الحلقة السادسة من كرونيك #الندم:
لينة كي عرفو لي يخدمو معاها انها مطلقة رجعوا يشوفو فيها جسد برك و كامل حاولو يتقربو منها بصح هي وقفتهم عند حدهم.
خالد بعد ماطلق هو لينة ماسقسى و ما حوس على اولادو يمدلهم النفقة عن طريق المحكمة و خلاص.
.
.
#خالد:
تزوجت المرأة لي حبيتها و جوزت معاها ليالي و ألف ليلة و ليلة خرجت وحش السنين كامل و رحت انا و هي لشهر العسل و جوزناه روعة بصح ماعلاباليش واش لي بيا نحس حاجة ناقصة و مانيش حاس روحي مرتاح فهاذ الزواج اصلا مرتي باردة بزاف معايا، ادا ماهدرتش انا معاها هي متهدرش و كي نطول متسقسيش عليا، المفروض انا تزوجت المرأة لي حبيتها بصح حاس بنقص كبير
.
.
#خيرة:
صح تزوجتو بصح ماقدرتش نحبو كيما حبيتو كي كنا صغار انا نحب راجلي برك و كي يقربلي نتقزز منو بصح واش ندير لازم نمثل بلي نحبو باه ننجم نربي ولادي برك
.
.
#لينة:
الحيوان اتزوج و عايش حياتو و انا حياتي ضاعت من الخدمة للدار و من الدار للخدمة روتيني سامط و يلقي و متهلية فاولادي، اليوم حابة نروح نشوف صاحبتي #صوفيا
(صوفيا متزوجة #أمين، اقراو كيف كيف و المكتوب اجمعهم كيف كيف)
#صوفيا شرات دار جديدة و انا قلت نقوم بالواجب شريت كادو و ديت و لادي و رحت، كي لحقت لباب دارها انصدمت شفت حسام واقف مع امين حسيت قلبي رايح يخرج استغفرت فت عليهم قلت السلام و مستنيتش حتى ردهم دخلت للدار و خليتهم واقفين...
#حسام:
حبيتها من نهار اليوم لي شفتها فيه بالجامعة عيونها العسلية فمها الاحمر شعرها الاسود عشقتها و عشقت كلشي فيها حبيت نتقرب منها و نقلها نعشقك يا بنتي هاني نموت فيك بصح تفكرت بلي انا خاطب و يما مستحيل توافق، بقيت معاها بحجة اني انا نحبها كي اختي و قلبي من الداخل يتقطع عليها، اليوم رحت عند صاحبي #أمين نباركلو بدارو الجديدة و انا كي جيت خارج شفت وحدة معاها زوج اولاد، هادي #لينة فاتت حدانا قالت سلام و دخلت ماستناتش حتى الرد ديالنا...
حسام: أمين هادي لينة ياك مانيش غالط!
أمين: لا ماراكش غالط هادي لينة
حسام: واو مازالها هاكداك صغيرة و شابة
أمين: وي مازالت شابة برغم انو لي جازت فيه مش قليل
حسام: خير واشبيها!
أمين: علاش ماسمعتش بيها تطلقت و ضرك عايشة مع والديها
بقيت مصدوم حيوان هاذا لي يضيع جوهرة من بين يديه هههه حتى انا حيوان ضيعتها من يدي مرة بصح هاد المرة ندير المستحيل باه نديها و لازم نتزوجها، استنيتها حتى خرجت من دار #أمين كانت رايحة تحبس طاكسي، رحت ليها قلتلها السلام رجعتلي من بعد قتلها نوصلك فالاول ماحبتش ضليت وراها حتى قبلت، طلعت اللور هي و أولادها، فالطريق حاولت نحكي معاها و نسقسي فيها بصح اجاباتها كانت مختصرة، وصلتها للدار و قعدت سمانة و انا نعس فيها و هي ماجايبة خبر عرفت وين تخدم رحت ليها للشركة.
لينة: اهلا وسهلا حسام غير الخير
حسام: محتاجك بموضوع
لينة: ماكان حتى موضوع بيناتنا
حسام:تعيشي اسمعيني برك
لينة: اوك اهدر
حسام: انا نحبك ( مابان حتى رد فعل على وجهها)
لينة: شوف حسام انا متزوجة و عندي اولاد روح اتهلا فمرتك و خلينا من عفايس الذر
حسام: بصح...
لينة: شوف حتى لوكان انت مش متزوج و انت مازالني نحبك ماراحش نقبل بيك تعرف علاش لانو انا عاهدت روحي بلي حياتي راح تكون لاولادي برك
حسام: متقدريش وحدك
لينة: علاش منقدرش انا مش أول و مش آخر امرأة رايحة تربي اولادها وحدها و بلا راجل
حسام: متوقعتكش تكوني انانية هاكدا خممي فروحك شوي الحياة ماشي ذراري برك و انت ماكيش رايحة تبقاي صغيرة راه الزمان يجري، بنتك راح تتزوح و تروح لبيت راجلها و ولدك رايح يتزوج و يتلها بمرتو و انت معامن تبقاي.
لينة: منا لذاك الوقت ربي كريم و ضرك يا حسام روح لمرتك و اتهلا فيها متدمرش حياتك بسبة نزوة جايزة و هذا الكلام التالي عندي.
#حسام: خرجت من عندها الطريق مانشوفهاش بففف واش هاد الطفلة شايفة روحها بصح عندها الحق انا لي رحت ليها، رحت للدار قعدت شوي تفكرت كلامها اتهلا فمرتك اوك يا لينة رايح نتهلا فمرتي.
.
.
بعد مازار حسام لينة فالشركة انفتحت ابواب جهنم فوجها رجعو الخدامين لي معاها يحكو و برك راكم تعرفو المرأة المطلقة فمجتمعنا بصح لينا مهتمتش بيهم، فاتو ليام و بدا المدير ( المدير راجل عمرو فالاربعينيات) كل شوي يبعث مور لينة و يهدر معاها و خزراتو ليها كلها جنسية، لينة فاقتلو و حاولت تبعد عليه بصح هو كان كل مرة يعاود يحوس عليها، و مرة بعث وراها باه تروحلو للمكتب، هي راحت قالها اقعدي، قعدت و هو بدا يهدر
المدير: انا راجل و نموت على الزين و مرتي كبرت و ماهيش تهتم بيا و انا نحوس على وحدة تجددلي صغري
لينة: و واش المطلوب مني!؟
المدير: انت لي رايحة تريحيني.
لينة:انا كي طلقت مخممتش نتزوج و ما خممتش نجيب لاولادي زوج ام
المدير: هههه شكون قال زواج.
لينة:نعممممم!!!
المدير: واش نديرو بالزواج خلينا هاكدا اصدقاء و انا عندي دار قريبة من الشركة نروحو ليها ساعة ولا ساعتين كل واحد فينا يريح لوخر و واحد ماراحش يشك واش قلتي
لينة:انت راك من عقلك واش راك تهدر انا مقبلتش بالحلال نقبل بالحرام
المدير: واشبيك عمري علاش تقلقتي اذا خايفة تحملي متخافيش نخلو كلشي من سطحي
لينة: انت واحد متسواش
المدير:خممي ادا ماديريليش شا نحب ماعندكش بلاصة فشركتي
لينة:هههه كي سمعت كلامك دقيقة منزيدهاش هنا
المدير: طريق السد لي تدي ما ترد.
.
.
#لينة:
خرجت من الشركة مخنوقة وااع ناس مقرفة تخمم غير فالحرام و انا علاش زهري هاك!!؟ كيفاه رايحة نعيش و نعيش اولادي لي كانو عندي كامل بنيت بيهم دار و نفقة خالد متكفيش حتى للماء و تريسيتي و انا ذهبي بعدو اففففف لازم نلقا خدمة مينفعش نبقا هاك.
فنفس اليوم فالليل جاها باباها:
والد لينة: بنتي عندي موضوع حاب نحكي فيه معاك
لينة: ايه بابا اهدر.
والد لينة:كاين واحد تقدملك
لينة: مستحيييل
والد لينة: علاش يا بنتي مازالكي صغيرة على الاقل شوفيه و احكمي
لينة: لا يا بابا انا مطلقة و فرقبتي زوج صغار مننجمش نسمح فيهم
والد لينة: يا بنتي مانيش نطلب منك توافقي بصح شوفيه و احكي معاه و من بعد احكمي
لينة: اوك بابا رايحة نحكي معاه بصح متتأملش بزاف
والد لينة: الله يهديك يا بنتي.
.
.
موراها بيامات ( اليوم رايح يجي لي خطب لينة و تتلاقا بيه) لينة فالصالة مع والديها و اولادها حتى جاها باباها قالها ارواحي يا بنتي تشوفيه و تحكي معاه
دخلت #لينة للشومبرة شافت بقلاوة فالثلاثينيات من عمرو قالت ( هذا واش جابو لوحدة مطلقة)
لينة: السلام عليكم
احمد وقف: و عليكم السلام كي راكي!
لينة: الحمد الله.
احمد: انا مانحبش نلعب و ندور رايح نحكيلك حكايتي و انت موراها قرري.
شوفي يا بنت الحلال انا كي كنت صغير كنت قبيح كنت نهبل الاساتذة واحد نهار ضربني استاذ الرياضة فمكان حساس و سببلي عقم
لينة متفاجأة: راك صح منك و هادا كيفاه طوالو يديه و ضربك
أحمد: خليني نكمل، انا وقتها ماعرفتش بلي عندي عقم فاتو العوام تزوجت و كي حبينا ذراري مكاش درنا تحاليل و تم عرفت بلي مننجمش نجيب اولاد، طلقت مرتي مانيش حابها تنحرم و تنظلم معايا و نحرمها من اهم كلمة فالحياة لي هي ماما، المهم سمعت بحكايتك و جيت نطلبك فالحلال انا محتاح امرأة فحياتي تحوس عليا و تهتم بيا و بالمقابل اولادك راح يكونو كي اولادي حاجة متخصهم تعيشي متحرمينيش من حق الابوة معاهم...
#ilina
