مذكرات ديدارا

٢٤

باقي يوم واحد وتودعنا كونان .. صحت الصبح ... واغراض والملابس الجديدة اللي شرتها ووالشنط كلها على الارض .. وهي تتفرج على اغراضها في كل مكان
اخذت جوالها .. وسارت تتفرج على صورها مع اصحابها .. ذكريات معاهم .. ابتسمت ..

كونان من وهي صغيره معانا .. صاحبتنا .. كانت ماتفضل تجلس مع البنات
ولاتحب تدخل معاهم كثير .. وكانت دايم تقول .. مهما حااولت تكون حلوة واتضبط وتسوي مثل .. مااكون مرتاحه الا لما تكون معانا ..تضحك .. وماتخاف احد
يتمسخر عليها .. تاكل بالطريقه اللي تعجبها .. ولا تخاف احد ينقدها .. تصارخ .. و لا احد يقولها عيب .. واليوم .. هي مضطره تتغير .. وتكبر ..وتعيش في مجتمع
مختلف عن اللي تعودت عليه

ام كونان ( تدخل عليها الغرفه ) : شلونها عروستي الامورة ؟؟ ان شاء الله كويسه ؟
كونان : كويسه ياماما الحمدلله
ام كونان ( تجي تجلس جنبها على السرير ) : وش فيك يما ؟؟ تعبانه ... ليه وجهك اصفر ؟
كونان : شوي مكتومه يما .. قلقانه ياماما .. ماادري ؟ ... مو المفروض البنت تفرح في هاليومين .. ليش انا متضايقه
ام كونان ( اخذتها وحضنتها ) : ياحبيبتي .. لازم تتوترين وتتعبين .. هذا زواج مو لعبه .. حياتك بتتغير .. وعالمك وناسك بيتغيرون .. اكيد لازم تتوترين
كونان : اااااااااااااااااااااااااااااااااااه يما ... الله يلطف بحالي
ام كونان : امين ياحبيبتي .. يللا جهزي باقي اغراضك .. علشان تسافرين مع زوجك بكره ..

قامت كونان من على السرير .. وبدت تضبط اشغالها .. ويجيها مسج على الموبايل يقول : حبيبتي .. انا مااقدر امرك اليوم .. بكره راح نتقابل في المطار علشان نسافر
سوا .. احبك .. ابتسمت .. لازم ماتزعل .. هذا خطيبها ولازم تتعود عليه 24 ساعه مشغول

خلصت من الاغراض .. ولقت نفسها فاضيه ويومها طويل .. باقي 24 ساعه كامله وحبت تقضيها معانا - اصحابها - جلست تتصل على ساسوري .. مارد عليها
وتتصل على بين .. برضه مارد عليها .. وتتصل على ايتاشي .. مارد عليها هيدن وانا برضه ماردينا .. استغربت .. معقوله تعودو على عدم وجودها من الحين
وانهم يتصرفون على انها بالاصل ماكانات معاهم .. تذكرت .. توبي .. واتصلت عليه وكان الوحيد اللي رد عليها

كونان : مرحبا توبي
توبي : هلا فيك حياك
كونان : امممممممممممم .. اسفه .. شكلك مشغول
توبي : لا ماني مشغول ولاشي .. امرينيي .. تبغين شي
كونان : لا .. بس حبيت اجلس معاكم .. الشباب مايردون .. انت الوحيد اللي رديت علي
توبي : اعذريهم .. الدنيا مشاغل .. وكلهم لاهين بانفسهم
كونان : اممممممم .. بفقدكم .. بشتاق لكم حيل
توبي :  ان شاء الله تكونين مبسوطه في الطريق اللي اخترتيه
كونان : وانا اتمنى لكم السعاده .. عاد .. ياليت لو اشوفكم بكره قبل لاامشي من المطار
توبي : يمكن انا مااقدر اجي .. سامحيني وراي شغل كثير
كونان :اها .. طيب .. اخليك الحين
توبي : كونان ؟
كونان: هلا !!!
توبي : انتبهي على نفسك اوكي ؟؟؟
كونان : ها ؟؟ اوكي يللا مع السلامه
توبي : مع السلامه