أبواب السعادة

part2

تعلم ان تقف وحيداً دون مساعدة
تعلم الا تعيش على الانتظار
والا تكون هامش بحياة احدهم
تجاهل مشاعرك كثيراً فقط لكي لا تؤذي قلبك

منى:
مر اسبوع او اكثر منذ ان تحدثت مع سمر لا اخفي الامر فقلبي قد جن من التفكير بها احس بأن شيء ما قد حصل لصديقتي الوحيدة ظللت اتصل عليها لكن جهازها مغلق الى ان ذهبت الى منزلها و فوجئت بمنظره لم أفاجأ بتهالك هذا البيت لكن كان عبارة عن حطام بدئت دموعي تنذر بالسقوط خوفا من ان شيء قد حصل لسمر وانا لا اعلم شيء يا الهي احفظها يا الهي بقيت امام منزلها وانا اتذكر كل ماحصل لنا خلال دراستنا اتذكر عندما جئنا انا وهي  سوية الى المدرسة وقد انتقلت عائلتانا بنفس الوقت للندن سجلني والدي بمدرسة للمغتربين دخلت الصف وجدت فتاه هادئه كنت مشاغبة جدا لكني اظهرت خلاف ذلك لا اعلم لماذا لكن شيء ما شدني للذهاب اليها ومحادثتها  ملامحها جميلة جدا بياض وجهها وعينها الواسعتين وهدؤها الذي اعطى لها هالة من الجمال
ذهبت فجلست بجانبها في المقعد الاخير وجدتها تدرس كتاب الرياضيات للحظة ظننتها مجتهدة لكنها سألتني
-تعرفين هذي شلون صارت 5
حتى اني لم ارى السؤال رددت عليها
-اي انطيني خل اشوفه
ظلت تنظر الي وانا انظر للسؤال الذي لا اعرف منه حرف واحد اخذت دفترها وقلت
-بس لحظة واشرحه الج
رفعت رأسي وجدتها تكتم ضحكتها عني اصبح وجهي احمر اللون ورفعت صورتي
-هيي ليش تضحكين ترة اني اعرفه بس ردت اشوف الحل واتأكد
-هههههههههه اي اي ماشي اخلي الاساتذة تشرحه
-ههههههه اوكي اعترف اني غبية بالرياضيات ..اني منى وانتي شنو اسمج
-سمر اسمي سمر
-حلو اسمج تشرفت بمعرفتج
ردت علي مع ابتسامه
-اني هم

مرت علي ذكرنا عندما بدئت تحكي لي عن همومها عن اهلها عندما رأيتها تجلس وحدها بقرب شارع منزلنا احتظنتها وبدئت تتكلم
-تدرين
-شنو سمر
-جنت اجذب عليج لمن اتكلم عن اهلي جنت اكولج احلامي لان واقعي صعب
-ميخالف احجيلي كل شي اني صديقتج
بدئت تبكي بحرقة احتظنتها من جديد وعندما اخبرتني عن قصتها  لم اكن اعرف بماذا اواسيها فتذكرت جدتي عندما حدثتني عن ابواب السعادة فقلت لها بعدما هدئت
-سمر
-امم
-تدرين شنو جدتي تكولي
-شنو
-من جنت ابجي دائما تحجيلي عن رب العالمين عن عطفه علينا تكولي انو الله يحبنا واذا الله مايحب احد ماراح يمتحنا احنا نعيش بأمتحان اذا صبرنا نهايتنا سعيدة واذا كفرنا وابتعدنا عن الله بحجه انه هو الي خلانا بهالوضع ماراح نستفاد شي بس نشقى بحياتنا اكثر رأيتها بدئت تنصت لي وكأن الامل قد لاح قلبها الجميل فسألتها
-تعرفين شنو ابواب السعادة
-لا
-اول باب هو العائلة صحيح تكولين عائلتج ماتهتم بيج بس لو تشوفين قلبهم تلكينه مملي حب الج صدكيني هذا الباب اذا تدخليله راح تشوفين شلون تكونين سعيدة وياهم
-بس شلون ادخله
-عن طريق قلب كل واحد بيهم
-زين وباقي الابواب
-الباقيات عن طريق صبرج رب العالمين راح يفتحهن الج واحد واحد
-زين اني صابرة شوكت يفتحهن عمري ماحسيت بطعم الفرح عمري ماضحكت من قلبي
-لاتكولين هالكلام كلنا مانعرف شوكت ينتهي امتحانا بالحياه انتي الي عليج صبري والله المستعان
ابتسمت لي رغم ألم قلبها وقالت
-ماشي شكرا منى خليتي قلبي يرتاح
-هاي شنو صدك ماتستحين
-ليش ولج
-لاتكولين شكرا احنا صديقات مابينا هالكلام اوكي
-اوكي احبج هواية والي صرت اعرفه انج واحد من ابواب سعادتي
لا ادري لماذا ولكن دمعت عيني لقولها احتضنتها وقلت
-انتي اول وحدة احبها هلكد
-انتي هم والله