Mohabbaat key naam...

barwa bab

wo asma thi ...asmaa shabbir..wohi jis ki waja se umar apni zindagi ke char saal zaya kar chuka tha 

"jab tumhe shabbir ne road par dekha to foran tumhe hospital le gaey ...wo tumhe nahi jantey they...lekin hospital mein jab mei ne tumhe dekha to un ko sab bata dia ...ke me tumhari qarz dar hun ...un se me ne darkhast ki ke tumhe iss ghar me rehney de ...mujhe apna qarz chukane dein .." asmaa rotey huwe us ko mazeed bata rahi ... aur umar ....wo ankhoon me herat sajae bas us ko sunta raha ....us ke dil me sirf aik khayal gardish kar raha tha .....mujhe jana hai ...apne ghar ...apne logon mein..

          ...........................................................

udaas si shaam us ghar pe dheere dheere utar rahi thi ....wo chat par bethi andher hotey aasman ko dekh rahi thi ....kiya aisa ho sakta hai ...? umar ke sath ...wo kyun iss qadar takleef se guzra ...kyun ....?? 

kal subha wo yun hi kamre se nikal ai ...shayad sochon se tang agai thi ...shayad wo kuch sukoon chati thi ....us ka irada abhi dosre kamre me jane ka tha jahan par ami aur sab log hotey the ...lekin ..aik awaz ne us ko rok dia ....mardana awaz jis me bala ka jaadu tha ...lekin pata nahi kyun abeera ko wo awaz naam si lagi .....wo umar tha ...jese jese umar farooq apne sath huwe hadsey ki tafseel bata raha tha ..wese wese abeera ko apne jism se jaan nikalti mehsoos ho rahi thi ....boht takleef se abeera apne kamre tak wapas gai thi ...wo us ka samna nahi karna chahti thi ...kam az kam iss waqt nahi......aur iss waqt wo tanha bethi uljhi huwi thi ...wo kiya kare kiya na kare ....kiya umar ke  pas  jae ...aur jaa kar kia kaho gi tum uss ko abeera ?? us ne khud se sawal kiya ....ke yak dam hi kesi ke qadmoon ki chap sunai di ...abeera ne darakhte dil ke sath un qadmoon ko apni taraf aatey huwe suna ....

"abeera" us ne iss awaz par apni bheegi palkein uthaein thein ....wo us ke samne khara us ko pukar raha tha ....

" mein yahan beth jaoon" umar ne normal se andaz me abeera ki samne wali kursi ki taraf ishara karte huwe kaha

"haan ..beth jao ..." koi abeera umar se puchta ke wo kis qadar ajeeb si kefiyat se guzar rahi thi

"kesi ho tum abeera ..." wo hath me pehni ghari ke dail par unglian phertey huwe puch raha tha...abeera ne dekha wo kafi kamzoor ho gaya tha ...us ke dil ko kuch huwa ...s edhi hotey  huwe ne kaha

" mein theek hun umar ..bilkul theek .." wo us se puchna chati thi ke tum kese ho ...lekin ...ansowo ne use ye karne nahi dia ....

" aisa mat karo abeera ...khuda ke liye..." umar ne ahista se jese sargoshi ki thi

" jo kuch bhi huwa ..wo marzi thi Allah ki ...aur ..." umar baat karte karte  ruk gaya ...phir abeera ko dekha .....

" tum ne kyun wo kiya abeera ...??" umar ko jese achanak kuch yad aya aur uss ke apni baat adhuri chor kar ye baat ki ....pehle abeera ko kuch samjha nahi ai ...lekin phir ajeeb se andaz me boli...

"kyun ke mein tanha ho gai thi ...umar farooq me andar se mar gai thi ...mera baap mar mar gaya umar ....mera baap mujh se khafa tha ....wo boht gham le ke duniya se gaya umar ..." shidat e takleef se ...abeera ne apna sar umar ke hathoon par rakha aur hichkiyon se rone lagi ....umar us ke jhuke huwe sar ko dekhta raha ....wo us ko kuch deir rone dena chahta tha ...yahan tak ke hichkiyan ruk gaein..ansu thaam gae...wo jese thak gai thi ...phir bhi us ka sar umar ke hathoon par tha ...jo ke puri tarha abeera ke ansowo se tar they ...

" lekin abeera ye sahi nahi tha ...tum janti ho naa ...Allah kitni mohabbat karta hai tum se ...us ne boht mohabbat se tumhe takhleeq kiya hai ...aur tum ...us par bharosa to karti ...jab itne saal sabar kiya to phir kyun larkhara gaein ..?? aur wo naraz nahi they tumse....bas fikar thi unhe tumhari ...khush dekhna chahtey they wo tumhe ....tum un ke liye duwa kia karo abeera ...unhe ab is ki ziyada zarurat hai ..." akhir me umar ne us ko us ke abu ke bare me tasalli di ...kuch deir bad.. abeera ne us ke hath par se sar uthaya pir kuch sedhi huwi lekin boli kuch nahi ...andheera ho chuka tha ...umar ne ja kar chat ki light lagai ...phir goya huwa... abeera ko laga wo iss mozu par kuch aur baat karega lekin umar ke agley alfaz sun kar abeera heran reh gai 

" abeera mei boht jald tumhe rukhsat karna chahta hun ..chacha se baat ho gai hai ...wo mere naam wo makan kar rahey hein  jo abu ke hisse me ata tha ...." abeera haq daq si usey dekh rahi thi ....wo shadi ki baat itni achank kar raha  tha ...jese..

"heran hone ki zarurat nahi hai ...kiya shadi nahi karni mujh se ..ya irada badal lia hai..??? " umar ne masnoi ghussey sey kaha ...phir ..kuch kehne hi wala tha ke saba upar agai ..

" chalein na abeera aur umar bhai nechey...ya raat tak yahi rehne ka irada hai ..?? saba ne kaha

" aik to tum bhi na saba ...kiya timing hai tumhari bhi .." 

"kiya matlab .." saba abhi abhi bartan dho kar ai thi aur kuch ache mood me nahi thi ...

" mein tumhari abeera ko aik bar phir propose kar raha tha ke tum nazil hagai ..."

" kiyaaa "  saba ne cheekh numa awaz me kaha...umar dheere se hansa.....abeera mabhoot si apne shohar ko hanstey dekhti rahi ..

                    ...................   .........................................

umar us ko maaf kar chuka tha ...asma shabbir ko maaf karna ab asaan ho gaya tha ...wo nahi janta tha ke us ke bhaiyon ka kia bana lekin asma ne kaha ke un ki sari family america shift hi gai thi ...wo un se maafi mangney gai thi to tab us ko ye pata chala tha .....wo sirf apni khwahish ka ehteram karne wali larki boht takleef se guzri thi ...usey pata lag chuka tha ke khwahishain aise puri nahi hoti....kesi ki peeth par chura ghoonp kar khushi mil bhi jae to wo kabhi mukammal nahi ho patein

....hamara aik zara sa amal dosri ki zindagi me barbadi lata hai...aur hamein wohi aik cheeze ..wohi aik baat boht " mamooli" lagti hai ...hum aksar nahi jantey ka hamara chota sa amal,zara si baat ...halka sa tanz ...kabhi kabhi kisi ki puri zindagi ko dubo deta hai 

..........

from ur writer :

ramadan kareem to all.....hope u like the chapter ....i need ur comments ....jazak Allahu khairan kaseera ...