بما ان الواتباد اليومين دول لا بيهش ولا ينش و مفيش روايات من الي انا متبعاهم
(في انتظار تحديث رواية My Helper)🙇🙇🙅🙏
*************
قررت اني احكيلكوا عن عيلتي او بظابط يعني الحاج(بابا) و حكياتهم و هما صغيرين
*كذا قصة*
#القصة_الاولي
مرة كان جدو (الله يرحمه) و نينة خارجين
فا بابا اتخانق هو و عمي الكبير
فعمي طرد بابا من الفيلا (فلل هيئة قناة السويس)
قام بابا اعد في الفيلا بتاعت الجيران الي جمبيهم و لما نينة و جدو رجعم من الخروجة
اعدوا يدوروا علي بابا لحد ما عماتي فتنوا علي عمي و جدي و نينة يزعقوا
و بابا اعد سامعهم في شباك الفيلا الي جمبيهم مبسوط و بياكل موز 🍌🍌🍌😹😹😹
************
#القصة_الثانية
عمي كان عنيف و هوا صغير
كان يجي هوا و بابا و يقوله انا هفتح باب غرفة عماتي و انت تدخل تضربهم و تطلع و بابا يقوله ماشي
و يطلع لغرفة عماتي و عمي يفتح لبابا الباب
عمي يفتح الباب و بابا يدخل و عماتي يقفلوا الباب بالمفتاح
و عمي برا ميعرفش الي بيحصل جوا
بابا يعد يصرخ و يقول آاااه بيضربوني و عماتي اصلا بيذاكروا و بابا اعد علي السرير بياكل تفاح
بابا كان خبيث 😹😡😂
************
#القصة_الثالثة
مرة بابا اقنع عمتي الصغيرة ان الرجل اليمين اسمها بوسي و الرجل الشمال اسمها شيماء
فانينة دخلت عليها الغرفة لقتها بتبوس رجلها اليمين
قامت نينة زعقت قالتلها انتي بتعملي اي
عمتي قالتلها بوسي حلوة😹😹😹
************
#الموقف_الرابع
مرة بابا لبس عمتي الثغيرة بردو تيشيرت بتاعه كان كبير عليها اوي و قالها دا تيشيرت مفيد
فالبستة و اعدت تجري بيه في البيت فانينة شافتها و قالتلها اقلعي الي انتي لابساه دا
عمتي قالتلها و هي بتجري و تدور "لاء دا المفيييد المفييييد"😹😹😹😹👊
_______________________
معاد الفزووورة 😮؟
قطر كهربائي سافر من القاهرة الي اسكندرية
الدخان هيطلع منين ؟!
أنت تقرأ
Let's be happy :D
Rastgeleالموضوع بسيط خالص احنا بس هنفك عن نفسنا و نضحك حبتين ____________________________________ *اي شخص عنده موقف كوميدي: يكتبه او يبعته في رسالة *
