Chapter VIII
Panandaliang tumahimik ang kuweba, at nagpalitan ng tingin sina Jane at Daniel.
''Nick, alisin mo na ang baging,'' dali-daling sigaw ni Daniel.
Mabilis na umalis sa labasan ang baging kaya tumakbo kami papalabas. Hindi pa man kami nakalayo ay nakita na nila kami.
''Ayon sila!'' sigaw ng isa nilang kasama.
Patuloy pa rin kami sa pagtakbo hanggang natamaan ng palaso ang heta ni Nick.
''Kaya ko 'to,'' wika ni Nick habang namimilit sa sakit.
''Tumigil kayo sa pagtatakbo,'' pasigaw na utos ni Daniel. ''Lalabanan natin sila.''
Humarap si Daniel sa kanila at tumakbo papalapit, dala-dala nito ang isang espada. Sumunod na rin si Jane , walang laman ang aking isipan, wala ni kahit isang pumasok sa aking isipan upang magdikta sa'kin. Tiningnan ko si Nick, binigyan ko ito ng ambrosia habang tinatanggal nito ang palaso.
'Di kalayuan ay nakita ko ang isang lalaki na may hawak-hawak na pana, itinutok nito ang pana sa'min na may balak na palasuhin kami. Kinuha ko rin ang pana ko, inasinta ko rin s'ya, ngunit nahuli na ako nauna na pala itong tumira. Muntik na akong natamaan, kitang-kita ko ang palaso na dumaan sa'king harapan.
Inasinta ulit kami nito, ngunit nagtago nalang ako kaysa labanan ito kasi halatang-halata na eksperto na ito sa paggamit ng pana. Tiningnan ko si Jane hinampas ito ng kalasag ng kalaban n'ya kaya napahiga s'ya. lumalakas at bumibilis ang tibok ng puso ko na para bang nagsasabi na 'wag mong hahayaan na may mangyayaring masama sa kasama mo. Pinalaso ko ang kalaban nito sabay pikit, pagdilat ko ay natamaan ito sa balikat at nabitawan ang dala-dalang espada.
Tumingin sa'kin si Jane at ngumiti, ngunit ibinalik n'ya agad ang pansin n'ya sa kalabang may balak na pupulutin ang kanyang espada. Sinipa n'ya ito sabay saksak ng espada sa heta. Nabaling naman ang tingin ko kay Daniel na walang kahirap-hirap na tinatalo ang kalaban nito.
''Two down, Three to go!,'' sigaw ni Daniel.
May isang lalaki namang lumapit kay Jane, may dala-dala itong isang espada.
''Nick, subukan mong hawakan ng baging mo ang paa ng kalaban ni Jane at papalasuhin ko ito,'' utos ko sa kanya.
Katulad nga ng sinabi ko ay nahawakan ni Nick ang mga paa nito at pinalaso ko ang dibdib.
''Wow ! Not bad for a beginner Jake ,'' puri ni Jane.
Ngumiti ako sa kanya, ngayon ay dalawa nalang ang natitira, ang lalaking kaaway ni Daniel ngayon at ang lalaking may hawak na pana.
Tumakbo si Jane papunta kay Daniel upang tulungan ito. May hawak na trident ang kaaway ni Daniel , nagsisimbolo lang itong anak ni Poseidon. Itinaas nito ang trident at biglang lumabas ang mga tubig sa paligid nito.
''Ilag Jane! '' sigaw ni Daniel habang tumatakbo upang itulak si Jane. ''Sa lamig ng lugar , posibleng magiging yelo ang tubig na kanyang inilalabas.''
''Sa itaas! '' sigaw ko sa kanila.
Sabay na tumingin ang dalawa, napatunganga sila sa nakita nito. Hindi ko alam kong bakit pero isa itong malaking tsansa ng kalaban upang umataki. Humampas ang anak ni Poseidon , sa haba ng kanyang trident ay natamaan nito sina Jane at Daniel. Tumilapon ang dalawa dahil sa lakas ng pagkahampas.
''Takti ! '' sigaw ni Daniel habang galit na galit na papalapit sa kinatatayuan ng lalaking humampas. ''Wrahh ! " sigaw nito.
Tumilapon rin ito pagkatapos matamaan ng paghampas ng kalasag. Nabitawan rin nito ang hawak-hawak na trident. Mabilisang sinusuntok ni Daniel ang mukha nito na parang gutom na liyon.
''Tama na yan Daniel,'' sigaw ni Jane.
Biglang tumakbo ang lalaking may dalang pana at nawala rin ito agad.
''Habulin natin si Renz,'' sigaw ni Jane habang tumutulo ang luha.
''Hindi si Renz 'yon , Jane ! Baka kamukha lang niya ito,' sagot ni Daniel.
"Sigurado ako Daniel, si Renz 'yon alam ko ang bawat kilos at tindig niya ! '' wika nito. '' Hindi imposibleng s'ya ang tintutukoy ni Jake na anak ni Apollo.''
''Patay na si Renz, Jane! '' sagot ni Daniel habang hinahawakan ang balikat ni Jane. ''Kitang-kita sa ating dalawang mata ang pagkamatay niya! ''
Napaluhod nalang si Jane at walang tigil na umiyak . Nilapitan namin ni Nick silang dalawa.
''Kung s'ya nga 'yon Jane, anong ginagawa n'ya rito? Bakit siya tumutulong sa kalaban? '' sambit ko na nag-aakalang mapahinto ang pag-iiyak nito. '' 'Yon ba ang ugali ng Renz na kilala mo?''
Biglang naghari ang katahimikan kasabay ng matinding hangin, masyado ng madilim upang manatili sa labas na napakayelo.
''Tumayo ka na Jane, isipin mong mabuti ang sinasabi ni Jake,'' wika ni Daniel.
Ilang segundo pa'y dahan-dahan rin itong tumayo at tumahan. Ngunit sa pagtayo nito'y bigla itong yumakap sa'kin, laking gulat ko sa kanyang ginawa.
''Salamat Jake,'' bulong nito. ''Hindi nga ganong Renz ang kilala ko.''
''Tara na, kailangan na nating maghanap ng matutulugan,'' sambit ni Daniel.
