الندم

الحلقة الأخيرة

الحلقة الأخيرة من كرونيك #الندم:
فاتت سمانة لينة راحت للمسجد صلاة و ادعات ربي يثبتها على الطريق الصحيح و يعطيها القوة باه تستمر و تربي اولادها احين تربية، كملت صلاة خرجت من الجامع هي جبدت تليفونها صابت 25 اتصال من صديقة قديمة ليها
لينة استغربت لانو عندها مدة ماحكاتش معاها
لينة: اهلا حبي كي راكي
ايمان و هي تبكي: لينة صوفيا ماتت
لينة: هههه بركاي متقتلي فالمخلوقة و تفاوليلها و هي حية
ايمان: مانيش نتمسخر طرطقت قرعة غاز فدارها ماتت تشوطت
.
.
لينة و الله ماعرفت شا ندير #صوفيا هي الانسانة الوحيدة لي وقفت معايا هي لي كانت تمدلي دراهم و تشري حوايج لاولادي ، اااه يا الدنيا شحالك ظالمة، ديت ولادي لدارنا و رحت لدار #صوفيا و انا دموعي ويدان لقيت يماها تبكي و تندب و انا كتر منهم راحت من حياتي اعز انسانة راحت سندي فهاد الحياة و الله للآن ماني مصدقة كيفاش ماتت كيفاش!!؟
فاتت جنازتها و فات الاربعين و فات العام و انا ديما نروح لدارهم نتهلا فاولادها الزوج، كانت هي لي جيب لاولادي ضرك انا لي ندي لاولادها كنت نشوف فيهم وجه يماهم.
.
.
بعد 5 سنوات:
اليوم عيد ميلاد بنتي #مآل بعد ماماتت #صوفيا بعامين تزوجت من راجلها #أمين حتى نربي اولادها و عمري لا فرقت بينهم و بين #سيف_و_آلاء و ربي ارزقني منو #مآل
امين انسان ماشاء الله متربي و يخاف ربي عمروا لا قاسني بكلمة و لا جرحني
اما يالنسبة #لخالد قعد عايش وحدو ماعاود تزوج و رجع مايخالطش مين داك يجي يسقسي على سيف و آلاء، قعد نادم على واش دار يتمنى الزمان يرجع بيه و يصحح غلطوا بصح الله غالب كل واحد يتحمل نتائج افعالو و الندم ماينفعش بعد فوات الأوان....
.
.
النهاية #ilina_lune