Monstrous Academy 3: The Hidden Secret. [EDITED]

Chapter Eleven

11: Reunited.
-

Zero’s POV

Wala kaming idea kung saan talaga kami dadalhin ni Winter. Or I must say, Tito Winter. Kung hindi lang talaga kay Tita Rain, hindi ko paniniwalaan ang lalaking ‘to.

“At bakit nakasunod kayo?” Tanong ni Jester kay Kevin at Josh na kanina pa nakasunod sa amin.

“Kahina-hinala kinikilos niyo, eh.” Kibit-balikat na sagot ni Josh.

“A-actually, kakasunod din ako.” Kumunot ang noo ko nang makita ‘yong Erin. Ano bang problema ng mga ‘to?

“Di ba ang sabi mo tutulungan mo ako? May plano pa tayo na magmamanman ako sa bawat kilos ng bagong prof, ano na nangyayari?” Tanong niya at napatingin na lang ako kay Xian bago ibalik sa kanila ang tingin.

“I’m going to get my girl. Kung gusto niyong sumama, sumama kayo. Hindi ko na kayo kargo.” Sabi ko at saka nagpatuloy sa paglalakad hanggang sa huminto si Tito Winter sa pinaka-first floor ng main building.

“Anong meron sa infirmary? Niloloko mo ba kamㅡ”

“Nandito ‘yong secret passage.” Pagputol ni tito sa sasabihin sana ni Jester. Sabay-sabay kaming pumasok sa infirmary at saka niya itinulak ‘yong kama. Doon naman namin nakita sa ibaba ang isang nakaguhit na rectangle.

“Ano yan?” Tanong ni Alex.

“Trap door. Dito nila idinaraan ‘yong mga pinapainom nila ng drugs at sure ako na dinala nila sila Erin doon.”

“What? Saang doon?” Naguguluhang tanong ko.

“Hindi ko na kayo masasamahan, makakahalata sila. Faster! Pumasok na kayo.” Wala ng pagdadalawang isip at mabilis kong binuksan ang trap door, bumaba ako sa madilim na hagdan hanggang sa mapunta ako sa hallway na halos wala ng kailaw-ilaw. Halos wala na nga akong makita pa.

“Xi, pahiram ng phone.” Agad niyang inabot ang phone niya at binuksan ko ang flashlight nito. Kumunot lang ang noo ko dahil sa nakikita ko, how come na mayroong lugar na ganito rito? Paano kung kinulong nila sa masikip na lugar si Erin? Naiisip ko pa lang ang bagay na ‘yon ay nag-iinit na ang dugo ko.

Nang makababa na kaming lahat ay narinig na namin ang pagsara ng trap door.

“Babe, hold my hand.” Rinig kong boses ni Jester mula sa likuran. Tatlong babae ang kasama namin. Si Rozee, Chloe at Erin. Ako, si Xian, Alex, Jester, Kevin at Josh naman ang lalake. Bakit kasi kailangan pang may dumagdag sa amin? Tch.

“Zero.” Mabilis na nakatakbo papunta sa gilid ko si Erin. Halatang natatakot siya, nabigla na lang din ako nang yakapin niya ang braso ko. Wala naman akong nagawa, napaka-ungentleman ko naman kung tatabigin ko siya.

“Bakit may ganitong lugar dito?” Tanong niya habang tumitingin tingin sa madilim na paligid.

“I don’t know.”

“Miss, hinay-hinay sa pagkapit sa braso ng kaibigan ko. May girlfriend na ‘yan.” Hirit ni Alex sa likuran..

“I-I know. Natatakot kasi ako, bibitaw rin ako kapag nakalabas na tayo.” Napangiwi na lang ako at inangat ang flashlight dahil natatanaw ko na ang pinakadulo at pintuan.

“Ano kayang ang aabang sa ‘tin sa pintuang ‘yan?” Tanong ni Kevin.

“Kamatayan mo.” Rinig kong bulong ni Chloe.

“Zero, turn of the flashlight. Someone’s coming.” Pagkasabing pagkasabi ni Rozee noon ay pinatay ko ang phone ni Xian. Muling dumilim ang paligid hanggang sa may marinig kaming pagbukas ng pinto sa hindi kalayuan.