أبواب السعادة

part3

"لا شيء يمكنه حجب النور الذي يشع بداخلك "

سمر :
اتصلت بأمي واخبرتها عما تحدثنا به انا ومنى عارضت بالبداية لان كرامتنا لا تسمح ولكني أقنعتها وأي كرامه تنفع في وقت كهذا وخاصة لأناس امثالنا اخر ما اصبحت افكر فيه هو كرامتي وصلت امي ومعها ياسمين ودخلنا لبيتنا فقط لاخذ بعض الحاجيات
-سمر
-شنو
-شنو كالوا الج الدائنين من اجوي لقبر ابوج
-انطونا مهلة شهر علمود نسدد الدين
نظرت لي بألم وقالت لي
-زين شنسوي منين نجيب هالمبلغ مليون مو هين
-راح ادور على شغل
-ومنين تلكين تعين همة الي عدهم شهادات ما يلكون وظيفة
- عادي بأي مكان اشتغل مايهمني
-ماشي يمة بس ديري بالج على نفسج انتي بعدج صغيرة والدنيا مابيها امان
-لاتخافين يمه الله راح يكون وياي بكل مكان
-ربي يحميج يا حياتي
-الله يخليج النا يارب
صمت برهة
-ماما ياسمين لسة ماحجت حتى بعد ماتبجي
تنهدت امي وقالت
-والله مادري يمه تعبت ماعرف بعد شنو اسوي ماجنت احس شكد جنت مرتاحه لمن ابوج جان موجود حتى لو جنا هواي نتعارك بس حبه لسه بقلبي وهو الي جان مصبرني على مشاكله
اقتربت من امي واحتضنتها
-اني موجودة هسة لاتخافين ماما راح اعوضكم عن كلشي اسفة على الي سويته من قبل وياكم
دمعت عينها وامسكت بيديها وجهي وتنظر لعيناي
- ياروح امج مابقى النا احد بس احنا وتعرفين اهل ابوج واهلي كلهم تخلو عنا
-ادري ماما صدكيني ماراح اخليكم تحتاجون شي بس اصبروا وادعيلي الله يخليج
-الله يوفقج يمه صدقيني قلبي كله وياج الله يكون بعونج حتى اني راح ادور شغل بس خلي ياسمين شوية تصير احسن
نظرت لياسمين وهدوءها الغير معتاد وقلت
-ماشي ماما
تركت امي ترتب باقي الحاجيات واتجهت ناحية ياسمين ابتسمت لها رغما عني وقلت
-حبيبتي ياسمينه
نظرت لي نظرة شبه خالية
-ها
-حبيبتي شبيج
-مابيه شي اني زينه
-لعد ليش ماتكومين تلعبين ترسمين لو تدرسين شنو مو كلتيلي راح تدرسين عدل علمود اوديج للمنتزه
-ماريد شي
-ليش ياعمري
-ماحب شي
- ياسمين شبيج احجي
بدء صوتها يعلو ودموعها بطرف عينيها الجميلتين
-اريد بابا اريده هو كال ياخذني اريده
لم اعلم بما سأجيبها سقطت دموعي مع كلماتها
-سمر ليش تبجين جيبيلي بابا اريد اشوفه
-حبيبتي الله يخليج كافي بابا راح
على بكاؤها
-ليش يروح ما اريد اروح وياه اريده
احتضنتها وبدئت ابكي بحرقة معها
-اسم الله عليج يا حياتي شلون تعوفينا اني وماما لعد المن نبقى
-لعد بابا ويامن يبقى
مسحت دموعها وأمسكت وجهها الصغير بيدي
-بابا يم رب العالمين هناك مايحتاج لاحد هناك الله راح ينزل عليه رحمته
-واحنا شوكت نروح يم رب العالمين
ابتسمت لسؤالها البريئ وقلت
-لمن الله يطلبنا نكون بجانبه نروح يمه بس لازم بالبداية نخليه يرضى علينا
-وشلون اخليه يرضى علية
-لازم هسة تصبرين وبعد ماتكولين اريد بابا لان حتى بابا يباوعلج من فوك ويزعل ولازم تسمعين كلام ماما وكلامي وتصيرين شاطرة وتساعدين الناس هاي كلها حتى الله يرضى عنج
- اذا سويتهن اروح يم رب العالمين
انعصر قلبي لكلماتها التي لاتعلم معناها فأبتسمت بألم وهززت راسي بمعنى نعم
رأيت ابتسامتها التي بانت على وجهها وقالت وبدئت تعد على اصابعها
-اووكي راح اسمع كلام ماما وكلامج و اصير شاطرة واساعد الناس واخلي الله يرضى علية
قبلتها على جبينها وقلت
-عفية حبيبتي وهسة يلا نكوم نساعد ماما ونروح لبيت منى
-يلا نروح
انتهينا من تجميع ملابسنا وخرجنا للشارع بانتظار منى
......
منى :
عندما انتهيت من حديثي مع سمر اتجهت لمنزلنا لم تكن علاقتي بزوجة ابي علاقة قوية ولكنها جيدة معي الى الان وبعد أن شرحت لهم موقف صديقتي ووفاة ابيها وقلت لهم انها لاتملك الان منزل يبقون فيه
عارضني ابي بحجه انها ستسبب لنا المشاكل ولكني لم اسكت وجعلته يوافق لم اكن انا سبب موافقته بل تدخل زوجته جعلته يوافق حسنا هذه المرة الاولى التي تقف بجانبي شكرا لله
ذهبت بسيارة ابي لبيت سمر ووجدتها واقفة تنتظرني مع امها و ياسمين
نزلت من السيارة لاساعدهم
-مرحبا خالة
-هلو بنتي شلونج
-الحمد لله خالة البقية بحياتكم
-حياتج الباقية تسلمين حبيبتي اسفة خالة راح نزحمكم ويانا هالاسبوع تحملونا شوية
-لا خالة اصلا جانت امنيتي انو سمر تجي يمي واكيد راح تنوروه للبيت
ابتسمت لسمر وبادلتني الابتسامه واتجهت لياسمين التي كانت منشغلة كيف تحمل العابها
-ياسمينه حبيبتي ما اشتاقيتي الي
-امم افكر
-ولج شنو تفكرين غصب عنج تشتاقيلي
-يا نسيت
-شنو
-لازم اخلي الله يرضى عني.. وابتسمت بوجهي وقالت
- اشتاقيتلج هواية منى
ضحكت على تصرفاتها التي تجعل اي شخص يحبها بسرعة
-واني ميته من الشوق يلا تعالي نركب

......

"ثم يرمي الله على جرحك وردة على هيئه انسان لطيف يرسم لك في وسط الحزن ضحكة"

سمر :

اتجهنا لمنزل منى لطالما احببت منزلها وتمنيت لو ان في يوم من الايام يكون لنا منزل مثلها ربما اكون احسدها على هذه الاشياء لكني وبصدق اؤمن انها وبطيبة قلبها التي تملكها فانها تستحق كل شيء فلا يوجد الان من يملك هكذا قلب وسط هذا الكون الموحش المملؤ بالخيانه والنفاق
دخلنا المنزل وسلمت على اهلها وقدموا لنا التعازي بوفاة والدي كان منزلهم كبير جدا يكفي لعائلتنين او هذا فقط تفكيري وتفكير الفقراء
تحدثت منى تشير الى امي
-خالة هنا راح تكون غرفتج انتي وياسمين وهذي الغرفة الي ولسمر وأي شي تحتاجون خبروني

ردت امي تشكرها
-شكرا خالة والله راح نتعبكم ويانا اسفة
-لا خالة والله ما اقبل منج هالكلام اني مثل سمر بنتج
-فدوة لعمرج بنتي
تألمت لوجه امي الذي اصبح انحف وظهور تجاعيد اعلى وجهها الجميل لمت نفسي كم كنت انانية لم اكن افكر الا بنفسي
كسرت صمتي وقلت لامي
-يلا يوم اخذي ياسمين وروحي ارتاحي
-ماشي تصبحون على خير حبيباتي
رددنا انا ومنى
-وانتي من اهله
اتجهت للغرفه المخصصه لي ولمنى نظرت حولي كم تبدو جميله
-حلوة الغرفة
ابتسمت لي منى
-الحمدلله عجبتج
ابتسمت انا ايضا وقلت
-اي كلش حلوة تسلمين ياروحي راح اتعبج وياي

-اهوو ولج هو اني منو عندي اغلى منج واهلج همة اهلي والله لو تعرفين شكد افرح من اشوفج يمي الله ما انطاني اخت بس رزقني بوحدة اطيب واحلى من كل الخوات
- يا قلبي انتي الله يحفظج الية بس مو كأنو هواي تلغين
نظرت لي بصدمه مصطنعة وقالت
-طاحظج اي والله اصلا صوجي عود دا امدح بوجهج هذا و تالي تكلي تلغين هواي ليش شوكت فتحت حلكي هو هاي تالية الي يمدح هيج شكول
- لا ابد والدليل هالكلام كله كلتيه ب 20 ثانية لو تشتغلين بأغاني الراب تجيبين فلوس احسن من كعدتج هاي
-عزة بعيني صدك لعد منو يزوجني بهاي الحالة
-ههههههه اشك اكو واحد
-هههههههه انجبي ولج اصلا يتمنون اباوعلهم
-اي اي صحيح اكول ليش كلما يمرون من يمنا الحلوين حتى طريقج بعد ماتندليه
-هههههههه لج هذولة غير يخبلون شلون ما اباوع لهم همة وجههم تحسيه يكلج تعاي باوعيلي
-هههههههه بس ما احبهم شكد خفيفين
-دطيري عساس اكو واحد مكلبج
-ههههههه انجبي ولج اصلا يتمنون اباوعلهم
رمت علي الوسائد وقالت
-عود شنو تقلديني اني اراويج
ضحكت وتصنعت الحزن
-لا عفية حبابة اني جان قصدي شريف ههههههه
-شريف مو هسة اراويج شريف عدل
-هههههههه ولج كافي اصلا انتي منو مثلج غير تخبلين والف واحد يتمناج واصلا اصلا همة الحلوين يباوعلج وين يلكون وحدة مثل جمالج

انزلت رأسها ووضعت يداها على وجهها وقالت
-اووي خجليت
-اووي عمت عين الجذب
-شنوووو
- لا لا اتشااقة
-اممم عبالي غير شي
-يلا ولج ولي نامي
-وانتي هم نامي علمود نكعد باجر الصبح ندور شغل
-انتي شكو تدورين حاطه خشمج ليش
-انجبي اولا صايرة تلغين مثلي وثانيا خو مااعوفج وحدج انتي شنو تندلين اني ماكو مكان مخيلته يعتب علية
-هههههههه اولا الله لا يكولها ثانيا ماشي وثالثا تصبحين على خير
-هههههه واني من اهله
-ههههههه

لا اعلم كيف اقول لها احبكِ يا اجمل شيء وضعه الله في طريق حياتي و لا ادري كيف اشكرها على كل ما تفعله لي سأدعو لها كل يوم لعل الله يعطيها ماتريد سأدعو لها كل يوم لعل الله يحفظها ويجعلها دوما بجانبي شكرا لك ربي شكرا لك رغم ألمي وحزني تفرحني بحديثها وكأنها تشفي قلبي من جروحه
والان سأدعو الله لكي احصل على عمل فكلام امي صحيح من سيوظفني وانا لا املك شهادة فقط شهادة الثانوية ربي ساعدني ارجوك