' وحده بفكري '

(غضب + نرفزة + الشخصيات)

بسم الله نبدأ

في أحياء الخبر فاحشة الثراء يقف عند باب القصر ومن داخله يتحسب على الجيه في ذا الوقت القاتل في عز الظهر والشمس لازقه في وسط السماء والرطوبة تعمل عمايلها والحارس مهوب راضي يدخله وأخيراً وليس آخراً انفتح له الباب ونزلت منه حرمه كبيره شويتين في السن ترحب وتهلي به : هلا هلا والله بلي لفانا هلا بولد اختي الفهد نوع ما نور البيت يوم جيت جعلني مابكيك ياولدي والله مشتاقتلك ولك فقده ي ولدي ليه مقاطعنا هاه.
فهد رد يسلكلها يبي يسكتها ويبيها ترحمه وتدخله داخل : هلابش والنور نورش ي قلبي والله التعب هاد حيلي من مكان لمكان. 'وهو الود وده لو يدفها ويدخل يبي المكيف يبي اكسجين الجو يحسه صار كثيف شوي "نفسيه لا تلومونه".
الخاله ورده وهي تدخله داخل لمجلس الرجال : تفضل البيت بيتك ي فهد.
فهد وهو مستغرب : محد رجال في البيت.
الخاله ورده وهي متفشله : لا ي ولدي محد عرب كلن في شغله وأسفه على ذي الضيافه المخيسة والله انها فشيله.
فهد'اكيد فشله يعني وش تبيني اكون فرحان تضيفني مره' : لا وش من فشيله لافشيله ولا شي محد ضيفني غريب خالتي ضيفتني عادي.
الخاله ورده وهي مبتسمة : اكيد تبي ترتاح الحين ولا.
فهد 'لا ابي اجلس مقابل الجدران' وهو يتصنع الابتسامه : ايه والله التعب هاد حيلي هد ابي السرير بس.
الحاله ورده : طيب تعال الحقني عشان ادلك على غرفتك و اغراضك وصلوها الخدم من اول.
قام فهد معها وهو خلاص مطفي يبي النوم 'تحزن حالته' سكر باب الغرفه بعد ما قالت له خالته اذا تبي شي دق على الخدم ينادوني اسويلك الي تبيه.
شكرها ودخل ياخذ شور بارد بعد ما خلص ع السريع و نزل لبس له برمودا وسيع وقصير يوصل لين فخذه بدون تيشيرت وقفل جواله كامل بعد ما ارسل لامه أنه وصل وهو بخير. وشغل المكيف وزاد من برودته ونام .

صباح اليوم التالي الساعة ٧:٠٠ .
__________________________
ونوقف وانتو كملوا من الروايه البارت الاول والثاني اقروه في الحساب الي بحط لكم إياه وكملوه وبعدين انا بكمل باقي البارتات في هذا الحساب إن شاء الله.

هنا كملوا " هذا الحساب

سلام حبايبي😇.