Minsan..

Si Dodong..

Si dodong..

Si dodong nga matam-is mu-storya, baling lami-a.
Si dodong nga ug mugakos, hapit di mubulag mura ra'g napugos.
Si dodong nga unsa halos ihatag apil kalibutan, di-ay tu kani kariyot lamang.
Si dodong nga seryoso kaayong mupugong sa imong mga kamot, d-ay tu tanan binotbot.
Si dodong nga abi nimo'g ikaw ra, ngeh! kamo d-ay duha.
Si dodong nga ug magpakilig, mu-kisi-kisi jud ka daw nangigkig.

Si dodong nga ganahan kuno nimo, makatawa pud laman ko.
Si dodong nga kusog mu-atik, litse! mura jud ka'g gigitik.
Ug nganong si inday daling ma-gugma? Ay na'g dagha'g pangutana.
Sa imong mga istilong dis-a nimo hikaplagi, syarog di jud mahulog lagi?

Pero dong, ngano man jud ba? nganong makahigugma man jud ka?
Dong, ug tarungon lang ko nimo, promise! Magbinut-an na jud ko.
Sulti-e ko ug unsa man gani imong ganahan, akong buhaton basta ma-kaya laman.
Dong, ako, daling mahulog, maong sal-a pud laman ug ilog-ilog.
Sakita, dong, abi ko ug pwede ta, di-ay to ikaw naa na'y hinugugma.
Ako'y nalibog ug asa patambag, sa akong gibating ikaw lang, dong, ang makatubag.
Apan, dong, gimingaw man ko nimo, ako nalang kini iluom ug maayo.

Basun puhon, dong, magkita ta, basun pud lamang ug pwede na ta.
Promise ko nimo, dodong, ikaw atimanon ug palanggaon, basta ba ako rai imong biga-bigaon.
Dong, sa karon pag-amping, kay basun puhon ako na ang nasa imong kasing-kasing.