مذكرات ديدارا

البارت الثالث

STORY 2
(( يوم في السوبر ماركت ))

يوم الخميس .. الصبح الساعه 9 .. هو الوقت المفضل للوالدة العزيزة
لانه في هالوقت يسيرون اخواني نايمين .. والوالد قرى جريدته ويتقهوى وينام
علشان يصحى للاستراحه بالليل فتستعد هي علشان تروح للسوبر ماركت بس
لكن حصل مالم يكن في الحسبان .. فبينما _<< اتعب على بينما _ انا قاعد بغرفتي

امي : ديدي ..... ديدي الحق علي الحق علي
واجيها اركض على بالي فيها شي .. لا مستحيل .. هذي امي ولن اسمح لمكروه
بالحدوث لها .. سوف انقذها << عن المهايط وشغل ابطال الديجيتال بس !!
واجي ولا القاها حاطة رجل على رجل وتطالع تلفزيون
_ تعبير الانيمي قطره مويا على راس ديدي الوسيم _
انا : الحين انتي مناديتني .. ومسوية قضيه .. وان اختض بطني والحين ..؟
امي : وش اسوي بعد لو اناديك بشويش بتتعيجز وماراح تجي المهم يابعد عيوني
انا : وشو ياامي وشو
امي : منهو حبيب الماما .. مين احسن واحد في العالم يحبني ومايرد لي طلب
انا : .............................
امي ( بصوت عالي وبحواجب معبسه : يعني غصب عنك ترد) : ميــــن ؟
انا : انا انا والله انا .. ديدارا حبيب ماما
امي : قواك الله ابوي ( وتطلع ورقه بيضا طولي تقريبا ) هذي طلبات ابي اجيبها
من السوبر ماركت يابطل
انا : اما انا يما ؟؟ مالقيتي الا انا .. حرام عليك .. وانا وش عرفني بهالاشياء
امي : ياه .. وانا طالبه قنبله نووويه ؟؟ .. طلبات مكتوبه والسوبر ماركت موجود
دوج شوي وبتحصل اللي ابيه
انا : امري لله .. مو انا حبيب امي ( القي نظرة على الطلبات )
* كيلو طماط
* كيلو خس
* كيلو جزر
* كيلو موز _ اهم شي الموز علشان تسكت القرود ( اخواني ) _
* كيلو باذنجان _ يااااااك مااحبه _ ماراح اجيبه ( بينه وبين نفسي )
* معجون اسنان _ نسيت اقولكم ان اخوي الصغير عنده هوس معجون اسنان
يعني ياكل معجون الاسنان بشراهه _
* 3 لمبات _ علشان نركبه في الحوش بعد تكسير اخواني
* اغراض حريم 0__O ?? وش افهم منها هذي اغراض حريم يما ؟؟
امي : يعني شوية كريمات : جل سويد وفاشكول وفازلين بالكاكاو
انا : هههههههههههه فازلين كاكاو .. ناقص بعد يحطو فازلين بالكبسه
امي : والله ماتدري انت هذا الفازلين الجديد
انا : وش جديد ياامي .. انتي بتدهين ولابتسوين تشيز كيك ؟؟
امي : عن المصاخه وجيب اللي مكتوب
انا : ان شاء الله يما تامرين .. بس مالنا مقسوم ؟؟ ( مع ابتسامه عريضه ) 
امي : والله انك ماتستحي .. هذا بدال ماتشتريهم بفلوسك الحين قاعد تقولي مقسوم
وماادري وشو
انا : من اللي قايلك اني اشتغل مع كوندريزا رايز يما ؟؟ من كثر فلوسي
امي : اجل اسكت واحمد ربك هالمقاضي علشان نسد حلوقكم _ جمع حلق_
انا : طيب يامامي خلاص يللا الحين بروح

وشلت المخطوطه حقتي - ورقه الطلبات _ وسيدا على السوبر ماركت

وها نحن في السوبر ماركت .. ماادري كل ماادخل السوبر ماركت اشم ريحه تايد 0_O !!
طبعا صاحبكم ديدارا ولا بحياته دخل سوبر ماركت الا علشان علشان محلات الايس كريم الا اللي برا
المهم شمرت عن ساعدي وتوكلت على الله واتجهت على اول قسم طاحت عليه عيني قسم الخضار
رحت متحمس .. واجمع الطماط بيدي وبكل حماس ..ومبسوط يعني قاعد اسوي شي واسئل نفسي ؟
الحين الطمام كم كيلو !! يللا ماعليه بجيب 10 وانا رايح بكل حماس بتجه لقسم الخضار الثاني
ولا اصدم بعربانه - السله المتحركه حقه السوبر ماركت - اسوما سينسي وجاي مع ولد اخوه كونو هامارو