Nathan's Confession: Drunk in Love

Chapter 7

He had said it last night but he's sure if she believed it.  Nagkunwari ulit siyang lasing para masabi kay Jean na mahal niya ito.  Nagawa nga niya pero duda siyang papaniwalaan nito iyon.  Kagabi pa siya naiinis sa sarili niya.  Hindi na nga niya masabi ng maayos kay Jean ang tunay na nararamdaman niya ay naiwala pa niya ang singsing na dapat ay ibibigay niya rito. 

Nang nasa beach na sila kasama ang mga kaibigan, nakita niya itong lumayo sa grupo.  Hinayaan niya lang ito at hindi sinundan pero ilang sandali pa ay hindi rin niya ito natiis.  Naisip niyang baka nilalamig na ito doon.  Noon na niya sana ibibigay rito ang singsing pero nang dukutin niya iyon sa bulsa niya ay wala na ito doon.  At isa pang ikinaiinis niya ay hindi siya nito inihatid pauwi.  Pinagtawanan pa siya ni Gerard nang sabihin rito ni Jean na ihatid siya dahil lasing daw siya.  Alam naman kasi ng kaibigan niyang hindi siya lasing.

Bakit ba ang torpe mo Nathan?  Gusto na niyang batukan ang sarili.  Wala talagang naidudulot na maganda ang pagiging torpe niya.

"Det," mahinang sambit ni Jean at agad na nilapitan ang kaibigan at niyakap ito.  Tanghali na nang maisipan niyang puntahan ito sa bahay nito.  Wala siyang ibang mapagsabihan ng nararamdaman niya.  Nahihiya rin naman kasi siyang mag-emote ng bongga sa harap ng ina kaya naisipan niyang puntahan na lang sa bahay nito si Detalie.

"Hindi ko na talaga siya maintindihan Det... bakit ganoon?  Obvious naman na pinapakita ko sa kanyang mahal ko siya, saka parang ganun rin siya sakin.   Ramdam ko namang mahal rin niya ako eh.  Bakit hindi pa niya masabi?  At kung nasasabi man niya eh lasing siya.  I'll be leaving few months now.  Ayokong umalis nang hindi ako sigurado sa nararamdaman niya para sakin."

Gumanti ito sa yakap niya.  Umiiyak na siya nang mag-ring ang cellphone ni Rave.  Nag-excuse ito para sagutin ang tawag at pinaupo naman siya ni Detalie at hinayaang kumalma.

"Friend, alam mong mahal na mahal ko si Nathan, pero alam mong hindi ko rin kaya na ako ang maunang umamin.  Nahihirapan na ako.  Kagabi nag-I love you siya ulit sakin.  Det, hindi ko na talaga alam ang gagawin ko.  As in super malapit na kaming umalis at-- yeah, yeah! Talk to the hand."  Ang dami na niyang sinabi pero nakaharap lang pala sa kanya ang kaibigan ngunit ang mata nito ay naroon kay Rave.

Binalingan siya nito at abot-tengang nakangiti.  Napangiti na rin lang siya nang mapansin ulit ang kakaibang glow sa mukha ng kaibigan.  "You're soin love with him Det."

"Ganoon ba ako ka-obvious friend?"

She smiled.  "Just like how obvious I am on showing Nathan how I much I love him pero hindi lang niya matanggap-tanggap.  I envy you girl, at least kayo ni Rave talagang mag-on.  HE had asked to be her girl, pero kami ni Nathan, we might be showing the world like we're on pero hanggang doon lang pala iyon.  Wala talagang kami." 

"Malay mo, hindi pa ngayon pero sa huli eh kayo rin talaga,"anito.

She sighed.  "Sana nga Det.  I think I need to go now.  Wala rin naman sigurong mangyayari kung iiyak at iiyak lang ako dito."

Tumayo na siya at nagpaalam sa kaibigan at nobyo nitong papalapit na sa kanila.  Bago umuwi ay nagtungo muna siya sa beach na pinuntahan nila kagabi.  She smiled when she remembered what had happened last night.  Kung naaalala lang sana ni Nathan ang sinabi nito sa kanya kagabi.  Napangiti rin siya nang makita ang ilang mga bata na masayang naglalaro doon.  Ilang sandali pa ng pag-eemote ay umuwi na rin siya.

"Oh! Shit--" naging maagap naman siyang saluhin ang papatumbang gitara.

"Yozack!!! Izaack!!!" hindi niya mapigilang sumigaw nang muntik nang bumagsak sa sahig ang gitara niya.  Kung paano naman kasi iyon umabot malapit sa pinto, ang mga kapatid lang niya ang alam na gagawa niyon.