Shehr-e-Yaaram #LoveFromPakistan #Completed

Chapter#9

Assalam o alaikum everyone!

Sb se pehle itni der baad update krne k liye sorry boht boht sara...

Actually mere board exams they so me unme busy thi. Isliye story pr dehaan na de pai.

OK so new chapter is here!
Happy Reading!!

Eshaal abhi apnay room me tyaar ho rai thi. Unho ne mangni ki shopping krne Jana tha.

Khala or Saad ne shuru me shor dala. Khala tou Aiza k kehne pr khamosh ho e gain pr Saad tou abhi tk usi trah ghussay me bhunna betha tha. Albata sawaira kafi khush thi.

Wo apni mngani ka dress le kr ai or phir ghar me arham ne use shayaan k liye lai gai angothi dikhai. Eshaal jis din se rishta hua tha us din se hawaon me thi.

Arham ko b shayaan boht psnd aya tha. Hr waqt ghar me usi k gun Gaye jatay. Mangni k ek maah baad e shadi ki tareekh rkhi gai thi.

Uski mngni walay din ghar me boht gehma gehmi thi. Choti or sb se ladli beti ki jo thi. Saarim b kafi khush tha or usko chiranay k liye yahi kehta k tum is ghar se jaogi tou mera raaj hoga. Or me sb se zyada khush hunga jispr eshaal kafi jazbati ho jati or sbko shikayaten lgati.

Mangni ki rasam k waqt usne shayaan ko dekha. Ek mashriqi khandaan ki trah mngani se pehle milnay nhi dia gya. Shayaan safaid kurtay me uskay saath walay sofay pr baith kr apni ungliyun k sath khelne lga or wo kbhi ek nazar utha kr usko dekh leti. Usne khud royal blue color ka anarkali frock pehna hua tha.

Angothi wali rasam Hui or uska khwab haqeeqat ka roup dharnay k pehlay marhalay se guzar gya. Usne dil me khuda ka boht shukar adaa kia or phir se shayaan ko dekha jo swaye uskay hr kisi ko dekh raha tha. Usne b apni nazar mor li.

Koi nhi shayaan sahab apko tou me abhi theek kr dungi!

Raat k waqt sonay se pehle usne uskay number pr pehla message kia.

"Aj tou meri traf dekha b nhi tumne. Na koi bat ki... Ab me itni b buri nhi lg rai thi :/" 

"Han tum theek lg rai thi itni buri nhi lg rai thi. Wese muj neend aa rai h boht zyada muj subah jldi uthna h. Me tou ab b walk pr jata hun."  Usne jese kuch jtaya tha

"Han han janti hun. So jao... Good night..."

"Ok good night.... Or han....

"Za ta Sara meena kawam"

Wo yh message prh kr kafi uljhan ka shikaar hui.

"Iska kya mtlb h?"

"Socho.... Pashto ki line h. Tume smjh nhi ayegi. Mene b bs yahi e seekhi h. Kisi se b mtlb  pooch Lena swaye mere."

Usne phone charging pr lga dia or ankhen bnd kr Lin. Wo janti thi use kisse poochna tha.

Aglay din wo or Rabail jb kaam kr Raye they tou usne apna mobile nikala or text uncha sa prha...

"Zata sira meena kum" (agr Punjabis me se koi bolay tou aise e bolay, pashtuns se maafi chahti hun.)

Iska kya mtlb h Rabail?" Rabail yh sun kr zor se hns di. "Pehle tou tumne beecharay ki dhajiyan uraa din, khair btao kaha kisne h Eshaal madam! Kl e tumari mngni Hui n aj yh.!!! Khair tou h?"

Eshaal heraan use dekhne lgi. Usko kuch smjh nhi aa raha tha. Aisa kya kaha tha shayaan ne..

"Shayaan ne kaha h pr mtlb kya h iska?" Wo ab kafi pareshaan hogai thi.

"Iska mtlb h k Mr. Shayaan tumse muhabbat krtay hen.... Oyeee hoyeee eshaal madam.... Dekho tou sahi..... kya keh Gaye hmaray jiju g... "  Wo bolay ja rai thi or sath hns b rai thi.