مذكرات ديدارا

البارت السابع والاربعين

STORY 29
(( شخص اضافي ))

في احد الايام المشمسه كالعاده .. وبينما نحن في مقرنا العزيز .. اللي منسدح واللي يلعب بلاي ستيشن .. واللي يتمكيج << طبعا كونان اللي يتمكج مافي غيرها ناقصنا
بعد بين ولا هيدن ^^ ..انا غارق في هالنت ادور على معلومه عن موقع معين وطبعا وقت الغدا قرب .. وهذا يعني ان ديدي معصب وماله خلق احد << انت متى هديت
الله يعافيك

ايتاشي ( جاي من برا ) : احححححححححححح حرقت ايدي وانا اسوي الشاي على الحطب برا ... يجب الله المطر
انا ( عيوني على اللاب توب) : في اختراع اسمه فرن .. ياعنتره .. ليه قاعد تسوي على الفحم
ايتاشي : اها ؟ والله ماادري لقيت شويه حطب قلت استغله ^^
انا: وفيك شوي عقل انا متاكد .. بس استعمله يرحم والديك -_-
ايتاشي : الحين بسئلك سؤال .. ليش انت لسانك سليط كذا ؟؟... مو عاجبك احد .. من زينك من زين شعرك من زين لبسك
انا ^^ زعلت ؟
ايتاشي : لا ^^ انت حبيبي اصلا .. يجيب الله المطر
انا : الحمدلله ^^ يللا اذلف من قدامي وروح شوف الشاهي وصب لنا ^^
كونان : الحين وين البقيه .. احنا جالسين هنا من ثلاث ساعات .. والاخ ساسوري مابين ولا حتى توبي
انا : ساسوري طلع يسحب فلوس من البنك ادري انه كذاب مامعه ولاقرش .. وتوبي رايح يخطب
كونان : 0_0
انا : بسم الله امزح معاك .. اصلا من هالغبيه اللي تبغى توبي ^^
كونان : للاسف انا -__-
انا : على العموم صحي هالمنقلبين - هيدن وبين - خلينا نروح نتغدى زهقنا وحنا نستنى

وطبعا بسم الله من يسمعون الاخوان طاري غدا ماتلقى الا غبارهم .. يسبقونك لو انت في اول الدنيا وهم في اخره .. كنت بمشي معاهم .. لكني فقدت جوالي .. فقعدت
ادوره في المكتب ..وانبش في كل مكان .. عاد بطني يوصوص وشي لي ضايع -_- كارثه
........ ( ينغزني باصبعه من ورا ) : لو سمحت ؟
انا : الله ياخذ هالجوال الخايس .. وين راح .. والله مو وقته -_-
.....(يضرب كتفي من ورا ) : يااخ ؟؟ لو سمحت لو سمحت
انا : ياربي .. والله لو يطلع ساسوري اللي ماخذه لاشلع له ضروسه من محلهم
....( يضرب كتفي بقوه ) : يااااااااااااااااخ
انا ( التفت بقوه واصرخ ) : نعـــــــــــــــــــــــــــــــــــــــــــــــــــــم 0_0 !!
... : هاه 0_0

كان هالشخص اللي وراي بنت .. انا استحيت لاني صرخت عليها .. وتنحت يمكن 5 دقايق .. عيني بعينها ..احمر وجهها .. وانا ماعرفت شقول .. ضليت فاتح فمي
ابي .. ماادري وش ابي اعتذر .. ولا اقول لها ازعجتينا تراك .. كانت البنت جايه وشايله معاها اوراق التوظيف .. والواضح انها جايه تتوظف عندنا بشركه بوس شاورما
وطبعا .. لاتتوقعون البنت من شكل الصوره بتكون رقيقه ومؤدبه لا ^^

البنت : وجع ان شاء الله ..
انا (سويت نفسي وكاني مااستحيت ) : نــ نــ نــعم وش بغيتي اختي ؟
البنت : من غير نفس تتكلم .. وش هالشركه الخايسه
انا : لو سمحتي احترمي نفسك .. ولا اطلعي
البنت : لاتخاف ماني طالعه .. القراده اني بشتغل هنا .. قولي بس .. وين القي اوروتشيمارو ؟
انا : بوس شاورما في المكتب اللي على اليمين مكتبه ..بس مااظن يستقبلك الحين الوقت وقت غدا
البنت : خلاص ابروح له ^^
انا : ياااااااااااااا .. قلت لك مايستقبلك الحين ماتستوعبين انتي ؟
البنت : هذا مو شغلك .. روح تغدى انت ( ومشت وخلتني )
انا : 0_0 ياساتر على بنات هاليومين لاحيا ولا مستحى
البنت ( التفت علي ) : وعلى فكره ( ترمي لي جوالي ) كان جوا جيبك ههههههههههههههههه اما اهبل صحيح
انا : -_-
ونزلت اتغدى مع اصحابي
ساسوري : وينك انتا .. تتاخر بعدين تقول خلصتو الغدا وخلصتو الغدا
انا : والله تاخرت كنت ادور جوالي .. واكلم بنت شكلها بتتوظف في الشركه جديد
ايتاشي : انا ودي اقول للبوس يفتح حضانه اطفال وانا اسير مشرف عليها ^^ .. يجيب الله المطر
بين : لا يرحم والديك .. مانبي كوارث
انا : الا قصدك وش هالجيل الفاسد اللي بيطلع من وراه
توبي : اما انا ودي اشتغل بالبحر صراحه
هيدان : ههههههههههههههههههههههههههههههههه اي بحر وانت ماتعرف تسبح
انا : هههههههه ياتوبي .. وش بتشتغل بالبحر ؟ سمكه ؟ ولا سبونج بوب
ساسوري : سمكه ههههههههههههههههههههه
انا : ^^
ايتاشي : دقيقه انتو على ايش تضحكون ؟
كونان : الله ياخذك ياايتاشي .. من يومك ارسالك متاخر .. الاريل حقك خربان -_-
ساسوري (يطالع برا ) : الله من هالبنت .. والله انها قطعه .. بروح لها
كونان ( تسحبه من ثوبه ) : خلي الناس في حالها
ساسوري : دقيقه دقيقه ^^ ( ويركض على برا)
انا : يالله ياساسوري ماتتوب -_- ( شوي واسمع صوت كف ) 0_0
كل الشله ( التفت على برا ) : وش صاير ؟
انا: خليني اقوم اشوف