အချစ်ဦးသည်သာ

အခန်း (၂၄) - စွဲလမ်းခြင်းနေ့ရက်များ (၉)

Unicode ‼️

⭐နှစ်တွေကြာမြင့်ခဲ့ပြီဆိုတော့
မေ့သွားလောက်ပြီလို့
စိတ်မှာ တွေးထင်မိချိန်
ဝမ်းနည်းတယ် ။

သို့ပေမဲ့ ~~

⭐ကိုယ့်အတွက်ကတော့
အချစ်ဦးမို့
မေ့ဖျောက်ဖို့ရာ
မဖြစ်နိုင်လေတယ် ။

⭐တကယ်လို့
ခုနေအချိန်
ပြန်တွေ့ကြရင်ရော
ဟိုတချိန်ကလိုပင်
ရင်တွေခုန်နေဦးမှာလားဟင်
သိချင်မိပါတယ် ။

••••• အချစ်ဦးသည်သာ ••••••

အချိန်​တွေ တ​ရွေ့​ရွေ့ ကုန်​လွန်​လာလိုက်တာ​နီညို​ရောင် နေလုံးကြီးက အရောင်​စုံဖြန့်ကျက်​ရင်း​တ​ဖြေး​ဖြေးကွယ်​ပျောက်​တော့မည့်​
ည​နေဆည်းဆာသို့ပင် ရောက်ရှိလာခဲ့ပြီ ဖြစ်သည်။

ကျွန်တော်ကတော့ မီးပြတိုက်ထက်ကနေ ဆည်းဆာညနေခင်းကို ပင်လယ်တဆုံး မျှော်ငေးကြည့်ပြီး တွေးရင်း ဆွေးရင်းဖြင့်သာ အချိန်တွေ လွန်မှန်းမသိ လွန်ခဲ့လေပြီ ။

ပင်​လယ်​နှင့်​ကောင်းကင်​ထိ​တွေ့​နေသည့်​အနားသတ်​မျဉ်းတစ်​နေရာ၌​နေလုံးကြီး မြုပ်​တဝက်​ဖြစ်​နေတာကို ကြည့်နေရင်းနှင့်ပင်

မကြာခင် နေလုံးကြီး ကွယ်ပျောက် သွားတော့မှာကို တွေးရင်း လွမ်းတသသဖြစ်လာသလိုလို ...

"မသွားပါနဲ့လား နေမင်းရယ်" ဟုတောင်းဆိုပြီး ပြေးကာ ဆွဲထားလိုက်ချင်သလိုလိုနဲ့ စိတ်တွေက ထွေပြားကာ အလွန်အမင်းကို ခံစားမှု အား ပိုမိုကောင်းနေခဲ့လေသည်။

သို့ပေမဲ့ ညနေဆည်းဆာအောက်တွင်
ရောင်​ခြည်​ပက်​ဖျန်း ထားသည့်​
ဘော်​ငွေ​ရောင်​လှိုင်းကြပ်​ခွပ်​လေးများ
သောင်​ပြင်​ကမ်းစပ်​ဆီသို့ ကျီစယ်​ပုတ်​ခတ်​ပြေးလွှား​ဆော့ကစား​နေ​တဲ့ အသံလေးတွေကို အာရုံခံစားမိချိန်မှာတော့

အတိတ်တချိန်က ဝေဝေဆာဆာ အုံးအုံးကြွက်ကြွက် ဆူဆူညံညံ အသံလေးများဖြင့် ပျော်ရွှင်ခဲ့ကြဖူးသည့် ညနေခင်း Party လေးဆီသို့သာ တမ်းတလွမ်းစိတ်တွေကို ပိုစေခဲ့လေတော့သည် ။