من الدعاء ولحمزه بقى ربنا يصلح حالو هههههههههههههه
