أبواب السعادة

part7

سمر:
لم انم البارحة من كثرة التفكير سرت ذهابا وايابا بالغرفة ومنى نائمة يا اللهي لماذا لما وافق علي وضعت يدي على فمي
-يااربي بس لا يريد ينتقم مني لان ضربته اكيد يعني منو يتجرأ يضرب رئيس شركة
هززت برأسي كي انفي الفكرة من عقلي
-لا لا لا مامعقول يعني هو مبين حباب صحيح يعني يستفز بس بالنهاية وافق علية مو هيج ياربي اووف شورطت نفسي يعني خل اصبر شبية ضربته بسرعة يالله
تمددت على الفراش ووضعت الغطاء على رأسي
-يلا سمر يولي هسة على اساس هو شنو اصلا يستاهل الي سويته وجان ودي لو اضربه اكثر اصلا لو يموت ماعتذرله حتى.. اي اي لعد قابل اهانة سمر عادل شوية
سحب الغطاء من على رأسي فنهظت فزعة وضعت يدي على قلبي عندما رأيت منى تمسك الغطاء وتنظر لي
-ااه منى هو اني ناقصة وانتي تخرعيني
-يعني جديات صرتي خبلة ما الومه لعلي لمن كال مخبلة
اخذت الغطاء من يديها بعصبية وقلت
-انجبي انتي وياه هالغبي لو يموت ماعتذرله
فقالت لي وهي تتثائب
-حبيبتي سمر ياريت تحسين اكو هنا حيوان يريد ينام يعني حسي رجاءا شغليهن لمشاعرج باجر مو وراج دوام
-ههههههه يلا يا حيوان راح اسكت رجعي نامي
دفعتني على للفراش وغطتني حتى وجهي
-باجر ارد عليج هسة نامي وريحني
-هههههه اوكي

"سألت والدتي يوماً ماهو الحب ؟
فأبتسمت واجابت :هو الذي بيني وبينك..
ولم اجد يوما اجابة أصدق منها ! "

استقيظت في الصباح على صوت امي نظرت للساعة
-يااربي نمت بس ساعتين شنو هالظلم
-يلا بنتي سمورة لازم ماتتاخرين جهزتلج الاكل
-اوكي حبيبتي راح اكوم
ذهبت للحمام لكي استحم وسرحت شعري لم اتركه مفتوح فأنا اكره هذه التسريحة رفعته على شكل ذيل حصان لبست قميص اسود مع سترة وتنورة رصاصية 
ذهبت للمطبخ لكي اتناول الفطور فقلت
-ماما ليش ماظليتي نايمة يعني اكدر اسوي وحدي الاكل
-شلون اخلي حبيبتي باول يوم للدوام وماشوفها قبل لاتطلع
أبتسمت لها وقبلت يديها وقلت
- الله يخليج الية ماماتي لازم هسة اروح
-انتظري اجيبلج شي وارجع
-اوكي
لحقت بها الى الغرفة وقلت
-ماكدر اصبر شنو ضامة عني
-هههههه تعاي لبسي هذا
كان حذاء كعب اسود اللون يتخلله بعض الخطوط الرصاصية فيه لمعان يجعله اكثر روعة اخذت الحذاء وانا ارتديه حضنت امي
-يااا يجنن يخبلل ماماتي الله يخليج الية
-هههه عمري انتي منو عدي غيرج انتي وياسمين
-فديتج ياروحي
ناداتني منى لنذهب مع ابيها فقد تطوع لايصالي مادمنا بنفس الشركة
فقالت لي منى
-ها مستعدة لاول يوم
امسكت بيدهاا
-ايي بس متوووترة
-هههههه شكد يعني
-هووواية
فهمست لي قائلة
-علمود ضربتي الرئيس مو
تصنعت الحزن وقلت
-مو هذا الما خلاني انام الليل كله
فقالت لي بعصبية
-اي ومنى وكعت براسها وهسة نعسانه وعدي امتحان بسبب منو
-هههه شبيج حبيبتي غير انتي صديقتي كوليلي هسة شسوي
نظرت لي بخبث وقالت
-ليش انتي شسويتيله
فهمت قصدها فابتسمت
-ههههه مامسوية شي وداعتج
-هههههه لساج متوترة
-لا طبعا قابل شمسوية اني اصلا اول مرة راح اشوفه 
-ههههههه يلا لعد بابا ينتظرنا بالسيارة
اوصلنا منى لجامعتها وتحدثنا قليلا حول عملي علمت بأنه سهل ولايحتاج الكثير من التفكير وطمئنني بأنه سيعلمني كل شيء وأن احتجت لشيء فهو موجود
وصلنا الشركة كانت كبيرة جدا 14 طابق يبدو انها حقا شركة مشهورة واو نسيت اهم سؤال
-عمو خالد نسيت اسألك اهم سؤال
-هههه اسألي بنتي
-هية الشركة مال شنو
-اي والله نسيت اكلج هاي الشركة للمقاولات وبناء يعني تاخذ مشاريع مثلا ملعب او مسرح واشياء هواي
-اهاا شكرا عمو تعبتك وياي
-لا يابنتي بالخدمه وهاي وصلنا لمكتبج وبصفه مكتب الرئيس
ابتلعت ريقي ماهذا هل انا خائفة
-لا لا على شنو اخاف اني سمر ماخاف من شي
-شنو عمو كلتي شي
-لااا بس كلت اخذ راحتك هسة تكدر تروح لمكتبك
-اوكي بنتي وتذكري كل شي علمته الج
-ماشي عمو شكراا ..ياربي هسة شسوي يمكن لسة مااجة اووف خل ارتاح شوية شنو اكول عليه نعسانه كله من ورة راسه مانمت افف