فضلت تاليت و ليان يتكلموا و يهزروا لحد ما وصلوا الدرس و اول ما دخلوا .. طلعت تالين الموبايل و اتصلت بمراد .. كنسل عليها و دقيقه و اتصل ...
تالين:ايه يا مراد
مراد:ايه يا قلب مراد .. وصلتى بالسلامه ؟
تالين:اها لسه داخله الدرس من دقايق
في اللحظه دي قام سراج وقف و اتكلم بصوت على ....
سراج:نعااااااام
كل البنات بصوا عليه .. و مستغربين رد فعله و بصته لتالين ....
مراد:ايه الصوت العالى اللى عندك ده ؟؟
تالين:لالا ده السكرتير بيزعق لشباب وقفين بره .. سلام بقى يا مراد عشان احنا سامعين صوت المستر
مراد:اوك يا حبيبي .. خلى بالك من نفسك
تالين:حاضر .. باى
مراد:باى
قفلت تالين السكه و بصت لسراج نظرة طويله اوى .. هو فاهمها كويس ....
نظرة بتقوله فيها بطل غباء ، ما تديش لنفسك الحق تبوظ حياه دخلتها متأخر .. نظرة بتقوله فيها انا اسفه سامحنى .. و نظرة في نفس الوقت بتقوله انها خايفه يأذيها او يبعدها عن مراد ...
ابتسم سراج ابتسامه بارده مليانه حزن .. بس الابتسامه طمنت تالين لما شافت في عنيه انه بيقولها متقلقيش ، اللى بيحب حد مش بيأذيه ...
ابتسمت تالين و بصت في الارض و قعدت .. و فتحت الواجب تراجعه عشان تغير الموضوع .....
( روايات بسوم )
***************************************
في مكان تانى .....
لمياء:و بعدين في عيالك يا كارم
كارم:مالهم !
لمياء:كل ما اروح لمراد ما بيرضوش يجوا معايا .. بقالهم فوق التسع شهور مش بيجوا معايا .. خلاص نسيوه !! بقيت دي اخرت تربيتنا فيهم يا كارم
كارم:ههههههه طول عمرك تحبي تعملى مفتحه .. بس الحاجه اللي بتتفهم ما بتفهميهاش
لمياء:يعني ايييه ؟؟؟
كارم:يعني انتى تصدقى ان باسم و حاتم يقدروا يبعدوا عن مراد !
لمياء:ما دة اللي هيجننى
كارم:ههههههه قومى اعملى الغدا يا لمياء
لمياء:لا بقى مفيش غدا .. افهم الاول بتضحك على ايه
كارم:عليكي .. اصلك بتغنى و تردى على نفسك
لمياء:ازاااى بقى ده
كارم:عيالك بيروحوا كل يوم لمراد .. بس هما مش بيحبوا يروحوا معاكى انتى .. فهمتى ؟
لمياء:نعاااااام
كارم:بصي يا لمياء .. اقسم بالله لو عيالك عرفوا حاجه و صغرتيني قدامهم لتبقى طالق
لمياء:يعني ايه يعني ! هتطلقني لو اتكلمت
كارم:اها و اديني حلفت
لمياء بعصبيه:ماااشي يا كاارم
كارم:عندك اختيارك بقى تطلقى يا تسكتى
لمياء:...
في اللحظه دي دخل حاتم الاوضه ....
حاتم:بابا تيلفون علشانك من الشغل
كارم:حاضر يا حاتم انا جاى .. قام وقف و طلع من الاوضه و هو بيبرطم ...
وليه ما يتبلش في بوقها فوله .. احسن كده لازم تتحكم بقى شويه .. نسوان ما تجيش غير بلوى الدراااع .....
( روايات بسوم )
***************************************
في نفس الوقت في مكان تانى .....
داغر:ادخل
العسكرى:في واحد برا عايز يقابل حضرتك يا فندم
داغر:مين ده ؟
العسكرى:بيقول اسمه مؤنس محمد
داغر:عايز ايه يعني
العسكرى:معرفش سيادتك بس بيقول لازم يقابل حضرتك ضرورى
داغر:اممممم طب دخله دخله
العسكرى:تمام يا فندم .. و طلع من الباب و سمح لمؤنس بالدخول .. و اول ما دخل ...
داغر بصله اوووى:هو انت ..
مؤنس:ايووة انا يا بيه .. انا تعبت و الله من كتر ما بلف .. و باجى هنا على طول و بيمشونى من غير حق ولا باطل
داغر:طب اقعد يا...
مؤنس:مؤنس يا باشا
داغر:اقعد يا مؤنس استريح
مؤنس:حاضر يا بيه .. قعد مؤنس و هو بياخد نفسه
داغر و رفع التيلفون:تشرب ايه يا حج ؟
مؤنس:متتعبش نفسك انا شارب .. المهم نتكلم في الموضوع
داغر:لا ازاى .. لازم تشرب حاجه طبعا
مؤنس:كتر خيرك يا ابنى
داغر:ها هتشرب ايه ؟
مؤنس:ممكن قهوة مظبوط
داغر و بيتكلم في التليفون:قهوة مظبوط بسرعه .. و قفل السكه
داغر:هاا بقى نتكلم في المهم .. كنت جاى ليه ؟
مؤنس:انا سمعت عن موضوع العصابه متأخر اووى يا حضرة الظابط ..و لسه عارف امبارح انه داخل على شهر الموضوع ده و قلبي قالقنى و حاسس ان ابنى معاهم
داغر:حصل فعلا بس احنا لسه ما قبضناش عليهم و لا عرفنا حاجه عنهم .. كلها احتملات مبنيه على ساعه واحده بس ظهروا فيها
مؤنس:قصدك ايه يا ابنى
داغر:يعني احنا بقالنا يجي شهر اهو مش عارفين نوصلهم .. بس باذن الله هنوصلهم احنا مش ساكتين
في الوقت ده دخل الراجل حط القهوة و المايه و مشي ....
مؤنس:طب و ابني يا حضره الظابط .. انا بقالى يجي سنتين معرفش عنه حاجه انا هموت و امه كمان هتموت
داغر:متقلقش يا حج .. بس حضرتك متعرفش ان دي اصلا اكتر قضيه شغالين عليها و مش سايبينها .. و اكيد اول ما نوصل لحاجه هنبلغكوا فورا
مؤنس:بسس ..
داغر:يااا استاذ .. احنا بنعمل اللي علينا و زياده .. و بعدين اطمن اصلا احتمال وجود ابنك مع العصابه دي ضئيل جدا .. ابن حضرتك وقت اختفاءه كان ناضج و كبير مش عيل صغيره .. و حسب معلوماتى ان العصابه دي ما بتخطفش الا بنات و لو امكن اطفال .. لكن شباب ! معتقدش
مؤنس:يعني هو لو ابنى مش مع العصابه هيكون راح فين !!
داغر:هنعررف يا مؤنس .. هنعرف
مؤنس:امتى بسس يا بيه !!!
داغر:قريب اووى .. هانت
مؤنس:....
( روايات بسوم )
*************************************
أنت تقرأ
مقتل في غرفة سرية
Mystery / Thrillerالروايه بقلمي ، تابعه لصفحه " روايات بسوم " عبر الفيس بوك .. تحكي الروايه عن معاناه الحب الصادق في ظل تحكم الاباء في حياه ابنائهم ، تحكي عن النتائج السلبيه التي تترتب علي هذا التحكم ، تحكي ايضاً ان الحب يوجد في كل مكان و ليس علي ارض الواقع فقط ، إلي...
