الحلقة الخامسة من كرونيك #الندم:
لينة: و انا جايزة بالغلطة سمعت هدرتهم حرت ماعرفتش شا ندير اذا نطلق و لا نبقى! بقيت غير نخمم
اذا من جهة الحب انا قلبي مات زمان، جربت الحب و فشلت فيه و جربت الزواج و فشلت فيه تاني
واذا من الجهة المادية الحمد لله خدامة ننجم نرفد روحي و نرفد ولادي و زيد بالنفقة تاع راجلي لاباس
رحت للجهة النفسية خفت علا ولادي اذا تصرالهم عقدة بصح علاش تصرالهم باباهم كاين و لا ماكاش كيف كيف عايشين كيما اليتامى و اصلا ميحبوش يقربو ليه
جيت لجهة المجتمع اكيد انا لي رايحة ننظر يقولو مطلقة سور كاش مدايرة لراجلها و اذا مدايرة والو يقولو الشرع حلل 4
خفت من كلام الناس اذا طلقت من بعد خممت ايا خلاص من الذل و الحڤرة و الزكارة و لي حب يهدر يهدر انا مايهمني بكلامهم والو نعرف روحي شا نسوى
.
.
#خالد
رحت رقدت و غدوة من داك صبح رحت لدار عمي باه نخطب #خيرة ، عمي تشوكا من الموضوع من بعد قالي انا خاطيني القرار بيدها هي، دوك نعيطلها و تفاهمو
قعدت شويا حتى دخلت لابسة كامل الاكحل...
خيرة:السلام عليكم
خالد:و عليكم السلام
خيرة: واش هاد الكلام لي سمعتو من بابا
خالد: انا راني ناويك على سنة الله و رسوله و نظن مانيش غاولاد،يرة: انت متزوج و عندك امرأة و ذراري خلينا من سماطة المراهقين
خالد: يا بنت عمي صح تزوجت و صح جبت ذراري بصح والله مانسيتك فنهار يرحم والديك خلينا نتزوجوا و هنينا انا مازالني نحبك و اولادك نربيهم
خيرة: و مرتك لينة!؟
خالد: منحبهاش تزوجتها برك باه نرضي يما و ملي نزادو #سيف_و_آلاء و انا و هي كل واحد فشومبرة، نطلقها و ادا محبتش تطلق نشريلك دار ماهوش مشكل فكري بالموضوع
خيرة:( علابالي يحبني عيونو فاضحاتو و حتى انا نحبو مي داك حب مراهقة و انا مور زواجي نسيتو و حبيت راجلي، و هو مازالو يحبني افففف لازم نخمم فمصلحتي شكون يقبل يتزوج بامرأة ارملة و عندها 2 اولاد، ديجا انا مننجمش نربيهم وحدي و اذا تزوجتو علابالي بلي راح نرجع انا نحكم و نسيه فمرتو)
خيرة: بصح راني خايفة من مرتك!
خالد: نضمنلك مارايحة ديرلك حاجة.
خيرة: اوك قابلة
خالد: هاااااا
خيرة: واشبيك قتلك قابلة
كي قاتلي بلي راهي قابلة طرت من الفرحة نمشي و ماشي مصدق واااو حلم حياتي راه يتحقق وصلت لداري و انا غير حليت الباب شفت وجه الزمر تاع مرتي.
لينة: ( غير دخل للدار عرفت بلي راح خطبها) الله يدوم الفرحة
خالد: آمين
لينة: فرحنا معاك
خالد: ارواحي اقعدي حدايا عندي هدرة معاك
راحت لينة قعدت حداه: اتفضل راني نسمع
خالد: شوفي يا لينة حنا زواجنا رجع على ورق برك و انا راجل نحب ندي حقي علاش نروح للحرام و الحلال كاين، قررت نتزوج
لينة: حطت رجل فوق رجل، علاش آ سيدي انا من واش حرمتك، شوف متتحججش بيا و تقولي مادرتي و ماعملتي انا ما حرمتك من والو انت راك حاط في بالك تتزوج اتزوج ربي يهنيك، بصح ماتنساش انا كنت ندير خطوة باه نقربلك و انا تبعد ب عشرة
خالد: شوفي يا بنت الناس انا رايح نتزوج عجبك عجبك ماعجبكش اخبطي راسك
لينة: شوف انا كنت صابرة على جال #آلاء_و_سيف و كنت نقول ضرك يرجع لعقلو ضرك يندم بصح الظاهر انت ماراكش رايح تعقال انا حابة نطلق و ندي حظانة ولادي و حقوقي كاااملة
خالد: تفاجأ من كلامها بصح فرح لانو راح يتهنى منها، ايه ديجا ماسقسيتينيش بيمن رايح نتزوج و شكون لي نجيبها
لينة:علابالي بيمن رايح تتزوج ماكالاه تقولي سمعت كلامك انت و خوك
خالد: سمعتيه صدفة ولا جيتي تتجسس...
لينة: لااااا ماتجسستش و ديجا آخر حاجة تهمني هو انت و حكاياتك ناظت خزرت فيه خزرة احتقار راحت وجدت روحها و وجدت ولادها و دات الصوالح لي تحتاجهم و راحت لدار والديها...
.
.
فات عام كامل على قصتنا...
لينة رجعت لدار والديها و صراو مشاكل بينها و بين مرت خوها بسباب الاولاد، بنالها باباها زوج ديار حذاهم و راحت سكنت فيهم و خالد و خيرة تزوجو و عايشين حياتهم...
#ilina
