أبواب السعادة

part 8

"كن أنانيا لأجل سعادتك أحب نفسك واحترم ذاتك كن ماتريد لاتدع كلمات من هم اقل منك شأن تؤثر في ذاتك الجميلة دعك من هرائهم وامضي في طريقك "

                         سمر

جلست مع منى في حديقة منزلهم تثير اعجابي جداً  وخاصة زهرة الزنبق الموجودة فيها لها اكثر من لون لكنها رائعة برائحتها وجمالها ...شردت قليلا في التفكير بالعمل مع رئيسي علي
بدى الامر صعباً العمل معه ويثير اعصابي وعدت نفسي ان أكون باردة ولا اهتم لاحد ببساطة لان كل مايقولونه لن يؤثر في نفسي الا هو يستفزني وكأنه يعلم نقاط ضعفي كلها وكأنه يقرء مافي نفسي لكن لكن أليست ابتسامته جميلة فضربت رأسي بهاتفي
-شنوو ويع ابتسامته حلوة هاي بشنو افكر
فأنتبهت لمنى الجالسة بجانبي تبتسم بوجهي وتنظر لي فقلت
-شبيج خير
-خير بوجهج حبيبتي
-هههههه مين دي
فقالت لي بأبتسامه
-وياج منى خالد
-هههههه كولي شكو شنو رايدة
فأمسكت بيدي وهي تبتسم
-سمور منو هذا الي ابتسامته حلوة
-ههههه لا هاي بس العمية تكول عنه حلو
-بس لاا تحجين على رئيسج بالشغل
-ايي هو هذا
-ولج طيري يخبل
-ولج انتي وين شايفته
-هههه حبيبتي استخبارات غير اعرف منو تشتغلين عده رحت وشفت صورته وية بابا بس شنو صدق مز
-هههههه ديلا باوعوا هاي لج اكو واحد احلى منه بمية مرة
-لابربج احجي لي بالتفصيل
-لج شنو من عيون لو من شعر ايبااه كولك هذولة الي يطلعون على التلفزيون اسمه محمد مدير مال التطوير بشركتنا
-حبيبتي باجر جاية ازورج
-انجبي مو قابل شركة اهلي وتجين
-ههههه انتي شكو جاية اجيبلج غدة
-هههههه نقطة ضعفي
-هههههه ادري عرفتج هيج يلا توافقين

وردني اتصال من علي فقلت
-خبل هذا يتصل بالتسعة ناقصة نكد
-ولج ردي يجوز عنده شي مهم
-امم خلي اعوفه على الاتصال الثاني
-ههههه والله خبلة بالله طردج موزين لكيتي وظيفة
-هههههه عابت ولي خلي اجاوب
..

-الو سمر
-نعم سيد علي
نظرت لمنى تكتم ضحكتها علي فأشرت لها بيدي بمعنى انتظريني
-الملف الي دزيتيه بيه كلمات مامفهومة بالله شلون راح اقراه
-زين ان شاء الله باجر اكتبه على الكومبيوتر وانطيه الك
-لا والله تشاقين
-لعد شنو اسوي هسة بالتعسة بالليل وانت متصل
-وشنو يعني مشكلتج هذي مو مشكلتج ..باعي راح ادزه الج بشكل صور وانتي كتبيه ع الكومبيوتر ورسليه لحسابي 
-اوكي
-ها صحيح وعقاب الج على كتابتج دزيلي وياه ملخص يمكن يكون ماعدي مزاج اقره
واغلق الهاتف بوجهي

..
-اف اف يااربي شنو معناه هالغبي يسوي هيج يعني لو منطيني وقت جان سويته عدل هناك بدل غبائه هذا انوب ملخص هو ناقصة اني ماعده مزاج والله يالله افف

-هههههه شبيج ولج اعصابج هو اتصال اصلا لو منج اكيف واحد مز يتصل علية بنص الليل
-منى تكومين منا لا اهفج براجدي يعدل تفكيرج
-عمت عينها ام التفكير كومي سويله الي يريده لاتاخذين رزالة باجر هههه
-هه يا حلاتج وانتي تتشاقين
-ههههههه طبعا
قمت للغرفة وفتحت الكومبيوتر بعد أن ارسل لي الصور  أنهيت عملي الساعة 11 بعد التدقيق والعمل عليه
قمت بالبحث عن حسابه علي حسن
-اف اخيرا لكيته عاا باوع النفسية ماعده بس 40 صديق يلا خلي ادزله الملف واخلص مااظن عنده مانع يتصل هسة
ارسلت له الملف وقلت له بأن هذه انا سمر فرد علي فقط بكلمة "اعرف"
-لابربك تعرف ااووف الله يصبرني بس
بقيت انظر في صوره وجدت له صورة مع استاذ منى وعائلته لم اخبر منى بأن استاذها صديق علي ربما لانني احاول قدر الامكان الا تتذكره فقط لكي لا تتألم رغم أن نسيان من تحب صعب وخاصة بحالتها
رأيت امرأته كانت جميلة حقا يبدون سعداء كم هي غبية صديقتي
شدني منشور له كان مضمونه بأنه فقد حياته بعد ذهاب امله الوحيد في الحياة
-مامعقول يكون عده احساس هههه ماتخيله اصلا بشي رومانسي بس المنشور حزين
فأنتبهت على نفسي
-هيي سمر شنو لزكتي بصفحته خلي يولي
خرجت من صفحته وانا انظر لابتسامته
-حلوة هواي ..شنو شنو الحلو ها اي ساعته اصلا ماركة مبينة فد شيي
وضعت  يدي على رأسي
-سمرر ركزي بنتي ركزي هذا علي حسن رئيسج الحقير ..اي بس ابتسامته حلوة يعني خل اعترف بهذا الشي
نظرت الى جهة الباب فوجدت ياسمين تنظر لي وبيدها كوب عصير  فقمت من مكاني واتجهت لها  فامسكت بيدها الاخرى
-شنو جابج لغرفتي حبيبتي المفروض هسة انتي نايمة
لم ترد علي افلتت يدي ووضعت يدها على جبهتي وبعدها قالت
-سمور ليش هيج تحجين وية روحج اني اعرف بس المخبل هيج يسوي
-ههههه حبيبتي مابية شي بس شوية تعبانه من الشغل
-زين منو الي جنتي تباوعين لصوره وتكولين حلو
-عزة بعينج صارلج شكد واكفة هنا
-ربع ساعة وانتي ماتباوعيلي
-زين حبيبتي روحي نامي موزين تبقين هلكد
-اوكي اروح بس اريد اروح للمنتزه ضايجة
-ماشي حياتي احسبي يومين و اخذج عدج بعد طلبات زهرتي
قبلتني من وجنتي وهي تبتسم وقالت
-احبج سمر و تصبحين على خير
ابتسمت وانا اراها تركض للغرفة اتمنى فقط لو ان بيدي الكون كله لاعطيها اياه ان أرادت
اتجهت نحو سريري 
-يلا سمر اصبري علمود امج واختج نامي علمود باجر تكعدين وترحين للدوام
-اي الحمدلله والشكر جنت اتوقع اكو شوية بعقلج بس كل شي مابقى
-هههههه انجبي منى خليني انام
-هههههه يلا نامي
كنت اظنها نائمة الحمدلله اني لم اقل اي شيء غبي عندما رأيت صورة احمد