Dati.
Noong bago pa lang tayo
Ang katahimikan ay pakikinig sa iyong paghinga
Siyang hangin na dumadaloy sa aking pisngi
Hanggang sa aking kaluluwa
Binubulong ang iyong pangalan
At mga salitang, "Mahal kita."
Parang walang katapusan
Puro magaganda kasi ang umpisa
Pero ngayon na nangyari na ang lahat
Wala na ang bakas ng pabango mo sa tuyot ko nang balat
Ang katahimikan mo ngayon, nakakalagot na ng hininga
Pagtapos mong sinabi...
Dati. Mahal kita.
