LHuV3rZ in Cogeo

CHAPTER 5.1: Ang Tatlong Itlog (At Ilang mga Tagpong May Sampalan)

               “O, BJ kayo jan! BJ-BJ din ‘pag may time!” pakwelang pagtatawag ni BJ ng customer. “Buko Juice ni BJ: Masarap, Maputi, at ‘di Malabnaw!”

                Isang grupo ng mga high school students ang dumaan sa harap ng kanyang kariton.

                “Uy, Velasco, libre mo kami ng buko juice,” kantyaw ng isang babae sa kasama.

                “Oo nga, Gelo. Libre mo naman kami ni Ikay,” hrit ng isa pa.

                “Wala na nga ‘kong pera,” depensa ni ‘Gelo Velasco’.

                “Oo nga naman kuya. Pa-BJ ka naman daw,” anyaya ni BJ nang nakangisi.

                Kahit iiling-iling, bumunot ng barya si ‘Gelo’ at bumili ng tatlong baso ng BJ’s Buko Juice. Maya-maya pa’y napansin ni BJ na tatahi-tahimik si Nico at nakangiti.

                “Brad. Ano na namang problema mo? Nasobrahan ka na naman sa j*kol?” tanong ni BJ.

                “Gagu, hinde.”

                “T*ngina… ngingiti-ngiti ka jang mag-isa e. Bakit?”

                “Wala lang.”

                “’Wala’ ka jan. ‘LUL! Kilala kita ‘tol. Nagpapantasya ka na naman ng babae ‘no?”

                Napangiti ang tinder ng pakwan. “Naaalala mo ‘yung chicks na nabangga natin nug isang linggo?”

                “Alin? ‘Yung mukhang espasol [1]?”

                “Pakyu, dre. Ano kasi… ahh… ka-chat ko na siya palagi sa Facebook. Nung Sabado kasi, naghahanap daw siya ng kausap, tapos ‘yun, nag-kwento tungkol sa problema niya.”

                “Teka. Pa’no mo pala nakilala ‘yun?” tanong ni BJ.

                “Mahabang kwento ‘dre e, sagot ni Nico.

                At dahil alam ni BJ na kapag sinabi na ng isang lalaki ang mahiwagang kataga na ‘mahabang kwento’, nangangahulugan lang na ayaw niya itong ikwento o banggitin pa, kaya ‘di na siya nagtanong ulit.

                “Pero, ayun na nga,” dugtong ni Nico. “Close na nga kami e.”

                “Sa peysbuk lang, close na agad? Tapos gusto mo na ka’gad?” taas-kilay na tanong ng malaking lalaki.

                “E baket? Masama? Ang ganda kaya n’ya. Tapos sobrang kwela pa kausap,” sagot ni Nico. Binugaw niya ang mga langaw na aali-aligid sa kanya. “Pero sa totoo lang BJ… seryoso ‘to p’re, ah. ‘Wag mong tawanan. Pakiramdam ko… mukhang tinamaan talaga ako dun sa chikas na ‘yun, ‘tol.”

                Napangiwi[2] si BJ. “T*ngina, ‘tol. Kadiri. Samapalin kita jan e. Libog lang ‘yan, kupaloids[3]! Iputok mo lang ‘yan sa C.R., wala na ‘yan mamaya.”

                Namula ng bahagya ang pisngi ni Nico dahil sa hiya. “BJ naman. Kilala mo ‘ko: ‘di naman ako ‘yung tipong nakakita lang ng seksi inlab na agad. Iba kasi ‘yung… ‘yung ito. Itong ngayon ‘dre,” sabi ni Nico. “Parang ‘yung kay Liza dati. Naalala mo pa ‘yun?”

                “Liza? ‘Yung serbedora[4] ni Aling Mameng sa karinderya? ‘Yung malaki ‘yung bumper[5]? Pucha. Tagal na nun ah,” sabi ni BJ.