أبواب السعادة

part 10

"و عيناك کسهام اخترقت قلبي فأصابته بجروح لا شفاء منها "

سمر

سأختصر تفكيري الان وسأسمح لقلبي ان يكون هو المسيطر لا اكاد اخفي مدى اعجابي به رغم استفزازه لي الا اني لم اغضب بل كان قلبي يدق كأعلان حالة حرب في داخلي لا انكر بأني اعرف جيداً بالنسبة له انا مجرد أي أمراة مرت في حياته و ربما لايوجد في قلبه أية مشاعر تميزني عن الاخريات ورغم ذلك لااستطيع اخفاء علامات الخيبة علي عندما امسكت ليده تعبيراً عن امتناني وهو  فقط ابعدها عنه وتصرف ببروده الطبيعي.. حسنا الامر لا يهم سأبقي بحبه في قلبي فقط حتى اني لن اعترف هه مجنونه انا أن فعلتها حقاً ولو فعلتها سأقدم استقالتي فوراً  لن انظر لوجهه ثانية لذا سأخفي هذا السر فقط في اجواف قلبي وسينسى خلال الوقت فالزمن يشفي القلوب كما اظن ..نظرت لمنى التي كانت تقود السيارة بصمت كلانا ياصديقتي وقعنا في حب عقيم كلانا سنتجرع نفس كأس الالم أن لم نبعده عنا وكلانا سنبكي سراً دون علم احدنا بالثانية على أي حال انا من اوقعت نفسي في هذا وهل سأخرج يوما تحدثت منى قائلة
ً
-سمر
-ها
-شبيج وين صافنة
-ماكو شي بس احاول اجمع افكار براسي علمود الاجتماع
-امم ماشي
-شنو تريدين تكولين شي
-اكلج لساج مصممة تعوفين بيتنا
-اي لازم لعد شلون نظل طول عمرنا يمكم
بدى عليها الحزن وقالت بألم
-ياريت والله تدرين شلون تعودت عليج بغرفتي واهلج كانما صرنا عائلة وحدة اذا تعوفون البيت والله راح تصير كئابة
فوضعت يدي على يدها وقلت وانا انظر بأتجاهها
-منى يا روحي انتي اكثر وحدة تعرفين حلمي انو اخلي اهلي يعيشون ببيت واحد مرتاحين بيه ويفرحون بيه وهالحلم قرب يصير حبابة لاتضوجين ترة اضوج وياج 
-هههه لا هاهية دام انتي واهلج راح تفرحون هاهية هذا اهم شي عدي انو اشوفج مرتاحة وسعيدة
-يمة فدواته لقلبي منووش
-طبعا فدواتني غير اخبل
-ههههه لا بربج لاتصدكين ترة كله هيج سوالف نت هو انتي كلج على بعضج منى
-هههه لا شو الا اصدك عاجبني
-يوو اسكتي لاتكعد ياسمين
ادارت منى رأسها للخلف فرأت ياسمين مبتسمة تمسك الدب الذي اشتريته لها وهي نائمة فقالت
-ولج باعي شلون تجنن ابتسامتها فدوة لقلبها شكد محبوبة
-ههههه فدوة صدك تجنن يارب قدرني اسعدها واسعد امي
-ان شاء الله لاتخافين
-امم منى اريد اسألج
-شنو
-هم الحب يأذي
ادرات رأسها نحوي وقالت بأبتسامه
-ليش الحلو يسأل عن الحب ..وغمزت لي
-ههههه انجبي وبس جاوبي
-اوكي يعني شي اكيد تتأذين من الحب خاصة اذا جان من طرف واحد ..سكتت قليلا فعلمت انها تذكرت نفسها ثم اكملت ..بس يعني عادي هو الحب بكل حالاته حلو يعني اهم شي الثقة بين الطرفين حتى محد يتأذى بسبب الغيرة اكيد مافهمتي شي لان كل الي حجيته خرط ههههه
-هههههه اي وداعتج خرط
-زين انتي شنو تعرفين عن الحب
-امم بالنسبة الي الحب يعني مغامرة بحد ذاتها بس حزينه يعني راح تدخل لجنهم وانت مفتح عيونك وكأن الحياة وقفت هنا وبدت حياة جديدة أما تكون سعيدة او تكون حزينة وهاي اغلبيتها بس بالحالتين راح يعانون الي يحبون بعض.. تعرفين  اغلب الناس تظن ان الاهتمام يعني هو الحب بذاته واذا اثنين دخلوا بعلاقة حب واحد الاطراف مااهتم بالثاني راح تشوفين دموع وكئابة ومشاكل الى اخره ونهايته انفصال لان يتعبون
-بس اني هم اذا حبيت شخص ومااهتم بية راح اضوج وابجي هم
-اوكي حتى اني بس المفروض الاهتمام مايكون شكلي يعني مو بس يتكلم وياج هواي يتصل ساعات حتى لو ماعدهم كلام اهم شي يبين الها هو يهتم بيها وهي هم
-اي هو هذا الصح
-لا بالنسبة الي الحب يبين من تشوفين الثاني يوكف الج بوقت الي يبتعد عنج كل الناس يساندج ويساعدج بدون مايكول الج شي يحميج ويخاف عليج بكل وقت ويتحمل كل اخطائج هذا الحب وغيره بس كلام ماينفع صدكيني
-واو قنعتيني
-هههههه
ل