Chapter II
Hindi ko namalayan na nakarating na pala kami sa pupuntahan namin. Isang mahabang mesa na puno ng pagkain ang nasa harap namin. At may halos apat na pong upuan na nasa gilid nito.
Ang mga upuan ay saktong-sakto lang sa dami ng tao dito. Ang bawat isang nakaupo ay nakatingin sa'min kasabay ng isang ngiti , may iilan ding nakakatakot tingnan dahilan sa mga mukha nilang gustong kumitil ng tao.
'' Ikaw pala si Jake ? '', tanong ng isang lalaking nasa giliran ko.
'' Oo,'' sagot ko naman sa kanya.
Sa hindi kalayuan, nakaupo ang tatlong sumalubong sa'min noong pumasok kami rito. Kaya nagtanong ako kay Jane tungkol sa kanila.
''Sinu-sino yang tatlong sumalubong sa'tin kanina?''
''Sila ang natatanging anak ng tatlong pinakamalalakas na diyos.'' sagot n'ya. ''Yung unang lalaking sumalubong sa'tin ay si Mike anak ni Zeus, ang babae naman ay si Isabel anak ni Hades at ang isang lalaki ay si Steven ang anak ni Poseidon.''
''Hindi ko kilala si Hades, sino ba s'ya?'' dagdag na tanong ko.
'' Si Hades ay ang diyos ng kabilangbuhay at kamatayan.'' sagot ni Daniel.
Hindi na ako nagtatanong pa ng kahit ano dahil alam ko na kapag si Daniel na ang sumagot ay nagpapahiwatig lang ito na naiirita na s'ya sa'kin. Hindi ko naman gustong maging tanghalian n'ya sa oras na ito .
Habang kumakain, angiilan ay nag-uusap at ang iba naman ay nagtatawanan.Ngunit sila Den ay nakatingin sa'min kasabay ng isang ngiti. Maraming tanong ang nabubuo sa'king isipan ngunit alam kong hindi ako makakapagtanong ng marami habang kasama namin si Daniel. Ilang minuto pa'y nagsalita si Nick sa'kin.
''Jake, sabihin mong aalis na tayo.''
'' Mamaya na pagkatapos nating kumain, alam mo naman 'tong isanag kasama natin.'' pabulong na sagot ko sa kanya.
Biglang nabaling ang tingin ni Daniel sa'min na para bang naririnig n'ya kaming nag-uusap, ngunit inalis n'ya rin ito sa dahilang may kausap pa siyang iba. Bigla kong naisip na itanong kung sinu-sino itong mga taong kasama namin. Kaya nagtanong nalang ako kay Jane.
''Sinu-sino ba itong mga kasama natin rito?''
'' Ah, sila ba? Ang iilan ay mga kapatid ko sa ina at ang iba ay anak ng iba't ibang diyos.''
Hindi ko lubos maisip kung papaano nila iniwan ang kanilang mga magulang para lang piliin na tumira rito.
Lumipas ang ilang minuto at natapos a kaming kumaindumritso na kami sa silid ngunit sa puntong ito ay kaming dalawa nalang ni Nick ang naglalakad papuntang silid.
