مذكرات ديدارا

البارت التاسع

الساعه 9 ونص بالليل ..والجو مطر .. انا جالس جوا السيارة .. شريت لي لوزين وجلست اكل
والله شكلي بنام بالسيارة ... جارا التبن لازال بالشارع ..
انا (اناديه من جوا السيارة ) : انت هيييييي خلي عنك الشعوذه وتعال
جارا : هذه الاجواء الروحانيه انت وش دراك يابو بومه
انا : تعال ادخل السيارة اشوف
جارا ( جا وجلس بالسيارة ) : وش عندك مناديني .. ليكون تبي فلوس .. ترى مابعطيك
انا : ياالله بتبلل سيارتي !! .. ادري سيارتي مشمخه وانا فقر والخ ....
جارا ( مطير عيونه وينافخ ) : نعـــــــــــــــــــــــم
انا : اقعد ابي اسولف معاك اقعد
جارا : ليه كفى الله شر .. وش المناسبه
انا ( عندي شويه امل انه بني ادام طبيعي وعنده مشاعر) : شفت اهلي وش سوو فيني
جارا : من غير لا تقول وش سووو .. انت تستاهل ( ابتسامه عريضه )
انا ( اسوي نفسي ماسمعت الجمله اللي قالها ) : يااخي اهلي سافرو بظرف وانا متوهق ماعندي مكان << مابقوله امي سحبت علي وراح عرس هناك
جارا : وطبعا مافي مكان تروح له
انا : ايوه عليك نور .. شور علي .. قولي وش اسوي ؟
جارا : لاااااااااااااااه .. والله عورت قلبي .. انزين ابسئلك سؤال
انا : لبيه امر
جارا : انا خلفتك ونسيتك ؟
انا : اوووووووووووووف .. لا
جارا : اجل سلام عليكم
انا : 0_0
تدرون عاد ... انا الغبي اللي اعتبرته بني ادام وكلمته ...

مريت على بيت باين ... طبعا احب اقولكم انو باين ماطلع فاهي ومسمهي من فراغ ... كل العايله كذا .. لدرجه انهم يتركون باب السطح حقهم مفتوح .. ياما حراميه
وناس .. جاو وقعدو على هالسطح .. وعيال تلعب كورة .. واهل البيت خبر خير طبعا .. فقلت اروح انا اجلس فوق واتحلف لين يطلع الصبح وبعدها يسير خير
بس على حظي اللي ماادري وش يبي ... باين سبحان الله هو واخوه حسو ان في احد موجود بالسطح _ اللي هو انا _ وانا قاعد استناهم يصعدون واسمعهم يسولفون

اخو باين : توني سمعت صوت طربقه غريب كنه فيل يركض فوق السطح..
باين : بسم الله اللهم سكنهم مساكنهم .. اكيد جني !!
انا : تعال ياباين تعال انا خويك ماغيره
باين : 0_0
اخو باين : وش عنده مخاوي الحرامي .. اكيد عاطيه فلوس علشان يسرق تي شيرت برشلونه حقي << العايله ايضا مجنونه كورة !!
باين : ديدارا .. بسم الله الرحمن الرحيم ... وش تسوي هنا ؟؟ كيف دخلت السطح وانا متاكد اني قافل الباب << لا ياشيخ ؟؟
انا : اسف مو قصدي .. اهلي مسافرين وماعندي مكان انام فيه .. عاد اذا تسمح يعني يعني وماعندك مانع !! ( اطالعه ومعبس حواجبي على هالثقه الزايده ..
قال ايش متاكد اني مسكر الباب !! )
باين : انا ماعندي مانع بس رجاءً لاتركض فوق سطحنا مرة ثانيه ..اخاف تكسر السقف وتطيح على التلفزيون حقي ومااشوف مباراه برشلونه << هذا همك بس
0_0

انا حامت كبدي .. بس استهديت بالله ونمت .. وطبعا قضيت هالليل فوق السطح واعد النجوم .. واتخيل فتاه الاحلام << هذيك اللي ماتتسمى ومنكوبه بحياتها اللي
بتتزوجني .. احم احم ..حنيت لامي وازعجاها واخواني اللي وظيفتهم بالحياه يضايقوني ( دمعت عيوني ) وابوي اللي مستعد يشوف وحش ولا يشوفني
طبعا ماقلت لكم .. انا الولد الكبير _ بكر امي _ ووراي اخوي هايت 24 ساعه علشان كذا مااجيب طاريه كثير .. وعندي ريا وسكينه _ خواتي _
والعمده ابوي .. شاب متواضع هوايتي ركوب الخيل وجمع الطوابع << ياقدمي بس .. ههههههههههههههههههههه المهم خلينا نخمد احسن والصباح رباح
وطلع الصبح .. وانا طبعا طلعت من البيت قبل الصبح .. مو من جدكم لو تتوقعون اني اقدر اقعد بالسطح والغبار والذبان !!!