مذكرات ديدارا

البارت الرابع والاربعين

STORY 27
(( انا والتلفون ))
طبعا في ظل التكنولجيا والعولمه الحديثه << الله يخرب بيتك ياديدي ماخليت شي حتى التكنولوجيا ماسلمت من لسانك ^^ ..
تحتم علينا اننا نكون متواصلين سوا
24 ساعه << مو وين ياحظي والجوال ماكو رصيد من 3 شهور ....
وبما اني انا برا 24 ساعه .. فاخر شي ممكن احتاجه بالحياه .. هو تلفون البيت .. بصراحه
انا احس انه هو والاثاث واحد .. مجرد منظر كي يغدو << ياساتر على يغدو .. المنزل منزلا .. او صح !! هومفيد في حالة الانترنت << اكره شي يوم امي ترفع
التلفون ويفصل النت وانا جالس اطقطق عليه .. وعاد لو فيني خير اقولها يما سكري السماعه ^^
في احد الايام الفارغه كالعاده .. وانا اخذ جوله استطلاعيه على البيت .. لفت انتباهي شكل تلفون بيتنا ... كلاسيكي .. من ايام الملك فاروق .. لونه احمر .. وفيه
ذيك الارقام اللي على شكل دويرة ..<< والله لو نوديه المتحف ابرك .. على الاقل نستفيد فلوس ^^ .. جلست جنبه وقعد اقلب في جوالي .. ولا يرن هالجوال
<< ولكم ان تتخيلو صوته .. كانه صوت عجوز ماكلين عاشها ^^

انا : الو ؟؟
التلفون ( صوت واحد ثقيل دم ) : هذا بيت ماجد ؟؟
انا : لا ياخوي غلطان
التلفون : طيب عطني ماجد
انا : هههههههه لا ياخوي شكلك ماسمعتني اقولك غلطان
التلفون : اها ... طيب عطيني ماجد
انا : ياعمي قلنا لك غلطان
التلفون : ليه هذا مو بيت ماجد ؟؟
انا : 0_0 (واسكر السماعه بوجه )
ماجد وماجد اذاني -_-

ويرن التلفون مره ثانيه

انا : نعم
التلفون ( مطعم ) : انتو طاالبين كنتاكي .. تراه عند الباب
انا : ^^ بس انا عطيتكم عنوان خطا انا اسف خذ العنوان من جديد << في رقبتك هاللي طالبين .. تلقاهم ميتين جوع وانت سرقت عشاهم ^^
ويرن واحد اخر
انا : الو ديدي تشان يتحدث ^^ << عجبته الشغله
التلفون ( وحده صوتها ناعم ) : الووووووووووووووو
انا : *_* نعم !!
التلفون : فديتك وفديت صوتك .. ممكن نتعرف
انا : ايه ماعندي اي مانع ^^ << ماصدق
التلفون : وه منك وه ... طيب .. حبيبي اشحن لي بمية ^^ << بسم الله مابعد قلنا ياكريم ...
انا : انا مو لاقي عشره علشان اعطيك ميه ^^
التلفون : طوط طوط
انا : 0_0 ياساتر هههههههههههههههههههههههههههههههههههههه

ويرن مره اخر

انا : الو ^^
التلفون ( هذاك اللي دمه ثقيل ) : مسا الخير اخوي .. ممكن تعطيني ماجد
انا : ياابوي انت .. ماتفهم قلنا لك مو بيت ماجد
التلفون : والله ادري .. بس ممكن تعطيني ماجد
انا : خلاص دام انك تدري وش رايك تسكر السماعه
التلفون : حاضر اوكي بس ممكن تعطيني ماجد ؟؟
انا ( صرخت ) : لاااااااااااااااااااااااااااااااااااااااااااااااااااااا ( وسكرت السماعه )

ماجد وماجد اذانا -_- ..

طبعا يمر ابوي من جنبي ويشوفني جالس قبال التلفون
ابوي ( مقطب حواجبه ) : مالقيت شغله تلهى فيها .. اشتغلت سنترال على اخر عمرك ؟؟ ترد على التلفون
انا : والله فله يبا ^^
ابوي : الله المستعان .. اترك عنك سواليف العيال وقوم شوف لك شي يبا
انا : يبا وش رايك تعطيني فلوس ؟؟ ^^
ابوي : وش رايك اروح قبل لاارتكب فيك جريمه ؟؟؟
انا : انه الحل الامثل ^^
ويمشي ابوي من عندي قبل مايرتكب فيني جريمه زي ماقال .. شدعوه يبا الحياة حلوة ^^
ويرن التلفون مره ثانيه