Chapter V
Nakikita ko na ang ilaw ng araw, habang papalapit kami rito ay tiningnan ko ang ibinigay sa'kin ni Lyn. Para itong maliit na bola, kulay pula ito at medyo matigas.
''Ang sweet naman non,'' wika ni Nick. ''Syota mo 'yon?''
''Hindi ah, kaibigan ko alng 'yon,'' sagot ko sabay pagbatok sa kanya.
''Aray!'' hiyaw nito habang hinihimas ang batok. ''Ang sakit non ah.''
''Bagay lang yan sa'yo,'' wika ko habang tumatawa.
Ilang hakbang nalang upang makalabas kami, nararamdaman ko na ang sarap ng init ng araw. Hindi ko alam kung bakit, basta't bigala nalang akong lumakas noong ako'y nasikatan nito.
''Sumakay na kayo sa karwahe,'' utos ni Daniel. ''Kailangan na nating umalis.''
''Sige na Jake at Nick,'' dagdag ni Jane.
Sumakay na kaming muli sa karwaheng sinakyan namin papunta rito. Ilang segundo pa'y umalis na kami at lumipad sa himpapawid. Nakakagaan ng pakiramdam ang simoy ng hangin sa labas kumpara sa loob ng kuweba.
''Malayo-layo pa ang ating lalakbayin,'' wika ni Jane. ''Matulog muna kayo.''
''Saan ba tayo pupunta ?'' tanong ko.
''Sa kalapit na bundok na mayelo,'' sagot ni Jane.
''Aanhin ba natin ang yelong bato?'' tanong ni Nick. '' 'Di ba pwedeng hindi natin kunin 'yon?''
''Ang yelong bato ay isa sa apat na batong klima, taglay nit ang klimang yelo, kung hindi natin ito maibabalik kay Zeus ay 'di na magiging balanse ang mundo,'' sagot ni Jane.
''Bakit hindi nalang sila ang kumuha nito?'' tanong ko.
Tumawa si Jane at sumagot naman ito. ''Ano ba ang pakialam nila sa'tin? Kahit mamamatay tayo dito sa sobrang init ay 'di pa rin sila nakikialam. Hindi naman sila ang maaapektuhan sa nangyayari . Tanging tayo lang ang pag-asa ng mga tao dito sa mundo.''
''Yan pala ang dahilan kung bakit sila naghahanap ng anak sa isang mortal, para maprotektahan ito,'' wika ni Nick habang tumatawa.
Tumawa rin si Jane at si Daniel kaya napatawa nalang din ako.
''Baka nga, siguro,'' sagot ni Jane kay Nick.
Tumawa ulit sila ngunit sa puntong ito ay napawi rin ito agad.
''Nasaan na ba tayo, Jane?'' tanong ni Daniel.
