الحلقة الثامنة من كرونيك #الندم:
فالسبيطار خرجت الطبيبة تهدر مع خالد
خالد: واش كاين واش بيها
الدكتورة: مرتك دايرة اجهاض و هذا هو السبب لي دارلها نزيف
خالد: واش من اجهاض قصدك مرتي كانت حامل
الدكتورة: ايه
خالد: و وعلاش انا آخر من يعلم
الدكتورة: هاذي اموركم الشخصية، يلا سلام انا عندي مرضى اخرين نروح نشوفهم
خالد رجع نار دخل #لخيرة يعيط علاااش علاش!!
خيرة تبكي: خالد انا متزوجتكش لانو نحبك انا تزوجتك علا جال اولادي و كي عرفت روحي حامل منك مقدرتش نخليه رحت طيحتو
خالد: تزوجتيني علا جال الذراري، و حبك ليا!!؟
خيرة: اففف واش من حب مازالك تحكي على حب المراهقة
خالد: خيرة راكي مطلقة بالثلاث
.
.
#خالد:
خرجت من السبيطار نشوف فالدنيا ظلمة طلقت مرتي و سمحت فاولادي و ضيعت سنين عمري على واااش!؟ اوووف يا لينة اوووف انا ظلمتك و ظلمت اولادي ضرك باه عرفت قيمتك، ظليت نمشي حتى صبت روحي قدام دار #لينة و عيوني معمرين دموع طبطبت فالباب فتحتلي #لينة
لينة جاتها الصدمة من خالد: خالد واشبيك!؟
خالد: حضنت لينة و بقيت نبكي اسمحيلي اسمحيلي خلينا نبداو من جديد...
لينة: واشبيك انت هبلت روح منا روح و طبعاتو على صدرو
خالد: ماتكونيش انانية مديلي فرصة نصحح غلطاتي و نربي اولادي
لينة: وااو ضرك باه ولاو عند اولاد سنين و انا نحلل فيك و ماخليتش حاجة مادرتهاشو انت قلبك حجرة و ضرك اولادك كي تزوجت....
خالد قاطع لينة: طلقت مرتي
لينة: ااااه و علاش طلقتها
خالد:عرفت بلي منحبهاش نحبك انت
لينة:والله هههه قصدك كي شبعت منها حبيت ترميها، مازال ماشفتش انسان كيفك، انت واحد مريض روح داوي خيرلك
غلقت الباب في وجهو و خليتو....
#ilina
