Chapter VI
Kinuha ko ang pana't palaso, hindi ko alam kung ano ang pumasok sa isipan ko upang gawin ito. Nanginginig ako habang inaasinta ito. Patuloy pa'rin sa pagkukuha ng attensyon si Jane pagkatapos apulahin ang apoy sa likuran ni Daniel. Tumira ako ng palaso at natamaan ko ang kanyang braso't napaatras ito sa lakas at dumikit s'ya sa pun..
''Ahhhh..,'' hiyaw nito. ''Magbabayad ka.''
Biglang may mga baging na kumalat sa katawan ng babae at sapat na ito para hindi s'ya makagalaw. Tiningnan ko si Nick.
''Ano? '' wari ni Nick.
''Paano mo ginawa 'yon?'' tanong ko.
''Ewan, basta't bigla nalang itong lumabas.''
''Pero,ang galing nun ahh,'' papuri ko.
Nilapitan ni Jane ang babae at tinanong ito.
''Sino ka ba?'' tanong ni Jane.
Hindi ito nagsalita.
''Hindi ka magsasalita ha,'' sigaw ni Jane habang sinampal ito.
''Kapag makawala ako rito, papatayin ko kayo,'' banta nito.
''Hoy, kung ayaw mong magsalita ay ipapasok ko yang baging sa bibig at sa ilong mo,'' wari ni Nick.
Tiningnan ko si Nick kung seryoso ito at tumingin rin s'ya sa'kin at ngumiti.
''Sige, ako si Krisa ang anak ni Hecate,'' sagot nito.
''Sino yan si Hecate?'' tanong ko kay Jane.
''Siya ang diyosa ng mahika,'' sagot nito.
''Paalisin n'yo na ako rito,'' sigaw nito habang bakas sa kanyang mukha ang pananakita ng kanyang braso dahil tinagusan ito ng palaso.
''Bakit mo kami gustong patayin?'' tanong ni Jane.
'' 'Wag na kasi kayong makialam sa mga pangyayari, hayaan n'yo ng mamatay ang mga tao rito. They deserve it naman,'' sagot nito. ''Hayaan na nating masira ang mundong ito upang makabuo tayo ng panibago.''
''Baliw ka ba?'' sigaw ni Jane.
'' Hindi, bakit ikaw ba? Sumama nalang kayo sa'min,tulong-tulong tayong pataubin ang mga diyos at diyosa,'' sagot nito.'' Ni wala nga silang paki-alam sa mundo natin.''
''Hindi na sila naki-alam kasi alam nilang makakaya nating lampasan 'yon at may tiwala sila sa'tin,'' sigaw ni Jane.
