مقتل في غرفة سرية

* الفصل التاسع *

تانى يوم الصبح صحى مراد و لبس و نزل قابل ماجد و راحوا مع بعض الكليه .....
ماجد:هو رامى مجاش النهارده ولا ايه ؟
مراد:اها اصله في حاله اكتئاب و نزل المنصورة يقعد يومين في بيته
ماجد:ليه كده ؟ هو حصل ايه !!
مراد:اممممممم حلا قرايه فتحتها كانت امبارح
ماجد:اييه !!
مراد:زى ما سمعت
ماجد:هى لحقت تتخطب ؟؟ هى مش كانت بتحبه
مراد:المفروض انها كانت بتحبه .. بس الظاهر كده فعلا ان كل البنات ما عندهمش اخلاص
ماجد:يا عيني عليك يا رامى .. اوعى انت كمان الست تالين تبيعك مع اول عريس
مراد:يا نهااار اسود لو عملت كده انا ممكن اموت
ماجد:ربنا يستر .. تفتكر رامى احساسه ايه دلوقتى !
مراد:احساس ميتوصفش اكيد .. و لو وصفتهولك انت مش هتفهمه
ماجد:ليه بقى ان شاء الله
مراد:عشان انت بتاع تسالى و ما لكش في الحب
ماجد:و ماله على الاقل مريح دماغى و مريح قلبي من القرف اللى انت و رامى فيه ده
مراد:قرف ! الحب بقى قرف
ماجد:الحب بهدله .. و انا بصراحه مليش مزاج اتبهدل
مراد و زقه في كتفه:طب امشي يا اخويا امشي
ماجد:على فيييين
مراد:على المكتبه
ماجد:نعم !!!! مكتتتبه .. و ده من امتى ده ؟؟
مراد:يا زفت .. في واحد جالى امبارح المكتبه اللى انا شغال فيها و سألنى على كتاب تاريخ كده .. بس هو مش موجود .. فانا هطلع ادور عليه فوق و اشوفه لو لقيته اعرف شكله عشان ابقى انزل اجيبه .. لانى اتفقت معاه يجيلى الاسبوع الجاى
ماجد:امممم و اسمه ايه الكتاب ده .. مش يمكن اعرفه
مراد:مش حافظ اسمه .. بس الورقه في جيبي فيها الاسم
ماجد:طب ماشي يالا نطلع نشوفه
( روايات بسوم )
*************************************
في مكان تانى .....
الباب بيخبط و وائل بيفتح .....
ليان بتتكلم بسرعه:ازيك يا وائل .. فين طنط
وائل:مالك يا ليان ؟ في ايييه !
ليان:نادى طنط بسرررعه و هقولكوا
وائل:طب ادخلى و انا هناديها
ليان:ماشي ... دخلت ليان و راح وائل بسرعه نده ديما و طلعوا قعدوا مع ليان .....
ديما:في ايييه يا بنتى .. ماالك ؟؟
ليان:احتمال كبير اووى يلاقوا تالين يا طنط
قامت ديما وقفت و اتكلمت بأنفعال و انتباه ....
ديما:اييييه ؟؟ بنننتى .. ازاااى ؟؟؟؟ اتكلمى بسررررعه
ليان:انا كنت قاعده مع بابا من شويه بنتفرج على الاخبار و لقينا برنامج طالع فيه ظابط و قال ان الشرطه قبضت على العصابه اللى بتخطف البنات
ديما:بجججددد ؟؟ هيلاقوا بنتى ؟ اكيد بنتى معاهم .. صح ؟؟؟ هيلاقوها صح ؟؟؟؟؟؟
ليان:اكيد يا طنط .. هما بيقولوا انهم لسه بيحققوا معاهم و اكيد هيلاقوها لان مفيش حل غير انها مخطوفه
ديما:طب روح يا وائل البس و انا هنزل معاك و نروح نسأل يمكن يكونوا وصلوا لحاجه
وائل:ايه اللى انتى بتقوليه ده يا ماما ! اولا احنا بليل ثانيا مش هيفيدونا باى حاجه .. ثالثا بقى ان اصلا هما لسه موصلوش لحاجه .. هتروحى تعملى ايه ؟؟
ديما:عااايزززة اطمن يا ابنى
وائل:اول ما يوصلوا لحاجه اكيد هنعرف يعني .. و اكيد هما هيكلمونا
ديما:ياااااارب ياااارررب رجعلى بنتى يااارب
( روايات بسوم )
*************************************
نرجع تانى .....
مراد:اووووف بقى شكله مش وجود
ماجد:اكيد موجود يعني .. دور كويس المكتبه كبيرة .. و انا كمان بدور اهو
مراد:بدور بدوووور
ماجد:ايييه ده ؟؟؟!!
مراد:لقييته ؟؟
ماجد:لا ما لقيتهوش .. بس بص لقيت ايه
راح مراد لماجد مكان ما هو واقف ....
مراد:ايه ؟؟ ايه ده !!
ماجد:مش عارف .. بس ده مش كتاب
مراد:هات كده .. مسك مراد الكتاب و فضل يقلب فيه
ماجد:فهمت حاجه !
مراد:ده مش كتاب اصلا و ملهوش علاقه بالمكتبه
ماجد:امال ايه ؟؟
مراد:انت اتعميت يا عم ! انت مش شااايف .. ده كله علي بعضه 10 ورقات و مكتوب بخط الايد .. و كمان الورق متبهدل و شكله بقاله اكتر من سنه مستخبي هنا
ماجد:طب ايه ده اللى هيجيبوا هنا !!
مراد:انت لقيته فين ؟؟
ماجد:تحت صف الكتب اللى جوا خالص ده .. بحط ايدي بالصدفه لقيت طرف الجلده بتاعته فشديته .. قولت اشوف ايه ده
مراد و بيبص حواليه:طب بقولك اييه
ماجد:ايه ؟
مراد:انا هاخده و هخبيه و نروح عندك المحل بليل نقراه و نفهمه كويس
ماجد:هتستفاد ايه يعني و بتتكلم بصوت واطى ليه اساسااا ؟؟
مراد:قولتلك انه شكله مش تبع المكتبه .. و الظاهر ان حد من الطالبه كان كاتبه و خباه عشان محدش يشوفه .. احنا هناخده و لا من شاف ولا من درى و نقرأه و نعرف ايه ده
ماجد:ما بلاش يا عم الا يكون سحر ولا شعوزة و نلبس في حيييط
مراد:بطل جبن يااالا .. انا كده كده هاخده و هقراه .. عايز تقرا معايا كان بها مش عايز يبقى احسن في داهيه و وفرت عليا رغيك و زنك
ماجد:خلاص يا عم نقراه .. ابقى تعالى بليل المحل بعد ما ابويا يمشي زى كل يوم و نقراه
مراد:ايوووة كده .. اتعدل و استرجل
ماجد:ماشي يا عم .. خبيه بقى احسن حد يشوفه معاك و يالا بينا من هنا بقى اما نشوف اخرتها معاك
مسك مراد الكتاب و خباه في ظهر البنطلون و اتكلم ....
مراد:ماااشي خبيناااه .. تعالى بقى نكمل بحث عن الكتاب الزفت ده
ماجد:مع نفسك بقى .. انا تعبت و مش هنلاقي حاجه
مراد:يعني مش هتدور معايا ؟
ماجد:بقالنا ساعه بندور و ما لقينااش حاجه
مراد:يالا بينا يا ماجد .. مش هخلص من زنك انا عارف
ماجد:يالا يا زفت
مراد زقه و مشيوا .. حضروا المحضرات و خلصوا اليوم و راح مراد الشغل و بليل راح لماجد المحل عشان يقروا الكتاب .....
( روايات بسوم )
*************************************
في مكان تانى .....
الدكتور ماشي في الممر بيمر على الغرف .....
بيبص الدكتور لواحد قاعد على كرسي في الممر و بيتكلم ....
الدكتور:اييه ده ؟؟ مش الصوت اللى طالع ده من الغرفه اللى سيادتك المفروض تكون فيها
الممرض بلجلجه:اها يا دكتور
الدكتور:امال قاعد مكانك بتعمل ايييه !!!
الممرض:اصل ...
الدكتور بزعيق:اصل اييييه و فصل اييييه .. انت مش شااايف شغلك لييه ؟ و سايب المريض اللى مسؤل منك لوحده
الممرض:قلبي بيتقطع يا دكتور .. مش بقدر اشوفه في الحاله دي
الدكتور:لا و الله .. و من امتى بقى احنا بنستعمل قلبنا .. احنا لو مشينا ورا قلبنا يا استاذ هنسيب المرضى دول يموتوا و يأذوا نفسهم
الممرض:عارف يا دكتور .. بس حضرتك عارف انه اصلا المريض ده في غيبوبه و مش بيفوق يعني مش هيأذي نفسه .. هو كالعاده بيخطرف و انا مش قادر استحمل منظرة .. فخرجت قعدت برا
الدكتور بص للممرض بقرف و راح ناحيه الغرفه ....
الدكتور و بيشاور ع ورا:حسابك معايا بعدين
الممرض:بص في الارض و دخل ورا الدكتور الغرفه ....
المريض بصريخ:اسسستنى .. لا لا لا لا
الممرض:لا حول ولا قوه الا بالله
المريض:انا مش هعمل كده لااااااا لااااا
قرب الدكتور منه و عطاله الحقنه المهدأه .. و بدء صوت صريخه يقل لحد ما اختفى و سكت خالص ....
المريض:انا ميين .. استنى خليك معايا .. لاااا لاا لا ل ..
الممرض:الحمدلله .. ربنا يخفف عنه
الدكتور:خليك جنبه و ما تتحركش .. فاهم ؟؟
الممرض:فاهم يا دكتور
( روايات بسوم )
*************************************
ماجد:احييييه احييييه يالهووووى يااامااا
مراد:ما تسترجل يالا في اييه !
ماجد:في ايييه !! انت محسسنى انى قريت الكتاب لوحدى
مراد:و ماله يعني .. في ايه الكتاب مخوفك كده
ماجد:انت مش طبيييعي ابداااا .. الكلام ده يودي في داهيه .. ممكن يكون اللى كاتب الكلام ده عمل مصيبه بطريقه من دول
مراد:امممم عادي ممكن
ماجد:طب و افرض بقى حد شاف الكتاب ده معانا .. احنا ممكن نلبس مصيبه و نروح كلابوش
مراد:و مين هيشوفوا بقى ؟
ماجد:الله اعلم .. انا ايش عرفنى .. اكيد اللى مخبيه خباه عشان يبعد عن نفسه مصيبه .. و احنا ممكن نلبسها
مراد:اهدا يا عم مش هنلبس حاجه .. بطل خوفك ده
ماجد:يادي الواقعه السوووده .. انا و الله غلطان انى بمشي وراااك
مراد بصوت عالى:انت عاااايزززز ايه يعني
ماجد:هعوووز اييه .. انا عايز اعيش حياااتى يا عم
مراد:و حد قال انك مش هتعيشها
ماجد:لو حد شاف الكلام ده احنا هنروح في داهيه
مراد:طب نعمل ايه يعني
ماجد:نحرق الكتاب ده و لا من شاف ولا من درى
مراد:انت مجنون
ماجد:لالالا ابوووس ايدك يا مراد انت عارف انى مليش في الحجات دي .. ابوس ايدك نحرقه
مراد:ماشي يا سيدي هنحرقه .. بس الاول نجرب اللى فيه
ماجد قام منطور:على مييين .. تجررب ايه يا عم و على ميين !!!
مراد:اهدي .. مش هجربها على انسان يعني .. نجربها على حيوانات و نشوف الكلام ده صح ولا غلط
ماجد:بص الكلام ده صح .. اعتبره صح .. و مش لازم تجرب .. و انبي بلاااااش
مراد:عندى فضول اعرف
ماجد:مراااد الفضوول وحش .. لحد الفضول و اقف .. تعالى نحرق الكتاب و استهدا بالله
مراد:نحرقه ماشي .. بس انا حفظت الكلام اللى فيه علي فكرة
ماجد:يا عم حفظته حفظته .. بكرا تنساه بس الكتاب لازم يتحرق و دلوقتي و ما تقوووليش نجرب حاجه
مراد:اووووووف ماااشي يا ماجد .. اتفضل تعالى نتنيل نحرقه
ماجد:ايووووة كده .. يالا ننزل تحت بقى و نحرقه
مراد:ماااااشي .. ياااالا بينا
راح مراد و ماجد جابوا صفيحه و حطوا فوقها الكتاب و حطوا عليه جاز و ولعوا فيه و بعد كده اخدوا الصفيحه باللى عليها و رموها في صندوق مهملات في الشارع و رشوا معطر جو في المحل و بعد كده قفلوا المحل و مشيوا ...
طلع ماجد بيته و روح مراد و كلم تالين و ناموا ....
(ماجد في العمارة بتاعتهم عنده محل سوبر ماركت بيقعد فيه دايما و اكتر الوقت اصحابه بيقعدوا معاه فيه .. عشان تبقوا فاهمين محل ايه بس) ....

#بسمه_ممدوح