الحلقة الرابعة من كرونيك #الندم:
لينة: سمعت بالشي لي صار لاخو #خالد و وقفت مع اهلو كيما يلزم و كنت مخليا و لادي فدارنا كي رجعت صرا مشكل كبير بيني و بين مرت خويا بسباب الاولاد من بعد جا ليا خويا قالي انت على العين و الراس لكن ماناش مجبورين نتحملو ولادك و باباهم حي
من سمعت كلام خويا و زادو والديا وقفو معاه قلت نرجع لداري خفت على ولادي، حسيت وقتها بالذل من اهلي و من الشي لي داروه عمرهم لا وقفو معايا علا ديك #خالد دار رايو فيا لانو ماكاش لي يوقفو عند حدو، خرجت من دارنا و الدمعة فعيني قلت نتحمل اهانة راجلي و منشوفش ولادي مذلولين من ديك العقرب
دخلت للدار لقيتو قاعد فكوانة يلعب بتيليفونو ولادي راحو لشمبرتهم ماهدروش معاه لانو اصلا مايعتبروهش باباهم جامي لا حكى معاهم ولا لعب معاهم و ادا راحو ليه يعيط فيهم
لينة: سلام
خالد: اهلا بست الحسن واش شايفك رجعتي
لينة: مرديتلوش رحت للكوزينة نطيب و انا مخنوقة من والديا لي جامي حسيت بيهم و من الراجل لي متزوجاتو على ورق برك
نبكي و نطيب و نقول يا ربي عاوني والله تعبت و عييت كرهت من ها المعيشة يا رب عاوني و افتح ابوابك فوجهي
.
.
الايام فاتت تجري فات على موت اخو زوجي 6 اشهر، و #خالد حاسة فيه حاجة مبدلة بصح ماعرفتهاش
.
.
#خالد
كملت خدمتي و رحت عند خويا لكبير #قاسم قتلو بلي عدة #خيرة خلاصت و انا راني حاب نتزوجها و نربي ولادها...
قاسم: راك تحكي من نيتك
خالد: ايه و واش فيها اذا تزوجتها انا مش اول و مش آخر واحد يتزوح مرت خوه
قاسم: و مرتك تقبل!!؟
خالد: و علاش هاد الشي براي مرتي، ديجا راك عارف الحكاية و بسباب يما انا تزوجتها باه تشوف حفظانها قبل ماتموت هادا ماكان
قاسم: بصح مرتك عاقلة و رزينة و رافداتك و ماهي مقصرة معاك فحتى حاجة لا انت لا ولادك
خالد: ايه مننكرش مرتي مليحة و عاقلة بصح منحبهاش و هي كي حست بيا منحبهاش رجعت ترقد وحدها و انا وحدي
قاسم: انت علاش داير هاكدا ياك هاذي مرتك يمات ولادك حاول تتقرب منها و تحبها
خالد: ماحاولت و مش راح نحاول افهموووني منحبهاش حاب نتزوج المرأة لي نحبها افهموووني
قاسم:راك متأكد
خالد: اييييه 100٪
قاسم: و مرتك و اطفالك!!؟
خالد: انا قتلها ألف مرة اذا حابة تطلقي نطلقك و حقوقك نمدهالك كاملة عارف روحي ظالمك بصح هي لسقة متحبش و تتحجج بالاولاد
قاسم: علاش المرأة المطلقة فمجتمعنا تنجم تعيش!؟ ياك الناس كامل تشوف فيها نظرة احتقار و يقولو العيب فيها هي
ايه و ديجا نسقسيك كي تطلق زعما #خيرة راح تربيلك ولادك!؟
خالد: لا الاولاد نعطيهم ليماهم يحبوها كتر مني و مانيش حاب نحرمهم منها
قاسم: والله انت مرض تخلي ولادك لي لحمك و دمك و تربي ولاد خوك و فرضا مرتك محبتش تطلق شا دير!!؟
خالد: عادي نشري بيت تاني
قاسم: نتمنى تراجع و تثبت روحك راني نشوف العاطفة لي تتحكم فيك
خالد: هادا اكتر قرار صحيح ديتو فحياتي ، ماجبرتني عليه لا يما لا حتى حد
قاسم: لضرك مازالك تحبها والله توقعتك نسيتها بعد كل هاد السنين
خالد: ماكاش لي ملك قلبي من غيرها تعيش عاوني يا خويا
قاسم: ان شاء الله خير
#ilina
