زواج مدبر يتحول الى حب (الجزء الاول)

٢٠ معلومة عني تتعلق بكوريا

مقطع الفيديو يلي فوق هو مقطع لبرنامج رانغ مان بموت ضحك هههه كلما اشوفه بضحك كتيير 😂😂😂.

١- انا متابعة كوريا والكيبوب من ٥-٦ سنين يعني كيوبية اصلية هههه، مين مثلي و كم الكم متابعين الكيبوب؟؟

٢- انا اتعرفت على فرقة اي بينك apink من ترسيمهم لهلء وبنت خالي هي يلي حكتلي عنهم .👭

٣- افضل فرقة بنات هم apink وافضل فرقة ولاد هم exo بالنسبة الي (وانتوا مين بتفضلوا ؟؟)

٤- اكتر فرقة ولاد تابعتلهم برامج واقعية هم infinte

٥- انا من عشاق البرنامج الكوري رانغ مان running man ، والاحلى انو ممكن اشواق العتولي يلي سوت مقابلة مع اكسو على قناة العربية سوت مقابلة مع فريق راننغ مان لانها قالت البرنامج الاول في كوريا وطبعا رانغ مان هو الاول ❤❤ (مين بحبو ؟؟ واذا حابين تعرفوا عن البرنامج الترفيهي يلي بموتني ضحك احكولي عشان احكيلكم عنه واعطيكم رابط المدونةيلي بتنزل حلقاته مترجمة)

٦- مهتمة بالثقافة الكورية كتتتييير بس ما بحب شربهم لسوجو زيادة عن اللزوم

٧- معجبة بالمذيع يو جاي سوك كتيير وهو كمان من فريق رانع مان ، شخصيته رائعة دائما لما يحكوا عن الوفاء والصدق بحطوا صورته كمثال .

٨- اكتر شخص ضحكني بالعالم عنجد هو لي كوانغ سو من فريق رانغ مان .

٩- بكرررره الايدول الذكر لما يرقص على اغاني ايدول اناث 👯❌❌

١٠ - بالنسبة الي
اكتر واحد حلو ب exo هو بيكيهون مع اني زوجة كاي 😁😁
ومن infinte احلى واحد بدون شك L
ومن bts احلى واحد ڤي v

١١- بشارك حبي لكوريا مع بنات خالي واحنا متفقين كتير وعنا نفس الافكار 😊😊😍

١٢- بحب شخصيات اعضاء فرقة exo كلهم وخصوصي تشانيول ودي او وكايييي 😍😍
وشخصية دونغوو من انفنتي
وشخصية بومي من اي بينك
وشخصية يو جاي سوك من رانغ مان
وشخصيات اعضاء فرقة بيتس bts كلهم وخصوصا جيهوب و ڤي
و شخصية ميناه من جيلز داي
وغيرهم وانا اذا حبيت شخصية حد فانا بكون عندي المفضل بالفرقة

١٣- بحب الرجل البارد لهيك بحب كاي البارد والممتع بنفس الوقت 😍😍

١٤- بقدر افرق بين الواقع والخيال كتيير منيح وخصوصا احلام اليقظة يلي فيها كاي وكوريا وهيك ههه مين متلي ؟؟

١٥- انا شخصية حساسة للاسف مع انهم بحكولي حلو بس انا ما بحب انو ابكي بسرعة وازعل بسرعة ، بس الحلو انو ما بقدر اخلي حد زعلان مني و انا ما بقدر ازعل من حد ابدا ههه وانا عصبية شوي وهادئة ما بحكي كتير

١٧- ما بحب الايغيو ❌❌ ههه مع انو بتلبق ع بومي من اي بينك كتير

١٨- صديقاتي بحاولوا ما يتشاجروا معي او يغاوظني او يسووا شي مستفز الي بالليل لانو اعتقد انا والليل ما بنتفق مع بعض غير بس بالنوم يعني مثال انتي استفزتيني باشي في وقت الليل انا باجي برد عليكي وبتشاجر معك وبكون معصبة كتيير . (هاي صفة غريبة في )

١٩- بحب الاندومي كتيير و باكله بالعيدان 🍜🍜🍱

٢٠- بحكي كوري منيح بس مش ممتاز وبلقط كلمات كورية بسرعة كبيرة وبعرف الاحرف الكورية وعندي تطبيقات بتعلم كوري 사자 هيك اسمي بالكوري سجى

######
حبيتوا ال ٢٠ معلومة ؟؟
اذا حابين كمان ما عندي مشكلة 😊
اذا حابين تعرفوا عن برنامج رانغ مان احكولي.
واكتبولي مين في عندها اشياء مشتركة بيني و بينها.
احبكم❤❤