أعطني حرررريتي .. أطلق يدياااا

37

‏"‏ مآاااجد "

نفض اللحاف بقهرر وهو يتذكر ليلته البآرحه .. من شافها بالعرس وهي تهزع بدلال ماكن في بطنها ورع ‏.. وهو مهوب قادر يضبط عمره .. كل شوي يناظر في ساعته .. كودها تمشي ..

جآ بياخذها الساعه 1 وردته بحجت أنهم هل العرس ..
ومهيب زينه يسرون في وجيه العرب وقدهم قاعدين ماسرو ..

ثبرر عمره غصب .. لين تجي ثنتين وبيطلعها لو مابغت .. وبناته بيزحلقهم مع أهلهآ .. شوفت عيال عمه بالبشت معاريس هيضته وشوقته لذيك الليله ..

.
وقبل لايرفع جوآله ويدق عليها .. دقت الرساله بيده ..

وقف بغيض .. ولعن طوايفها ..
وهو يقرا رسالتها ..

‏"‏ ماجد أبسري انا وبناتي مع سفر أخوي .. بمسي عند أهلي "

استغفر ربه .. طلع برا لا حد يلاحظ غيضه .. دق عليها .. مقفل !!

زاد جنونه .. وتوعدها .. هين هين ياوضيح .. خلني بس أشوفس .. وألعن خامسس ..

رايحتن بلا شوري .. ومرسله تحداني .. يعني تراني رحت ‏.. وشعندك ؟؟

دق على سفرر ‏..
وصدمه أن قده عند بيته .. ووضيح منزلها من ثلث ساعه عند أهله ..

استحى يهجد بيت عمانه بتوالي الليول ..
ماصدق اشرقت الشمس ألا وشياطينه يوقضونه .. توضا وصلى صلاته اللي فاته ‏.. وسبح يهدي أعصابه وتوجه لبيت وضيح ..

‏"‏ وضحى "

الكسل وخمول الحمل مسوي سواياه .. راقده بعمق وتشخرر من التعب ..
ماحست ألا وامها تهزها .. قومي قومي .. رجلس أهنا ..

تمغطت بكسل .. وانقلبت علآ جنبها الثاني .. سحبت الملحف تغطى به .. وهي تقول لامها بصوت مثقله النووم .. يممممه .. تكفين قولي له برقد أهنيا ما أمرحت ألا عقب الفجرر ..

ام سالم .. قومي جعلس مرقد جدي أللي رقد ولا قام .. رجلس قده هنيا وعوينآته تقدح شراار ..

فزت قبل لاتكمل أمها حكيها .. قد غيضه مهوب خفين عنها ..

طلعت بسرعه عقب ذكرت ..
رجعت وغسلت وجهها .. ومشطت شعرها وتركته مثل ماهو ..
حطت كحل وروج بعد مابدلت قميصها بجلابيه هاديه ..

شاف زولها مقبله .. ووقف بيسبها قبل لا يسحبها ويحاسبها في بيتهم ..

لكن من شافها كماهي البارحه ..
طلعت ترحيبتن من قلبه مهوب من طرف لسانه .. عكس ماكان ناويه ..

حيآ الله أم البشاير >> بنتها بشرى الكبيره

فتحت عيونها بصدمه .. من يآااهيه ألى أم البشاير !!