أبواب السعادة

part5

"ولاتدري كيف تأتيك رسائل الله ورحمته..ولاتدري كيف يفتح الله الابواب"

سمر:
أستيقظت في الصباح على صوت منى وهي تناديني
-سمرر سمر
-شكوو من الصبح
-لكيتلج شغل
قمت فزعة وانا امسك بيدها
-منى لاااتجذبين عفية احلفي
-والله والله والله
-زين احلفي بعد وحدة علمود اصدق
قالت لي وهي تضحك
-والله وج شبيج خبلة
-زين شنو هو وشوكت
-اول شي امشي صحصحي وتعاي احجيلج كل شي
-اووكي
بعد عدة دقائق رجعت لمنى كانت تتكلم مع زوجة ابيها   فقلت لهن
-صباح الخير
-صباح النور هلو خالة
-منى يلا احجيلي شنو الشغل
-تعاي كعدي اول
جلست بجانبها فبدئت بالتحدث
-طبعا طبعا شغلج لكيته بفضلي يعني لازم تشكريني هوواي هواي
-لو ما خالة هنا جان عرفت اتصرف وياج وج انطقي
-اوكي اوكي باعي تعرفين الشركه الي يشتغل بيها بابا
-شركة السيارات مو
-اي عفية هية الشركه هبطت ووهيج شي من هالكلام الي ماعرفه وهسة اجه رئيس جديد بدة يوظف ناس جدد
-زين اني شدخلي
-ياغبية غير كلت لبابا يقدملج حتى تكونين سكرتيرة للرئيس
-كومي منا منى كومي من وجهي
-ولج شبيج
-يعني تردين اصدق هالحجي ..فقمت من مكاني وانا اصرخ وابتسم..سكرتيرة للرئيسسس مامعقول خاف تجذبين ولج اصلا جان اكبر طموحي يقبلوني بمطعم صغير هسة تكولين سكرتيرة ولشركة جبيرة
-اتخيلي الراتب 4000 دولار يعني شكم شهر وتخلصين دينكم
-وج خاف دااحلم زين شلون راح يقبلوني اني ماعدي شهادة
-باعي هو الرئيس كال انو مايهتم بالشهادات اهم شي يكون الشخص كفوء 
-يااربي مااصدق زين شوكت
-اليوم الساعة 12 الظهر يبدون
نظرت للساعة وجدتها الساعة السادسة 
-شلون زين شنو اسوي منى عفية كوليلي باقي ست ساعات من اوكف كدامهم شنو احجي
-باعي اخذي الامور ببساطه واهدي هاي اهم شي
اخذت نفس عميق فقالت لي منى
-ها هديتي
فصرخت
-ااه ما دااكدر ولج راح اتخبل
-زين تعاي نطلع نتمشى قبل لا اروح للجامعة نحجي شلون تصرفين
-اوكي
خرجنا وبدئنا نمشي سوية في الشارع هي تعلم بأن هذا الشيء وحده يهدء اعصابي
-باعي سمور اول شي راح تبدين تسلمين هاي منتهين منها اوكي
-اوكي زين احجي انكليزي لو عربي
-عادي احجي عربي لان هية شركه عراقية
-تمام و وراها شنو اسوي
-تكوليلهم تحصيلج الدراسي يعني c.v مالتج
-يعني شي اكيد هسة اكو بنات غيري تحصيلهن احسن مني بهواي منين مااشوفها ماتوقع راح يقبلون بية
-اهوو لاتقفليها بوجهج بسرعة جربي احنا ماخسرانين شي
-ماشي بس قلبي ما مطمئن هواي
-اسكتي انتي وقلبج رجاءاً 
بقت ساعة على ذهاب منى بقينا سوية تستمع لي مالذي سأقوله وكيف سأواجههم
-اوكي هسة انتي توب اهم شي ماتخاافين اوكي
-ان شاء الله يلا هسة انتي روحي لاتتاخرين
-اوكي و انتي رجعي للبيت ولا تخافين اهم شي تذكرين كلامنا سوة 
-ان شاء الله
-سمر
-شنو نسيتي شي
-تكدرين تلبسين من ملابسي عندي ملابس رسميه وانتي تلبسين مثل حجمي
ابتسمت لها وقلت
-فدووة اروحلج يا اطيب اخت شفتها بحياتي كلها
-هههههه يلا باااي
رجعت للبيت وانا اتمتم بالذي تكلمناه سابقاً وجدت امي تغني اغنيتنا المفضلة منذ الصغر وياسمين تستمع بقيت انظر لهما وانا ابتسم لصوتها الجميل
-حلمي الصغير ان احيى بسلام
في بيت يخبو بزواياه الاحلام
يعبق بنسيم الحب يبسم لي الايام
..فبدأت اغني معها وهي تبتسم لي
-لاا ازال صغير انتمي للحنان
اغفو حين اطير على جناح الامان
اخذت امي يدي وبدت تدور بي وكأنا عدنا بذكرياتنا لعام 2005 عندما كنا نغنيها معا وابي يبتسم ويصفق لنا
عندما أنتهينا ضحكنا معا وامسكت امي بيدي
-سمورة تشجعي اكيد راح تحصليها للوظيفة
قبلت جبينها وقلت
-ياروحي انتي هسة اروح اتجهز وانتي حظري الاكل وية مرت ابو منى
-اوكي حبيبتي
ذهبت لغرفتنا انا ومنى وفتحت خزانه ملابسها
لم اعلم ماذا سألبس سأختار ملابس رسميه هذا افضل  فأخترت تنورة سوداء قصيرة ولكن باعتدال وقميص ابيض وسترة سوداء واخترت الحذاء اسود رفعت شعري وربطته على شكل كعكة نظرت في المرأه ابتسمت لنفسي وخرجت وجدت امي ودنيا زوجة اب منى ينظران لي فقلت وانا اضع يدي على عيناي
-هاا مو حلو اكيد
فقالتا معا
-يخبلل بنتي
-هههههه
قررت الخروج مبكرا لكي اذهب سيرا على الاقدام الان الساعة العاشرة لاني لو وصلت بسرعة سيقتلني القلق
بدئت اسير وانا اراجع كل شيء وكأن لدي امتحان مفاجئ وبداخلي ادعو الله بأن يكون معي ليساعدني