အချစ်ဦးသည်သာ

အခန်း(၈) - အတိတ်​ပုံပြင်​(၇)

Unicode ‼️

အရာရာတိုင်းဟာ
မင်းနဲ့အတူသာဆို
အပျော်ဆုံးအဖြစ်
မှတ်တမ်းဝင်တာ
သိပ်ချစ်ခဲ့လို့ပါ
အဦးဆုံးသူ
ကိုယ့်အချစ်ရာ ...။

•••••• အချစ်ဦးသည်သာ ••••••

ကံထူးရှင်​စုံတွဲ(၇) တွဲ​ခေါ်ထုတ်​ပြီး လူစုံသွားသည့်​အခါမှာ​တော့​ရေလှိုင်း​လေး​တွေရဲ့​ဘေး သဲ​သောင်​ယံ ကမ်း​စပ်​လေး​ပေါ်မှာ ပျော်​ရွှင်​စရာ Game ပြိုင်​ပွဲ​လေးကို စတင်​ခဲ့ပါသည်​။

ကျွန်​မရဲ့ ကစား​ဖော်​က ဂျီမင်း ဖြစ်​ခဲ့ပြီး ဂျီမင်း ရဲ့ ကစား​ဖော်​က ကျွန်​မ ဖြစ်​နေခဲ့သည့်​အတွက်​နှစ်​ယောက်​စလုံးရဲ့ မျက်​နှာမှာ​ပျော်​ရွှင်​နေတဲ့​အရိပ်​အ​ငွေ့​တွေက​တော့ ထိန်းမရနိုင်​အောင်​ဖြစ်​ခဲ့သည်​။

ပွဲစမည်​ဆို​တော့ ဂျီမင်းက ကျွန်​မနားကို ကပ်​လာပြီး "ကိုယ်​တို့နှစ်​ယောက်​ပထမရ​အောင်​အတူတူကြိုးစားကြမယ်​နော်​ Fighting! " ဆိုပြီး အား​မြှင့်​တင်​ပေး​တဲ့ပုံ​လေး လုပ်​ပြတော့ ကျွန်​မရဲ့​ကြောက်​စိတ်​တွေဆိုတာ မြူမှုန်​အလား လွင့်​ပျယ်​သွားပြီး "သူ့အတွက်​"
"ကျွန်​မအတွက်​" "နှစ်​ယောက်​စလုံးအတွက်​" အမှတ်​တရ​လေးအဖြစ်​ပထမဆု ရယူချင်​စိတ်​က ပြင်းထန်​စွာ​ပေါက်​ဖွားလာခဲ့သည်​။

ပထမဆုံး ပွဲစဉ်​(၁) က ပူစီ​ဖောင်း​ဖောက်​ရမည့်​
ဂိမ်းကစားနည်းဖြစ်​သည်​။ ကျွန်​မရဲ့ ညာလက်​နှင့်​ ဂျီမင်းရဲ့ ဘယ်​လက်​ကိုတွဲချည်​ပြီး​ ပူ​ဖောင်း၎ လုံးနှင့်​ပေါင်းပြီးစည်းနှောင်ထားသလို ခြေ​ထောက်​ချင်းကိုလဲ ပူ​ဖောင်း၃လုံးနှင့်​ပူး၍ ချည်​ထားသည်​။

ကစားရမည့်​ပုံစံက​တော့ ၁မိနစ်​အတွင်းမှာ
ဝိုင်းထားတဲ့ စည်းဝိုင်းအပြင်​မထွက်​မိ​စေဘဲ ကိုယ့်​ရဲ့ ပူ​ဖောင်း ၇လုံးကို အသက်​နဲ့ လဲကာကွယ်​ပြီး သူများပူ​ဖောင်း​တွေကို အခြား​လက်​မှာ ကိုင်​ထားတဲ့ အချွန်​နှင့်​လိုက်​ထိုး​ဖောက်​ရမည်​ဖြစ်​သည်​။

ပူစီ​ဖောင်း​တွေ ပြုတ်​ထွက်​မသွား​အောင်​လဲ
ကာကွယ်​ရမည်​ဖြစ်​ပြီး ကြိုးပြတ်​ကာ
ပူပေါင်းလွှင့်​ထွက်​သွားပါက အရှုံးသာဖြစ်​သည်​။