مذكرات ديدارا

البارت الثامن

STORY 5
(( يازين بيت اهلي والله .. ))
في يومن من الايام الماطرتو ... وبعد ان خلصت من اشغالي مع التاجر بو خالد _ اقصد بوس شاورما _ مشغل على سيلين ديون .. وادندن معاها .. وقاعد اقول لنفسي : الحين برجع البيت اخذ دش واتغدى وانااااااااااااااااااااااااام نومه اهل الكهف .. وطبعا مع الامطار الرؤيه ماتبين ..اشوف واحد لونه احمر واقف بنص الطريق .. واضغط فرامل
باقوى ماعندي .. بسم الله الرحمن الرحيم من هذا اللي بايع عمره واقف بالشارع بهالمطر

انا : اخوي سار لك ؟؟؟
........ : خوى جنبك يا احول يابو سيارة مشمخة يافقر << طبعا تعرفون راعي هذي الجمله
انا : اخخخخخخخخخخخخ ياليتني صدمتك ياجار ا .. وش قاعد تسوي هنا جعلك المر ان شاء الله
...... : والله مو شارع ابوك علشان تسئلني عدي عدي اشوف
انا : الحمدلله هذا بيتنا قريب اروح بسرعه قبل لاافقد اعصابي وانزل اصفقك بالشارع ( وامر من جنبه بسيارتي واطلع لساني )

بس المصيبه يوم وقفت عند باب البيت .. اطق جرس محد فتح لي ..واطق واطق .. يااهل البيت .. وش سالفتهم ذولي تبرو مني ولا انتحرو ولا شسالفه
الجو برا برد ... وجارا لسه بنص الشارع *_* يارب تجيه شاحنه وبوووووووووووووووووووم >> يمكن اللي قاعد يسويه من طقووس شعوذه قريه الصحرا
واطق الباب سار لي ساعه واصرخ .. يارب وش قاعد يصير !! ويجين اتصال في هذا الوقت العصيب من امي

امي : الو ... ديدارا يما
انا ( صوتي صوت واحد يتدلع على امه ) : يماااااااااااا ... وش فيكم مزاعليني .. ليش ماتفتحون الباب
امي : ويه ويه لا والله حشا .. مااقدر ازعل على ولدي الكبير الغالي فديتك
انا : اجل يللا افتحو الباب اشوف
امي : ايه بس يما ... احنا مو في البيت
انا : 0_0 وينكم فيه اجل
امي : ابوك الله يهديه واحد من اقاربه توفى واضطر يسافر ورحنا وياه
انا ( مصدوم) : لا والله ؟؟؟ طيب اذا ابوي واحد من اقاربه متوفي .. ليش كلكم تروحون ؟ انتي شدخلك تروحين
امي ( جالسه ترقع ) : والله ياوليدي ماعدت اصدق ابوك سفراته كاثره .. اخاف انه تزوج علي .. نشبت له ورحت وياه
انا (فيني البكيه ) : وانا وين اروح يما وين اروح
امي : يما ماعليك انت رجال .. وماشاء الله ربعك واجد روح اقعد وياهم .. ترى الناس للناس والكل بالله .. احنا ماراح نتاخر 3 ايام وراجعين ان شاء الله
يللا ياوليدي مااقدر الحين بروح الصالون علشان العرس مع السلامه ......

عرس ؟؟ مو توها تقول عزا وخايف ليتزوج علي .... 0_0 والله شكلها هي اللي تزوجت عليه خخخخخخخخخخخخخخخخ
ودخلت السيارة وجلست افتر فيها ... ماني عارف وين اروح .. بالله هذي حاله !! .. بس والله صادقه امي .. ربعي خير ماشاء الله

اروح اخمد عند واحد فيهم يللا بروح عند ايتاشي .. امهم في البيت واكلها حلو بس الله يعيني على غثى ساسكي الملقوف