Shehr-e-Yaaram #LoveFromPakistan #Completed

Chapter#10

Walimay k baad eshaal kapray change kr k wapis ai tou dekha k shayaan pehle se e change kr k so chukka hua. Usko dekh kr wo pehle tou muskurai phr achanak kuch yaad anay pr tezi se uski traf brhi. bilkul kisi sherni ki trah. Or uskay sir k neechay se takiya khench lia. Wo jiski ankh shayed abhi e lgi thi habaraa kr uth gya. Eshaal ko khoon khwaar nazron se ghoornay lga.

"Takiya ku khencha?" Usne neem soi hui awaaz me e poocha tha. "Muj tumse ek swaal poochna h isliye." Takia sofay pr phenk kr wo hath bandhay uskay uth kr bethne ka inezaar krne lgi. "Konsa swaal??? Or itna kya zaroori tha k tumne muj yun uthaya" Wo ab beth chukka tha pr ankhon me neend bhari hui thi. Eshaal ko uspr beikhtyaar pyaar aa gya pr yh waqt pyaar jtanay ka nhi tha. Yh soch kr uskay mathay pr ubhri shiknen jo abhi khatam huin thin phr se ubhar ain.

"Pehli bat tou yh Mr. Shayaan k ap meri side pr so raye hen. Or me yh bhi bardaasht nhi krungi. Chlen apni side aa jayen sharafat se phr bat hogi." Shayaan jo abhi tk neend me tha yh bat sun kr buri shakl bna kr dosri side pr chla gya. Or wo wahan beth gai jahan thori der pehle mosouf khwab e khargosh k mazay loot raye they.

"Ab bolo b" Wo uski traf dekh kr bola tha. "Swaal yh h k tumne pasto ki ek e line seekhi ZA TA SEERA MEENA KOUM tou yh kitni lrkiyun ko bol chukay pehle. Zaroor koi pathan girlfriend hogi tumari ya yh b ho skta h tum usse shadi krna chahtay ho. Wo tou me pta nhi ku beech me aa gai tum dono k......"

"Ek minute ek minute. kin dono k beech?" Shayaan ne herani se poocha. Is bat pr zyada heraani hui k yh ek mahinay pehle ki bat ise yun achanak ku yaad aa gai thi.

"Tumaray or tumari us pathan girlfriend k beech me jiskay lye tumne wo Pashto jumla seekha tha." Shayaan chand second use dekhe gya or phr bechargi se sir hilatay hue leta or dosri traf mur gya.

"Tumara kuch nhi ho skta Eshaal!" Yh keh kr wo so gya. "Han so jao ab tum. Or us pathan lrki ka khayal b apnay dil se nikaal do." Wo boli or khud b dosri traf mur k so gai.

Unki pehli lrai, Shaadi k dosray din.

**************

Black BMW faratay bhrti hui highway se guzar rai thi. Wo idhr udhr dekhta or phir samnay dekhne lgta. Wo ab Islamabad ki hadood se nikl rahay they or kuch der tk wo maala maal honay wala tha.

Rawaat me qila rawaat se kuch der ki musafat pr ja kr gari rok di gai. Uskay sath aye hue admiyun me se do teen utar kr qila rawaat e gaye takay kisi ko shaq na ho. Badshah sb kuch ek mnsoobay k tehat krta tha.

Wo khud wahan se agay aa gya tha Ek bnd gali me ghuss kr usne agay peechay dekha. Wahan koi nhi tha. Thori dur aa kr use ek white car nazar ai. Wo uskay pass aa kr ruk gya or unkay hath se do briefcase le liye. Wo car me mojood ek bnday ko ek briefcase thma kr apnay sath e le aya tha. Usne apnay hath me mojood briefcase apni gari me rkha or dosray bnday ko gali me e khra rehne ko kaha. Phr apnay admi ko bhej kr wo brief case mngwaya. Or use b apni gari me rkha tb tk baqi admi b qilay se wapis aa chukay they. Wo sb phr se gari me beth gaye. Or gari ek bar phr highway pr mojood thi.

Yh sb itni jldi hua tha k wahan mojood kisi ko kaanon kaan khabar na hui. Wo waqai mahir tha.

**************

"Ms. Munawar! Are u OK now?" Abeera ne ankhen khulin tou pass mojood ek nurse ne use dekh kr poocha. Usne ankhen kholnay ki koshish ki pr uskay sir pr dbaoo bhrnay lga tha. isliye usne ankhen dobara bnd kr li thin.

"What actually happened sister?" Abeera ne apni bnd ankhon se e poocha. "You passed out near the coffee shop Dr. Shayaan brought you here" Usne apni ankhen poori trah khol li thin tb Shayaan ward me aya.

"How are u now Ms. Munawar? Feeling Ok?" Usne kuch files ko check krtay hue poocha tha. "Han.... bs sir me dard h hlka sa" Wo jisko hlka sa dard bta rai thi wo hlka nhi tha blkay usko lg raha tha jese koi uskay sir ko do hisson me taqseem kr raha h.

"Hmmm... No problem... Tume pain killer de dijaigi. Tum so jao." Abeera ne uski bat suni or phr ankhen mond lin.

**************

Eshaal so kr uthi tou dekha mobile me 25 messages or 4 calls thin sb ek e bnday ki traf se. Saad!

Pta nhi yh shaks meri jaan kb choray ga!

usne mobile off kr k side table pr rkh dia. Shayaan b uth gya tha. "Kya hua eshaal? tum pareshaan lg rai ho!" Usne pareshaani se poocha. Wo jo gehri soch me doubi thi achanak seedhi hui. kya Shayaan ko bta dun? Nhi... yh theek nhi h... Choro janay do. khud e theek ho jayega.

"Kuch nhi Shayaan. Aise e abhi so kr uthi hun na" Wo b sir hila kr khamosh ho gya. Shayed use force nhi krna chahiye wo khud bta degi. usne socha.'

"Or han meri koi pathan girlfriend nhi h. Wo sentence tumaray liye seekha tha khaas" Eshaal yh sun kr hns pri. "Acha tou tume mujhse muhabbat ?" Eshaal ne tang krtay hue poocha.

"kya tumhe mujhse muhabbat nhi h?" Shayaan ne usi andaaz me poocha. "Tum ab pooch raye ho jb shaadi ho gai? pehle poochtay na! huh" Eshaal ne dosri traf mur k kaha or apni hnsi dbanay lgi.

"Mene pta h ku nhi poocha eshaal?" Eshaal wapis uski traf muri or muthi k upar thori rkh k use poocha ku?

"ku k......:" "ku k kya Shayaan?" "Ku k muj pta tha k...." " kya pta tha Shayaan? Wo usi trah dilchaspi se boli. "Mere ptay me koi lrki aisi nhi jo Shayyaan Hussain se muhabbat na kre!" Yh keh kr wo hns pra or Eshaal ne apna takiya utha kr uskay sir pr mara. "Itna gharoor b acha nhi hota Mr. Shayaan.... Me chor k chli gai na tou meri jesi dhoond k dikhana." Wo kehne lgi or Shayaan usko dekh kr bola.

"Tum chor k chli gai tou me b tumaray pass e aa jaonga. Mujhse kahan tk bhaag jaogi tum Mrs. Shayaan! Me tume kahin nhi Janay dunga. Me or tum hmesha sath rahenge" Eshaal ussay dekhe gai. Use shayaan ki yh kuch jatanay wali or maan se bhri hui bat boht achi lgi thi.

"Promise?" Eshaal ne uski traf hath brhaya. "Han pkaa promise." Usne uska hath thaam lia.

"Or agar me mar gai tou...." Eshaal kahin khoi hui boli thi. "Huh aisa nhi ho skta k Shayaan Hussain se pehle Eshaal Hussain ko Khuda apnay pass bula le.

"Or agar ho gya tou...." Eshaal ne hath churatay hue poocha jo abhi tk shayaan ne thaama hua tha. "Tou us waqt sochenge abhi tou Mrs. Shayaan tumara yh jazbati bhoot utarna h tumaray sir se." Yh keh kr Shayaan ne takiya Eshaal ko mara.

*********

Assalam o alaikum!

Eshaal or shayaan k couple k liye ek word??

OK so wait for the next chapter
Till then
Take care
ALLAH Hafiz