مذكرات ديدارا

البارت الاول

انا ديدي تشان اصغر عضو من اعضاء المنظمه اللطيفه حقتنا (( الاكاتسوكي ))
اللي مايعرف معنى اكاتسوكي يعني الغيمه الحمره
واحنا كلنا لابسين بشوت - بشوت يعني هذا اللي يلبسونه الرجاجيل في العيد والعرس ^_^ اي ستره - حمرا انا جالسه الحين اكتب << حسيت انه بثالث ابتدائي
المهم .. انا عندي دفتر شرته لي امي .. هي طبعا شرته علشان اذاكر واكتب فيه مو اجلس اتفلسف واكتب مذاكرتي بس ماعليه تستاهلون .. وانا بحكيكم عن حياتي
الخاصه وكيف عايش انا وربعي وان شاء الله عاد تنبسطون
اول شي بعرف لكم عن ربعي واللي بحش فيهم لكم في هذا الدفتر وهم
ايتاشي : _ ياثقل دمه _ ا ا .. اقصد واحد من ربعي المقربين حيل .. طويل .. مفهي _ مفهي يعني مسطل مايدري وين الله قاطه _ بس قلبه طيب بس يبط كبدي ساعات
هو يحب ياكل المشاوي كثير _ مطيح عند الركن اللبناني وبيت الكباب وهلم جرا _ وهوايته متابعه المسلسلات القديمه وكلمته المشهوره _ يجب الله المطر _
ساسوري : وهذا بعد واحد من اعز ربعي يعجبني فزاع _ يعني لو طلبت منه مساعده يجيك يركض مايصدق يشم ريحه هوشه _ بس انه قليل ادب ولسانه طويل وشايف
نفسه ومغازلجي _يحب يجذب انتباه البنات _ مسوي فيها رجيم ورجيم وبقاله حارتنا كله تحت سريره
توبي : هالانسان غثيث ويستخف دمه ولاصق فيني ويرفع لي ضغطي بس ساعات يكسر خاطري لانه يحبني حيل بس بنفس الوقت حمار يدورها من الله علشان بس
يتمسخر علي
باين : او ناجاتو بالاصح ياحليله عاقل بزياده مدمن كورة ويشجع برشلونه بشغف وعند شيستر شيتا الوجبه المفضله _ هذاك البطاطس اللي علي صورة نمر _ قليل
كلام بس ان تكلم يموت من الضحك
كونان : يازينها .. احم احم هذي نسرة المجموعه .. مزعجة .. مغروره .. ونحيسه _ يعني راسها يابس _ اهلها جايبينها علشان انا اشتغل عندها سواق ياديدي جيبني
ياديدي وديني وكل هذا من غلطه عمري اللي سويتها _ مره من المرات كسرت لمبه سيارتي وبغى ابوي ينحرني عالعيد وصلحتها لي والين يومك تعايرني _
هيدين : هذا اكسل مخلوق في الكره الارضيه منه لو الجدار يتحرك هو مايتحرك 24 ساعه منسدح و وكلمته المعتاده (( مالي خلق ))
اوكي هذي كانت البدايه
اتمنى انو تكون يومياتنا حلوة وتنبسطون منها

***********
STORY 1
"مهمه عاجله "
صحيت الصبح على صوت جوالي _ ولكم ان تتخيلو كيف صوت جوال طايح كم مره وطايح بالمويا 700 مره _ عاد مو زلام اقولكم جوالي بلاك بيري لانو اللي في مثل حالتي
24 ساعه مافيه رصيد وخدمه البلاك بيري تساعدني .. المهم واقوم وانا كاره نفسي وعيوني حمر وارد
****
انا : يالله صباح خير نعم
توبي : صباح وشو يا صباح.. انت الساعه 2 ونص يابابا
انا : الله المستعان .. طيب انت مين ؟
توبي : خخخخخخخخخخخخ شكلك لسه ماصحصت انا خويك توبي الفتى الطيب
انا : والله وماقالت طيب !! طيب ياطيب شعندك .. الا صحيح توبي ؟ من وين الرصيد .؟ هاااااااااااااا من وراي اشوف
توبي : اسكت لقيت عشره طايحه في صالته بيتنا وخذتها وشحنت
انا : اعوذ بالله .. على طول مااصدق الاخ اي يشوف يشفطه
توبي : هههههههههههههههه ماعلينا الحين تعال ورانا شغل
انا : وش قالك قائدنا السحليه _ اورتشيمارو _ وش يبي بعد
توبي : يبيني نودي صندوق كتب لواحد من اقاربه في المدينه المجاورة
انا : واحنا نشتغل تكاسي نوصل كتب وماادري وشو من جده هذا ؟؟
توبي : والله عاد هذا اللي عندي انا وبصراحه انا ماعندي الا الله ثم انت
انا : وطقم قوارير الفيمتو الباقين ؟؟ _ يقصد الاكاتسوكي اللي لابسين اسود_
توبي : ايتاشي دقيت عليه قال يجيب الله المطر وسكر بوجهي و وكونان عصبت علينا وقالت : لا والله اروح واجي واكسر ظهري وباين اليوم مباراه برشلونه والله
لو يحترق بيتهم مادرى وهايدن مايرد من اساس وساسوري قلت له تعال قال ماعندي بنزين قلت له بنعبي قال ماعندي سيارة قلنا بيوصلنا قال ماعندي رجول !!
وقام يستخف دمه لين لاعت كبدي وسكرت
انا : والحل
توبي : الحل انك تجي وياي يابطل انتا لانك احسن واحد وبيعطينا علاوه على رواتبنا 500 ريال وش رايك ؟
انا : خلاص خلاص طيب يللا البس واتروش واجيك
توبي : خلاص ان شاء الله .. ديدي ديدي
انا : نعـــــــــــــم !!
توبي : قول كباب
انا : - بدينا بالاستهبال - كبــــــــــــــاب
توبي : امك تاكل تفاحه هههههههههههههههههههه !! طوط طوط
****
يمديكم على اصدقائي صراحة يجننون وبالاخص هذا اللي اسمه توبي .. انا ماادري هو صاحي ولا شارب الله اعلم .. اجل كباب .. امك تاكل تفاحه !! الله لايبلانا