روايه أما غرام يشرح الصدر طاريه و لا صدود و عمرنا ما عشقنا

١٤

البارت الثالث عشر ,,,

وحيدا.. مع الحمى و طيفك و الشعر 

أسأل عمري كيف بعثرت يا عمري 

تمر بي الأيام يشبه فجرها 

دجاها.. و لم أنعم بليل و لا فجر 

أعلل بالأوهام نفسي كما شكا 

إلى الال عبر القفر ظام على القفر 

و أحسو من الآمال كأسا خمارها 

يدب بقلب لم يذق نشوة الخمر

المرحوم غازي القصيبي,,

وقف و وقفها معه خرج من البانيو وهو ماسكها خرجها ببطء..لف روب حمام كبير عليها وخرجها..
جلسها على السرير وجلس على ركبه قدامها..
مسك يدينها وصار يفركهم بين يدينه..
غازي\ألحين نبدل ملابسك وتشربي شيء دافي وبترتاحين..
هديل بألم\لا بأنام..
ومن دون مايسمح لها مالت على جنب وانسدحت بس غازي وقفها بسرعة وفسخ الروب من عليها..
ومد يدينه على التيشيرت اللي هي لابسته يبي يفسخه من عليها..
غازي\أولا نبدل ملابسك وبعدها مثل ماتحبين..
هديل بخوف\لا تلمسني لا أنا أبدل بلحالي..
بس غازي ما استمع لها ولا اهتم لاعتراضها فسخ التيشيرت عنها بشكل سريع ومسك أطراف البدي
اللي كانت لابسته تحت التيشيرت..
حست بأصابعه لمست جلدها صرخت بضعف ولمت يدينها على نفسها وجلست على السرير..
هديل بصوت مبحوح\لا لا لا ما ابيك تلمسني لا ..
غازي\خليني أساعدك أنتي ماتقدري..
هديل تضم نفسها اكثر\أقدر والله أقدر انت رووح روووح لاتناظرني
مع التعب والرجفة اللي ساكنة بجسدها كانت رافضة فكرت انه يشوفها بها الشكل..
حست بيدينه مرة ثانية على عضدها العاري..
غازي\كيف صارت هذي؟؟
هديل حطت يدها على بطنه ودفته عنها تحاول تبعده بس ماقدرت..
رفع راسها له وعاد سواله لها..
غازي\وش اللي سوى بيدك كذا؟؟جاوبيني..
هديل تبكي\ولاشيء مافيني شيء ابعد عني ابعد لاتلمسني ابببعد
غازي\وهذا اللي بيدك وش يكوون من سوا فيك كذا؟؟
هديل بألم تسحب يدها منه\أنت ..أنت اللي سويت فيني كذا كله منك كللله..
غازي بعدم تصديق\هذي مني انا؟؟
هديل\ابعد عني بارووح غرفتي ما ابى اظل هنا ابعد..
غازي بعصبية يجلسها\كذااابة هذي مو مني..من وين جاتك ها الضربة؟؟تكلمي..
هديل بتعب\اتركني والله مو قادرة اتركني..
غازي سدحها ع السرير\طيب باطلع وأناديلك ماريا تساعدك ..
هديل\ما ابي ماابي
طلع ولقى ماريا ومعها خادمة ثانية شايلة حقيبته الطبية..
غازي\ماريا استبدلي ملابسها حالاً وحاولي ان تبقيها مستيقظة ودافئة ..
ماريا تلقت الامر ودخلت عند هديل..
ماريا تجلسها\عزيزتي هل أنتي بخير؟؟
هديل\ما ابى ما ابى ابعد عني ابععععد 
ماريا\أنا لا أفهم ماتقولين..اهدئي أرجووكي..
هديل سيطر عليها التعب وظلت تهمهم بكلمات غير مسموعة ومفهومة لماريا..
ماريا ماعرفت أيش تلبس هديل..غطتها بالمفرش وخرجت من الغرفة..
غازي كان جالس بالصالة الموجودة بالجناح اللي هديل فيه ..
غازي\الى اين تذهبين ماريا؟؟
ماريا\سيدي هي بحاجة الى ملابس سأذهب لاحضرها..
غازي يتوجه للغرفة\تعالي..
دخل الغرفة ولا ناظر باتجاه السرير فتح الكبت وطلع كنزة صوفية وبنطلون ومدها لماريا..
غازي\ألبسيها هذه كي تدفاء بسرعة..
خرج وماريا تناظر الملابس مصدوومة من تصرفات غازي الغير مفهومة ..
لبست هديل الشبه فاقدة للوعي وهي تتكلم معها بصوت حنون..
ماريا\ايتها الصغيرة ماذا كنتي تفعلين خارجا طوال ذاك الوقت..
سدحتها وغطتها مرة ثانية وخرجت تنادي غازي..
ماريا\أنا اسفة سيدي حاولت منعها من النوم ولكن هي متعبة جدا..
غازي يناظر باتجاه الغرفة\هل قالت شيئاً؟؟
ماريا\كانت تتكلم ولكن لم أفهم لغتها بالكلام..
دخل الغرفة وقرب من السرير وظل يناظرها نايمة ومتكورة على نفسها..
توضوء وفرش سجادته وصلى صلاته..