wo zindagi ki uss mour par aa kar khari hoo gae thi jahna agay na koi rasta hota hai naa peche koi jae panah hoti hai .......aaj teesra din tha lekin umar farooq ka koi pata nahi mil paya tha .....sirf ghar wale hi nahi balke muhalle ke log tak ajeeb ajeeb batein bana rahay the ke aik hi raat mei aik shreef khandan ka larka kahan ghaib ho gya hai ....uss ke sab dostoon ke sath rabta kiya gaya tha lekin koi uss ke bare me naa bata saka ....jin doston ke sath wo eid ki subh ko gaya tha kisi ko nahi maloom tha ke wo uss ke kon se dost the ........abeera se bhi sawal kiye jaa rahay the ke shayad usse kuch pata ho lekin wo sirf '' mujhe nahi pata '' kehtay huwe roti ja rahi thi aab to ghar wale bhi uss ko dhoond dhoond kar thak chukay thay ..... lekin wo phir bhi laa pata tha ....ghar me ajeeb saa mahool bana huwa tha..........abeera ke ansoo khushk hone mein nahi aa rahay thay .................................................................................................................. umar ghar ke sehn me betha huwa tha ke darwaze par dastak huwe ...uss ne jaa kar darwaza khola to aiklambay qad ke larkay ne uss ko mukhatib kiya ''tu yahan par chupa betha hai ...chal mere sath '' wo larka garja ........... uss ke peche do aur larkay bhi they ''kahan chaloon aap ke sath aur mei to aap ko janta bhi nahi hun aap se kyun chupunga '' umar ji bhar kar heran huwa ''tu chalta hai ke .......''iss bar peche khare larkoon mei se aik ne cheikhtay huwe jumla adhura chora ''thek hai me chal leta hun aap ke sath lekin aap mujhe ye bataein ke me ne kiya kiya hai'' '' tu chal to sahi .....phir batatay hain tumhe '' teesra larka pehli bar bola umar unn ke sath chal diya taa ke maloom kar sakay ke akher wo log itne gusse mei kyun they aur ussse kyun dhoond rahay thay..................wo nahi janta tha ke ai boht bari musibat uss ke galay parne wali hai .......................................................................................................................... umar ke chacha aur uss ke baqi ghar walay abeera logon ke ghar me mojood they sab hi thak haar kar kar beith chukay thay kyun ke uss ka nishan kahein se nahi mil paya jab achanak chacha ziya *umar ke chacha* ka phone baja ''kon bol raha hai '' unhoon ne mobile kaan sey lagatay huwe kahan....screen par koi anjan number tha ...
''tumhara wo bad kirdar bhateeja hamare pas hai uss ke zinda milne ka khayal zehan se nikal do kyun joo koi bhi saleem khan ki izzat par hath dale ga uss ko to me zinda zameen me gar dunga ....'' sallem khan ne baat ke akher me aik mooti gali mun se nikali ''kon ho tum aur umar ke bare me aisa kyun keh rahay ho '' ziya sahab ka ye jumla sun kar sath bethe sare log chonk gae ''uss ne hamari behn ko bhagaya hai '' iss se pehle ke aur kuch kaha ya suna jata phone doosri taraf se kaat diya gaya tha tha .........kisi ko bhi yakin nahi aaraha tha ke umar jese shareef larkay ke bare me koi aisa bhi keh sakta hai......... sab herat mei itne doobe huwe the ke koi kuch naa bol paya ........................................................................................................................................... ''ye kese ho sakta hai ke aap kisi ko apni zindagi ka mehwar banae balkay zinda hi uss insan ki waja se hoon aur wohi aap ko dhoka de jae ...umar jaisa insan jo hamesha dawa karta tha ke us ki zindagi me abeer ke elawa aur koi larki nahi ai wo kese itni ghatiya harkat kar sakta hai ''...... abeera ke din aur raat azab ban chukay thay.... .................................................................................................................................. ''ahhhhh'' umar ke mun se aik dard se bhari awaz nikli jab saleem khan ne zoor se us ke sar par lakri ka tukra mara ''kahan hai hamari behn'....batao behaya insan '' wo dhara ''mein tumhe kiyni dafa batao ke mein tumhari behan ko janta tak nahi hun .....tum chahe mujhe jitna maro lekin jo kaam me ne kiya hi nahi uss ko tasleem kese kar lun '' umar ko rasiyon me banda gaya tha ...uss ne khod ko churane ki nakam koshish kartay huwe kaha saleem aik bar phir uss ko janwaroon ki tarha peetney laga lekin umar bardasht karta raha ...... use khabar bhi naa thi ke uss ke ghar walay susral walay uss se sakht khafa thay balkay wo toh uss ki shakal dekhne ke bhi rawadar naa thay .....abeera albatta khud ko yaqeen dilane ki naakam koshish kar rahi thi ke ke uss ki zindagi ka wahid hero bewaf anikal........kisi ko nahi pata tha ke mustaqbil pne sath kiya kiya lee kar aane wali thi .............. ..............................................
KAMU SEDANG MEMBACA
Mohabbaat key naam...
Fiksi RemajaMein ye kahani saray urdu bolney walon ke liye likh rahi hun or koshish ki hai ka angrazi ya kisi dosri zuban ka koi lafz is me na ho.., agar koi ghalti dekhey toh meri rahnumai karay or kuch acha lage to vote or comment kare.... Ap ki mashkur.... N...
