Game of Love

Part 4-Sorry

"Ay shet! Anong nangyare sa mukha mo Ericka?" gulat na gulat pa na tanong ni Amina ng maabutan niya akong nakapangalumbaba sa pwesto ko

Maaga akong pumasok kasi hindi naman ako nakatulog.

Tinignan ko siya

Hindi ko alam kung concern siya or amaze na amaze sa itsura ko. Nanlalaki pa kasi ang mga mata niya tapos maya-maya ay napabulahaw siya ng tawa

"Putspa! Para kang zombie te!"

Sumimangot ako

Wow Frenny! Ang laki mo pong tulong!

"Oh ano nga? Anong problema na naman natin? Nagbreak na ba kayo ng ka MU mo?" tawang-tawa na sabi niya bago naupo sa tabi ko

Alam niya kasi ang feelings ko about Leo. Kilala niya din si Leo dahil nga madalas akong sunduin nito sa room

"Mas masakit pa sa break up" walang kagana-gana na sabi ko

Napamaang pa siya sa sinabi ko, "So may mas isasakit pa pala sa break up?" Medyo bitter niyang sabi

Tumango na lang ako kaya tinitigan niya ako na para bang hinihintay kung ano ang susunod kong sasabihin

Lumunok muna ako ng konti bago nagsalita ulit, "He cheated on me"

~Kruuu kruuu~

Sandaling katahimikan ang namagitan sa amin na parang may uwak pang dumaan sa pagitan namin

"Ohmm.. May nasabi ba akong mali?"

"Hmmm..." kumamot siya sa noo niya "Actually wala naman. Maliban lang sa ediyang wala namang kayo kaya paano sya naging cheater?"

Muli, isang sandaling katahimikan ang namagitan sa amin

Oo nga no? Cheater bang matatawag yung wala namang kayo tapos mahuli mo siyang may ibang babae?

Sandali ko pang blinink-blink ang mga mata ko

Haist!

Isang malalim na buntong-hininga nalang ang pinakawalan ko

*****************

"Amina, sabay na tayo maglunc-" napahinto ako sa pagsasalita ng mapatingin ako sa labas ng room namin at makita ko si Leo na nandoon

Dubdob dubdob dubdob

Ericka! Kumalma ka! Tandaan mo galit ka okay? Galit tayo!

"Mukhang hindi pwede. Andiyan na ang boyfriend mo na di mo boyfriend. Hehehehe" pang-aasar ni Amina sa akin ng makita niya ding nasa may pinto na si Leo

Hmm

Kasabay ng pagtingin ko sa kaniya ay ang pagsenyas niya sa akin na lumapit na ako. Huminga muna ako ng malalim bago magdesisyon na lapitan siya

Basta galit tayo!

Pagpapaalala ko sa sarili ko bago ako tuluyang makalapit sa kaniya

"Sabay na ta-"

"Sasabay ako kay Amina ngayon" putol ko sa sinasabi niya

Nakita ko ang mabilis na pagkunot ng noo niya pero hindi naman siya nagsalita. Naghintay pa ako ng ilang minuto dahil nagbabaka-sakali akong iinsist pa niya pero nabigo ako

"Ok" tanging sagot lang niya pagkatapos ay hindi na niya ako pinagsalita at tinalikuran niya na lang ako at naglakad na palayo

Ganon lang yun?