اكو واحد ازوج شاعرة
ف من رجع من الشغل اتلگتة زوجتة وكلتلة
اهلا وسهلا بيك يا شمعة البيت
لو بيدي اطش الروح لا ما اطش جكليت
#كللهة_شلونج
كلتلة
بخير وسلامة وياك يا بعد روحي
جيتك يماي العين تشفي الي جروحي
كللهة شمسوية غدة
#كلتلة
كل ما الذ وطاب يا بعد عيناي
بدل هدوم الكار واتغسل ابماي
ورة متغدة راد ينام
#كلتلة
فراشك بالگلب مفروش نام وتمدة
وكلشي يعشگك بي حتة المخدة
كللهة امي رح تجي اليوم ع العشة
#كالت
لا هلة ولا مرحاب بجية الحية
هالعمة كل يومين سوتلي جية؟😡
كللهة،،لاتحجين ع امي😡
#كلتلة
والله يبن الناس تدريني ما اعيل
بس امك يبعد الروح ما تنحمل حيل😒
كللهة السانج طولان
#كلتلة
شفايتلي بس السان..ارحم يعمي 😒
امك بذاك الصوب والسانهة يمي 😏
كللهة امشي ولي لهلج
#كلتله
تمشيني لهلي انووب،هذا الجزانة
مو صوجك ابگلبي الصوج.من همدانة👐💔
😂😂😂😂😂😂😂😂ام السان حتة بالشعر👌
أنت تقرأ
تعلم اللهجة العراقية
Rastgeleاللهجة العراقية من اجمل اللهجات واحلاهن فيها معاني ومفردات جميلة والبعض مضحكة هنا تعلم لهجة العراقية
